సినిమా నటీనటుల లైఫ్ చాలా లగ్జరీగా ఉంటుంది. ఉండే ఇల్లు, తిరిగే కార్లు, వేసుకునే దుస్తులు సహా అన్నీ ఖరీదైనవే వాడుతారు. ఇక హీరోయిన్ల దగ్గరుండే పర్సులు, హ్యాండ్ బ్యాగులు ధరల గురించి తెలిస్తే మైండ్ బ్లాంక్ అవుతుంది. రీసెంట్ గా హీరోలు సైతం ఖరీదైన బ్యాగులతో కనిపిస్తున్నారు. కొద్ద రోజుల క్రితం ఫ్యామిలీతో ఫారిన్ వెకేషన్ కు వెళ్తూ ఎయిర్ పోర్టులో ఖరీదైన బ్యాగుతో కనిపించారు టాలీవుడ్ సూపర్ స్టార్ మహేష్ బాబు. లూయిస్ విట్టన్ కంపెనీకి చెందిన ఆ బ్యాగు ఖరీదు 3 లక్షల 92 వేలు అని తెలిసి అందరూ అశ్చర్యపోయారు.
ఎన్టీఆర్ బ్యాగు ఖరీదు రూ. 5,60,427
తాజాగా యంగ్ టైగర్ ఎన్టీఆర్ సైతం ఓ ఖరీదైన బ్యాగుతో ఎయిర్ పోర్టులో కనిపించారు. తన కారులో నుంచి దిగితూ భుజానికి తగిలించుకుని ఎయిర్ పోర్టులోపలికి వెళ్లారు. ఈ బ్యాగు ఖరీదు గురించి తెలుసుకుని అందరూ ఆశ్చర్యపోతున్నారు. తొలుత ఎన్టీఆర్ దగ్గరున్న బ్యాగ్ గురించి నెటిజన్లు ఆరా తీశారు. ఆ బ్యాగ్ ధర ఎంత? కంపెనీ ఏంటి? సహా పలు విషయాల గురించి తెలుసుకునే ప్రయత్నం చేశారు. చివరకు ఆ బ్యాగ్ వివరాలు తెలిసి షాక్ అవుతున్నారు. ఎన్టీఆర్ విమానాశ్రయంలో భుజానికి వేసుకుని తీసుకెళ్లిన ఆ బ్యాగ్ లూయిస్ విట్టన్ కంపెనీకి చెందినదిగా గుర్తించారు. ఈ బ్యాగ్ హై-ఎండ్ ఫ్యాషన్ కు గుర్తుగా చెప్పుకోవచ్చు. ఈ యాక్సెసరీ విలువ రూ. 5,60,427.44. పూర్తిగా బ్లాక్ కలర్ లో ఉన్న ఈ బ్యాగు చూపరులను బాగా ఆకట్టుకుంది.
లగ్జరీ లైఫ్ కు సింబల్ లూయిస్ విట్టన్ బ్యాగ్
మనలో చాలా మంది సాధారణ బ్యాక్ ప్యాక్ ను కొనుగోలు చేసి సంతృప్తి చెందుతారు. అయితే, ఎన్టీఆర్ లూయిస్ విట్టన్ యాక్సెసరీ మాత్రం చాలా ఖరీదైన బ్యాక్ ప్యాక్. ఇది స్టైలిష్‌గా మాత్రమే కాదు, ఫంక్షనల్‌గా కూడా ఉంటుంది. ఎందుకంటే, ఇది మంచి నాణ్యత కలిగిన మెటీరియల్ తో తయారు చేస్తారు. అంతేకాదు, మల్టీ కంపార్ట్‌ మెంట్‌లను కలిగి ఉంటుంది. డిజైనర్ ఫ్యాషన్‌లో స్పెషల్ ప్రొడక్టుగా చెప్పుకోవచ్చు. ఆయన ఈ బ్యాగ్ తో ఎయిర్ పోర్టులో కనిపించిన తర్వాత చాలా మంది ఈ బ్యాగ్ గురించి సెర్చ్ చేశారట. ఈ బ్యాగ్ ను కొనుగోలు చేసిన వారంతా, దీనిని లగ్జరీ లైఫ్ కు చిహ్నంగా భావిస్తారట. అందులో భాగంగానే ఎన్టీఆర్ సైతం లూయిస్ విట్టన్ బ్యాగ్ ను తీసుకున్నారట.
‘దేవర’ చిత్రంలో నటిస్తున్న ఎన్టీఆర్
ప్రస్తుతం ఎన్టీఆర్ ‘దేవర’ సినిమాలో నటిస్తున్నారు. ఈ మూవీకి టాలెంటెడ్ డైరెక్టర్ కొరటాల శివ దర్శకత్వం వహిస్తున్నారు. ఇప్పటికే ఈ మూవీ షూటింగ్ శరవేగంగా సాగుతోంది. ఇటీవలే హైదరాబాద్ లో ప్రారంభించిన షూటింగ్ షెడ్యూల్ ను విజయవంతంగా పూర్తి చేసింది మూవీ టీమ్. ఈ షెడ్యూల్ లో భారీ యాక్షన్ సన్నివేశాలను తెరకెక్కించినట్టు తెలుస్తోంది. ఇక ఈ సినిమాలో హీరోయిన్ గా బాలీవుడ్ బ్యూటీ జాన్వీ కపూర్ నటిస్తోంది. తెలుగులో ఇదే ఆమెకు మొదటి సినిమా కావడం విశేషం. అలాగే బాలీవుడ్ స్టార్ నటుడు సైఫ్ అలీ ఖాన్ కూడా ఈ మూవీలో కీలక పాత్రలో కనిపించనున్నారట. ప్రముఖ సంగీత దర్శకుడు అనిరుధ్ ఈ సినిమాకు సంగీతం అందిస్తున్నారు. ఈ సినిమాను 2024 ఏప్రిల్ 5 న రిలీజ్ చేస్తామని ప్రకటించారు మేకర్స్. ఎన్టీఆర్ ఆర్ట్స్‌ పై హరికృష్ణ కె, యువసుధ ఆర్ట్స్‌పై సుధాకర్ మిక్కిలినేని ఈ సినిమాను ప్రతిష్టాత్మకంగా నిర్మిస్తున్నారు.
Read Also: ఆస్కార్ కమిటీలో ఎన్టీఆర్, రామ్ చరణ్, కీరవాణి - మళ్ళీ కాలర్ ఎగరేసేలా చేసిన 'ఆర్ఆర్ఆర్' టీమ్
Join Us on Telegram: https://t.me/abpdesamofficial