జగతి, మహేంద్ర వసు గురించి ఆలోచిస్తూ ఉంటారు. ఏంటి జగతి ఇది అలా కొట్టడం కరెక్ట్ కాదు, వసుధార ఎంత బాధపడి ఉంటుందో అని మహేంద్ర అంటాడు. నువ్వు వసు గురించి ఆలోచిస్తున్నావ్ కానీ రిషి ఎంత బాధపడి ఉంటాడో అని జగతి అంటుంది. ప్రతి సారి ఎమోషన్స్ కంట్రోల్ చేసుకుంటావ్ తనని అంత ప్రేమిస్తావ్ కదా అందరి ముందు అలా ఎలా వసుధారని కొట్టగలిగావ్ అని అడుగుతాడు. మనం ప్రేమించిన వాళ్ళు తప్పు చేస్తేనే ఎక్కువ కోపం వస్తుంది, కంట్రోల్ చేసుకోలేకపోయాను, వసుకి గురువుగా కాకుండా రిషి తల్లిగా ఆలోచించాను. రిషి బాధపడతాడు అనే ఆలోచన వసుకి లేకుండాపోయింది అది కరెక్ట్ కాదు కదా అని జగతి అంటుంది. నువ్వు ఎన్ని చెప్పినా వసుని కొట్టడం కరెక్ట్ కాదని అంటాడు. ఇదంతా తన వల్లే అవుతుందని మహేంద్ర బాధపడతాడు.


రిషి, వసు ఒక చోట కూర్చుని జరిగింది తలుచుకుని బాధపడతారు. మన ఇద్దరి మధ్య ఒక చీర, ఒక గురుదక్షిణ అడ్డుకట్ట వేస్తుందా అని వసు అడుగుతుంది. ఒక చీర మన బంధాన్ని శాసిస్తుందా అని అడుగుతుంది.


రిషి: జరిగినదానికి నువ్వు బాధపడటం లేదా


వసు: ఏం జరిగింది సార్.. మేడమ్ కొట్టడమా, మీరు ఇచ్చిన చీర కట్టుకోకపోవడమా


రిషి: రెండు అనుకో.. అసలు ఏంటి నీ సమస్య


వసు: అప్పుడు ఉన్న పరిస్థితి గురించి మాట్లాడుకున్నాం. నేను చేసింది తప్పని అనుకున్నారు ఏమో కొట్టారు. ఈ విషయంలో నేనేమీ బాధపడటం లేదు


రిషి: అది మా నాన్నమ్మ చీర అని చెప్పి ఇచ్చాను. అది కట్టుకుంటే ఇంటి కోడలి హోదా వస్తుందని వచ్చినట్టే అని పెద్దమ్మ కూడా చెప్పారు కదా


వసు: చీర కట్టుకుంటే బంధం ఉన్నట్టు కట్టుకోకపోతే బంధం లేనట్టా


రిషి: నేను చెప్పినప్పుడు అయినా నువ్వు చీర కట్టుకోవాలి కదా


వసు: ఆకాశమంత ప్రేమ ముందు ఆరు గజాల చీర ఎంత చెప్పండి. అంత ప్రేమ మీరు నాకు ఇస్తున్నప్పుడు ఆ చీర కట్టుకుంటేనే ప్రేమ ఉన్నట్టు అనుకుంటే ఎలా. ఎవరు ఏమనుకున్నా మన మధ్య బంధం మారదు కదా


రిషి: అభిప్రాయాలు వేరు అయినప్పుడు బంధం ఒక్కటి ఎలా అవుతుంది, ఆ బంధం ధృడంగా ఎలా ఉంటుంది


Also Read: ఊహించని మలుపు, కొడుకు కోసం వేదకి అన్యాయం చేయబోతున్న యష్- సులోచన, మాలిని వార్ స్టార్ట్


వసు: ప్రేమ.. ప్రేమ అన్నింటినీ కలుపుతుంది, ఓర్చుకుంటుంది. మన మధ్య అభిప్రాయ భేదాలు ఉన్నాయేమో కానీ అనంతమైన ప్రేమ ఉంది. మన మధ్య ప్రేమని ఒక చీర కొలవలేదు. ఆ చీర మీకు ఒక ఎమోషన్, ఒక గొప్ప భావన అంతే.. ఆ చీర నాకు ఇవ్వాలనే ఆలోచన మీకు వచ్చిందని నేను అనుకొను.


రిషికి దేవయాని చీర ఇచ్చిన విషయం గుర్తు చేసుకుంటాడు. అవును ఆ చీర పెద్దమ్మ నీకు ఇవ్వమన్నారని చెప్తాడు. తను ఏ తప్పు చేయలేదని వసు సమర్దించుకుంటుంది. నాకు బాధగా ఉందని రిషి అంటాడు. మేడమ్ తరపున నేను నీకు సోరి చెప్తున్నా అని అంటాడు. మీరు ఎందుకు సోరి చెప్తున్నారు, జగతి మేడమ్ నన్ను కొట్టారు, మీరు తన తరపున సోరి చెప్తున్నారు అంటే మీ మనసులో ఏమనుకుంటున్నారు అని వసు మాట్లాడబోతుంటే రిషి కోపంగా వసుధార అని అరుస్తాడు. అక్కడ నుంచి వెళ్లిపోదామని అంటాడు.


Also Read: దుర్గ కాళ్ళ మీద పడి బతిమలాడుకున్న మోనిత, చుక్కలు చూపించిన దీప- శౌర్య కోసం వెతుకుతున్న కార్తీక్


దేవయాని చేసిన పనికి ఫుల్ ఖుషి అవుతుంది. జగతి వాళ్ళు ఏం మాట్లాడుకుంటున్నారో ఏం చేస్తున్నారో తెలుసుకుని తనకి చెప్పమని ధరణికి చెప్తుంది. వసుని రిషి ఇంటి దగ్గర డ్రాప్ చేస్తాడు. బై చెప్పకుండా వెళ్లిపోతుంటే వసుని పిలుస్తాడు. కారు తాళాలు తీసుకుని వసు లోపలికి రమ్మని చెప్తుంది. రిషి దేవయానికి ఫోన్ చేసి ఇంటికి రావట్లేదని చెప్తాడు. వసు చేతులని తన చేతుల్లోకి తీసుకుంటాడు రిషి. ఎక్కువ ప్రేమ కలిగినా అంతే భయం వేస్తుందని చెప్తాడు. నీ లైఫ్ లో నీకంటూ ఒక అభిప్రాయం ఉంటుంది కదా మరి నీ లైఫ్ లో నీకు ఇంపార్టెంట్ పర్సన్ ఎవరు నేనా.. మీ మేడమ్ నా ? ఎవరికి ఎక్కువ ప్రాధాన్యత అని అడుగుతాడు. మేడమ్ సర్ అని చెప్తుంది. షాకైన రిషి మరి నేను ఏంటని అడుగుతాడు. మీరు నా జీవితం అని వసు చెప్తుంది. మీరు నేను వేరు వేరు కాదు ఇప్పుడు, నా లైఫ్ మీరు అయినప్పుడు ప్రాధాన్యత అనే ప్రశ్న ఉండదు కదా అని అంటుంది.