Rishab Shetty's Kantara Chapter 1 first look release date: కన్నడ హీరో రిషబ్ శెట్టి ప్రధాన పాత్రలో నటించడంతో పాటు దర్శకత్వం వహించిన సినిమా 'కాంతార'. కర్ణాకట వ్యాప్తంగా, దేశంలోని ఇతర నగరాల్లో కన్నడ వెర్షన్ థియేటర్లలో విడుదలైన సమయంలో ఆ సినిమా భారీ విజయం సాధిస్తుందని ఎవరూ ఊహించి ఉండరు. కన్నడలో తీసిన ఆ సినిమా ఇతర భాషలో అనువాదమై... ప్రేక్షకులు అందరినీ ఆకట్టుకుంది. 'కాంతార' భారీ విజయం సాధించడంతో దానిని ఓ ఫ్రాంచైజీ తరహాలో ముందుకు తీసుకు వెళ్లాలని రిషబ్ శెట్టి డిసైడ్ అయ్యారు.


'కాంతార' చాప్టర్ 1 ఫస్ట్ లుక్ ఎప్పుడంటే?
'కాంతార'కు ప్రీక్వెల్ తెరకెక్కుతోన్న సంగతి తెలిసిందే. ఆ సినిమాకు 'కాంతార : ఏ లెజెండ్' చాప్టర్ 1 అని టైటిల్ ఖరారు చేశారు. ఆ సినిమా ఫస్ట్ లుక్ విడుదలకు ముహూర్తం కూడా ఖరారు చేశారు. ఈ నెల 27న... అంటే సోమవారం నాడు 'కాంతార 2' (Kantara 2 First Look) విడుదల చేయనున్నారు. 


'కాంతార' సినిమా గుర్తు ఉందా? సినిమా ప్రారంభంలో హీరో తండ్రి, చివరలో హీరో దట్టమైన చెట్ల మధ్యలోకి వెళతారు. అక్కడ ఒక్కసారిగా మాయం అవుతారు. ఆ సమయంలో ఓ కాంతి కింద వస్తుంది. దాన్ని గుర్తు చేసేలా కొత్త 'కాంతార' సినిమా ఫస్ట్ లుక్ విడుదల చేయనున్నారు. 


'అది కాంతి మాత్రమే కాదు... దర్శనం' అంటూ ఈ నెల 27న మధ్యాహ్నం 12.55 గంటలకు ఫస్ట్ లుక్ విడుదల చేస్తామని రిషబ్ శెట్టి ట్వీట్ చేశారు. అదీ సంగతి!


Also Read: కోట బొమ్మాళి పీఎస్ రివ్యూ: రాజకీయ చదరంగంలో పోలీసుల మధ్య యుద్ధం - థ్రిల్ ఇస్తుందా? లేదా?  






'కాంతార'ను 'కెజియఫ్ 1', 'కెజియఫ్ 2' సినిమాలు ప్రొడ్యూస్ చేసిన కన్నడ టాప్ ప్రొడక్షన్ హౌస్ హోంబలే ఫిల్మ్స్ సంస్థ నిర్మించింది. విజయ్ కిరగందూర్ నిర్మాత. ఇప్పుడీ 'కాంతార : ఏ లెజెండ్' చాప్టర్ 1ను కూడా ఆయనే నిర్మిస్తున్నారు. 'కాంతార' విజయంలో సంగీత దర్శకుడు అజనీష్ లోకనాథ్ స్వరాలు, నేపథ్య సంగీతం కీలక పాత్ర పోషించాయి. ఇప్పుడు ఈ ప్రీక్వెల్ సినిమాకు కూడా ఆయనే సంగీతం అందిస్తున్నారు. 'కాంతార' తర్వాత తెలుగులో సాయి ధరమ్ తేజ్ 'విరూపాక్ష', అజయ్ భూపతి 'మంగళవారం' సినిమాలకు అజనీష్ సంగీతం అందించారు. 


Also Read: ఆదికేశవ రివ్యూ: మెగా మేనల్లుడి ఊర మాస్ యాక్షన్ - వైష్ణవ్ తేజ్ సినిమా హిట్టా? ఫట్టా?



రిషబ్ శెట్టి దక్షిణ కర్ణాటకలో తీర ప్రాంతానికి చెందిన వ్యక్తి. ఆయన బాల్యానికి, 'కాంతార' కథకు ఓ సంబంధం ఉంది. దక్షిణ కర్ణాటకలో దైవారాధన ఎక్కువ. మన తెలుగు రాష్ట్రాల్లో కొన్ని ప్రాంతాల్లో ఉన్నట్లు కుల దైవం వంటి ఆచారాలు ఉన్నాయి. బాల్యంలో ఆ ఆచారాలను గమనించిన రిషబ్ శెట్టి, ఈ సినిమాలో చూపించారు. ఇప్పుడీ 'కాంతార 2' వాటి గురించి మరింత ఎక్కువ చూపించే అవకాశాలు ఉన్నాయి.


ఎలక్షన్ ఫాంటసీ గేమ్ ను ఆడండి. 10వేల రూపాయల విలువైన గాడ్జెట్లు పొందండి. 🏆 *T&C Apply