పూజ పూర్తయిన తర్వాత ముత్తైదువులకు తాంబూలం ఇచ్చి ఆశీర్వాదం తీసుకోమని పంతులు చెప్తాడు. తర్వాత యష్ దగ్గర ఆశీర్వాదం తీసుకుంటుంది. ఇంత కష్టపడి పూజ చేసినందుకు ఏదైనా గిఫ్ట్ ఇవ్వమని అడుగుతుంది. ముందే చెప్తే తెచ్చే వాడిని కదా అంటాడు. పైకి ప్రేమ ఉన్నట్టు నటిస్తున్నాడు కానీ నిజంగా నీమీద ప్రేమ ఉండి చస్తే కదా అని మాళవిక మనసులో తిట్టుకుంటుంది. ఈవినింగ్ లోపల నీకు గిఫ్ట్ తీసుకొచ్చి తెచ్చి ఇస్తాడులే అని మాలిని సర్ది చెప్తుంది. వేద దిగులుగా వెళ్తుంటే యష్ ఆపి తనకి నెక్లెస్ బహుమతిగా ఇస్తాడు. అది చూసి అందరూ సంతోషిస్తారు. చూశావా యష్ కి తన భార్య మీద ఎంత ప్రేమ ఉందోనని మాలిని మురిసిపోతుంది. మీ ఇద్దరినీ ఇలా చూస్తుంటే కన్నుల పండుగగా ఉందని శర్మ అంటాడు. మీ చేతులతోనే వేద మెడలో వేయమని సుహాసిని చెప్తుంది.


యష్: అసలైన ఆనందం అంటే నాదే నా జీవితంలో గొప్ప రోజు ఏదైనా ఉందంటే అది పెళ్లి పీటల మీద వేద మెడలో తాళి కట్టిన రోజు. అదే ఆనందం మళ్ళీ గుడిలో తులాభారం రోజు పొందాను. మళ్ళీ ఇప్పుడు అని నెక్లస్ భార్య మెడలో వేస్తాడు. ఖుషి నువ్వు పెద్దయ్యాక మమ్మీలాగా డాక్టర్ అవాలని యశోధర్ కూతుర్ని దీవిస్తాడు. డాడీ నిన్ను బ్లెస్ చేసి గిఫ్ట్ ఇచ్చాడుగా మరి నాకు మీరు గిఫ్ట్ ఇవ్వరా అంటే ఇద్దరూ కూతుర్ని ఎత్తుకుని ముద్దు పెడతారు. ట్ కాసేపటికి ఖుషి పసుపు కోసం పరిగెడుతూ మాళవికని ఢీ కొడుతుంది. దీంతో ఖుషి చేతి పసుపు మాళవిక చీరకి అంటుకుంటుంది. బుద్ధి ఉందా నీకు నా చీర పాడు చేశావని తిడుతుంది. సోరి చెప్పినా కూడా మాళవిక వినకుండా తన మీదకి చెయ్యి ఎత్తెసరికి వేద వచ్చి ఆపుతుంది.


Also Read: ఖుషి మీద చెయ్యి ఎత్తిన మాళవిక- రొమాన్స్ లో మునిగితేలుతున్న వేద దంపతులు


వేద: నా బిడ్డ మీద చెయ్యి ఎత్తడానికి ఎంత ధైర్యం నీకు


మాళవిక: నీ బిడ్డ ఏంటి ఖుషి నా కూతురు


వేద: కడుపున కనగానే తల్లి అవవు. కడుపున పెట్టుకుని చూసుకోవాలి. ఖుషి నా కూతురు. ఇప్పటి దాకా నేను నా కూతుర్ని కోపంగా కూడా చూడలేదు. అలాంటిది నువ్వు చేయి ఎత్తి కొడతావా


మాళవిక: నా కూతురితో ఎలా ఉండాలో కూడా నువ్వు నేర్పిస్తావా. తప్పు చేసిన ఖుషిని మందలించకుండా నన్ను తిడతావా


వేద: అవును తప్పు చేసింది అయితే తనని కొడతావా. కూతురు అయితే మాత్రం తిట్టడానికి హక్కులు వచ్చేస్తాయా


యష్: ఖుషి నీ డ్రెస్ స్పాయిల్ చేసింది కానీ నువ్వు తన జీవితాన్ని స్పాయిల్ చేశావ్ కొట్టాలసింది నిన్ను


అందరూ మాళవికని తలా ఒక మాట తిడతారు. దీంతో మాళవిక కోపంగా వెళ్ళిపోతుంది. ఖుషిని వేద ఓదారుస్తుంటే మాలిని వచ్చి ధైర్యం చెప్తుంది. మాళవికకి బాగా బుద్ధి చెప్పావని వేదని మెచ్చుకుంటుంది. సుహాసిని భర్త శశిధర్ ఫోన్ మాట్లాడుతుంటే వేద వచ్చి పలకరిస్తుంది. నీ మొహంలో ఒక సంతృప్తి కనిపిస్తుంది. నువ్వు పోరాడి నీ భర్తని గెలుచుకున్నావ్. నీ బిడ్డ నీకే సొంతం. దేవుడితో అయినా ఫైట్ చేసి గెలవడం అలవాటు చేసుకోమని మంచి మాటలు చెప్తాడు.


Also Read: 'నీ ఇంటికొచ్చానంటూ' బాలయ్య లెవల్ లో మధుకర్ కి వార్నింగ్ ఇచ్చిన జానకి- తల్లికి ధైర్యం చెప్పిన రామ


పూజ పూర్తవగానే దంపతులు నైవేద్యం స్వీకరించడానికి ఏదో పద్ధతి ఉందని పంతులు చెప్పినట్టు సుహాసిని సైగ చేస్తుంది. అది అర్థం చేసుకున్న పంతులు భర్త ఒడిలో కూర్చుని భోజనం చేయాలని చెప్తాడు. భార్యని ఒడిలో కూర్చోబెట్టుకుని ప్రేమగా తినిపించాలని అప్పుడే పూజ సార్ధకం అవుతుందని పూజా ఫలితం దక్కుతుందని చెప్తాడు. వేద భర్త ఒడిలో కూర్చుంటుంది.