తమిళ హీరో కార్తి మంచి కంటెంట్ ఉన్న సినిమాలు చేయడంలో దిట్ట. హిట్, ఫ్లాప్ తో సంబంధం లేకుండా వరుస సినిమాలు చేస్తూనే ఉన్నాడు. ఎవరూ ఆలోచించని కథలతో ప్రేక్షకుల ముందుకు వస్తుంటాడు. ఆయన సినిమాలను తమిళ ప్రేక్షకులతో పాటు తెలుగు ఆడియెన్స్ కూడా బాగానే ఇష్టపడుతారు. ఆయన నటించిన పలు సినిమాలు తెలుగులోనూ విడుదలయ్యాయి. మంచి జనాదారణ దక్కించుకున్నాయి.
ఈ ఏడాది ‘విరుమాన్’తో సూపర్ హిట్ కొట్టిన కార్తి, తాజాగా ‘పొన్నియిన్ సెల్వన్’తో ఇండస్ట్రీ హిట్ సాధించాడు. తాజాగా ‘సర్దార్’ సినిమాతో ప్రేక్షకుల ముందుకు వచ్చాడు. దర్శకుడు పిఎస్ మిత్రన్ ఈ సినిమాను తెరకెక్కించారు. ప్రిన్స్ పిక్చర్స్ బ్యానర్ మీద ఎస్ లక్ష్మణ్ కుమార్ ఈ సినిమాను నిర్మించారు. అందాల తారలు రాశీ ఖన్నా, రజిషా విజయన్ హీరోయిన్లుగా చేశారు. దీపావళి కానుకగా ఈ సినిమా విడుదల అయ్యింది. తెలుగు, తమిళ భాషల్లో గ్రాండ్ గా విడుదల అయ్యింది. తెలుగులో అన్నపూర్ణ స్టూడియోస్ ద్వారా అక్కినేని నాగార్జున సమర్పిస్తున్నాడు. ఓవర్సీస్ లో ఇప్పటికే ఈ సినిమా ఫస్ట్ షో పడింది. ఈ సినిమాను చూసిన ప్రేక్షకులు.. మూవీ ఎలా ఉందో చెప్తూ ట్విట్టర్ వేదికగా రివ్యూలు రాస్తున్నారు. ఇంతకీ వారు ఏం చెప్తున్నారో ఇప్పుడు తెలుసుకుందాం.
దీపావళి బ్లాక్ బస్టర్ ‘సర్దార్’
‘సర్దార్’ సినిమాపై ఆడియెన్స్ నుంచి పూర్తిగా పాజిటివ్ టాక్ వస్తున్నది. 2022 సంవత్సరం కార్తికి బాగా కలిసిసొచ్చిందని చెప్తున్నారు. ఇప్పటికే ఈ ఏడాదిలో ‘విరుమాన్’, ‘పొన్నియిన్ సెల్వన్ తో అద్భుత విజయాలను అందుకున్న కార్తి ఖాతాలో మరో బ్లాక్ బస్టర్ పడిందంటున్నారు. ఈ సినిమా ఓవరాల్ గా సూపర్ ఉందంటున్నారు. సినిమాలో వంకపెట్టే అవకాశం లేదంటున్నారు. దివాళి బ్లాక్ బస్టర్ మూవీగా ‘సర్దార్’ నిలిచిందంటున్నారు. సినిమాకు సంగీతం ప్రాణంగా నిలిచిందంటున్నారు. బీజీఎం అద్భుతంగా ఉందంటున్నారు. కథ, స్క్రీన్ ప్లే, నటీనటుల ఫర్ఫార్మెన్స్ అద్భుతం అంటున్నారు. ఇంకా ఎవరెవరు ఏమంటున్నారో చూసేయండి.