Samajavaragamana: టాలీవుడ్ లో యంగ్ అండ్ టాలెంటెడ్ హీరోల్లో శ్రీవిష్ణు కూడా ఒకరు. విభిన్నమైన కథలను ఎంచుకుంటూ వరుస సినిమాలతో దూసుకుపోతున్నాడు. తాజాగా ఆయన నటించిన సినిమా ‘సామజవరగమన’. ఈ మూవీకు రామ్ అబ్బరాజు దర్శకత్వం వహిస్తున్నాడు. ఇటీవలే ఈసినిమాకు సంబంధించిన ట్రైలర్ ను రిలీజ్ చేశారు మేకర్స్. ఈ సినిమా కూడా అవుట్ అండ్ అవుట్ కామెడీ ఎంటర్టైనర్ మూవీ అని ట్రైలర్ చూస్తే అర్థమవుతుంది. హీరో శ్రీవిష్ణు కూడా ఈ సినిమాపై ఫుల్ కాన్ఫిడెన్స్ తో ఉన్నట్టు తెలుస్తోంది. అయితే గతంలో విడుల చేసిన టీజర్ లో బాలకృష్ణ వాయిస్ ను ఇమిటేట్ చేస్తూ ఓ డైలాగ్ పెట్టారు. దీంతో ఆ టీజర్ తెగ వైరల్ అయింది. అయితే అందులో బాలయ్య డైలాగ్ ను ఎందుకు పెట్టారో ఇటీవల జరిగిన ఓ ఇంటర్వ్యూలో చెప్పుకొచ్చాడు హీరో శ్రీవిష్ణు. 


బాలయ్య ఇమిటేట్ డైలాగ్ పై స్పందించిన శ్రీవిష్ణు..


రీసెంట్ గా ‘అల్లూరి’ సినిమాతో యాక్షన్ హీరోగా అలరించారు హీరో శ్రీవిష్ణు. అయితే ఈ సినిమా అంతగా ఆకట్టుకోలేకపోయింది. అయితే ఈసారి మాత్రం తనకు బాగా కలిసొచ్చిన ఫ్యామిలీ ఎంటర్టైనర్ జోనర్ లో ఈ ‘సామజవరగమన’ సినిమా చేశారు. అయితే ఈ సినిమాలో బాలయ్యను ఇమిటేట్ చేస్తూ ఓ డైలాగ్ పెట్టారు. అయితే ఆ సీన్ పై కొంతమంది బాలయ్య ఫ్యాన్స్ ఫైర్ అయ్యారు కూడా. సోషల్ మీడియాలో ఈ మూవీపై విమర్శలు వచ్చాయి. ఈ నేపథ్యంలో సినిమాలో అలా ఎందుకు పెట్టారో అనే విషయాన్ని హీరో శ్రీవిష్ణు చెప్పుకొచ్చాడు.   మూవీలో బాలకృష్ణ వాయిస్ లాంటి డైలాగ్ కావాలని పెట్టలేదని అన్నాడు. సీన్ కు తగ్గట్టుగానే ఆ డైలాగ్ పెట్టామని అన్నాడు. హీరో బాగా చిరాకులో ఉన్నప్పుడు ఒక ఫోన్ వస్తుందని, అప్పుడు ఏదైనా ఫన్ జనరేట్ చేయాలనే ఉద్దేశంతో దర్శకుడు ఆ డైలాగ్ ను రాశారని చెప్పాడు. దాని వలన టీజర్ కు మంచి హైప్ వచ్చిందని చెప్పాడు. 


ప్రతీ సీన్ నవ్విస్తుంది: శ్రీవిష్ణు


ఈ సినిమాతో రామ్ అబ్బరాజు దర్శకుడిగా పరిచయం అవుతున్నాడు. అయితే ఈ సినిమా కథ చెప్పినపుడు ఫస్ట్ సిట్టింగ్ లోనే ఓకే చేశానని చెప్పుకొచ్చాడు శ్రీవిష్ణు. మూవీ షూటింగ్ టైమ్ లో కూడా టీమ్ అంతా చాలా నవ్వుకున్నామని, షూటింగ్ అంతా చాలా సరదాగా సాగిందని చెప్పాడు. మూవీకు టైటిల్ కూడా బాగా ఆలోచించే ఇలా పెట్టామని అన్నాడు. ‘సామజవరగమన’ అనేది అల్లు అర్జున్ సినిమాలోని ఓ పాట అని అన్నాడు. ఈ పాట ఎంత పెద్ద హిట్ అయిందో అందరికీ తెలిసిందేనని, ఇలాంటి టైటిల్ అయితే ఆడియన్స్ వెంటనే కనెక్ట్ అవుతారనే ఉద్దేశంతో టైటిల్ అలా పెట్టారని చెప్పాడు. ఈ సినిమాపై తనకు పూర్తి నమ్మకం ఉందని, సినిమాలో ప్రతీ సీన్ అందర్నీ నవ్విస్తుందని చెప్పాడు. 


ఈ నెల 29 న ప్రేక్షకుల ముందుకు ‘సామజవరగమన’..


హీరో శ్రీవిష్ణు చాలా కాలం తర్వాత మళ్లీ పూర్తి స్థాయి ఫ్యామిలీ ఎంటర్టైనర్ సినిమా చేశాడు. కెరీర్ మొదట్లో సహాయక పాత్రల్లో నటించిన శ్రీవిష్ణు తర్వాత హీరోగా మారాడు. పలు హిట్ సినిమాల్లో నటించారు. గతేడాది యాక్షన్ ఎంటర్టైనర్ మూవీస్ తో అలరించిన శ్రీవిష్ణు ఈసారి పక్కా కామెడీ మూవీతో ప్రేక్షకుల ముందుకు వస్తున్నాడు. ఈ సినిమాపై ఫుల్ కాన్ఫిడెన్స్ తో ఉన్నాడు. ఇక ఈ మూవీలో హీరోయిన్ గా రెబా మోనికా జాన్ నటిస్తోంది. జూన్ 29 న మూవీ ప్రేక్షకుల ముందుకు రానుంది. 


Also Read: ‘స్పై’ to ‘సామజవరగమన’- జూన్‌ చివరి వారంలో థియేటర్లలో సందడి చేసే సినిమాలివే!