వేద, యష్ డేట్ కి వచ్చిన రెస్టారెంట్ కి మాళవిక కూడా వస్తుంది. శ్రీమతి కళ్ళలోకి కళ్ళు పెట్టి చూడకుండా పక్కకి చూస్తారేంటని వేద అడుగుతుంది. యష్ మాత్రం చాలా బాధగా ఉంటాడు. నన్ను, ఖుషిని మీరు చాలా మిస్ అవుతున్నారు, ఫీల్ అవుతున్నారు కదా మమ్మల్ని వదిలి వెళ్లాలని మీకు లేదు కదా అంటుంది. సంతోషానికి నువ్వు దగ్గర అవాలంటే నేను దూరం అవక తప్పడం లేదని యష్ మనసులోనే బాధపడతాడు. నన్ను వదిలి వెళ్ళడం అవసరమా అంటుంది. వెళ్ళక తప్పడం లేదని చెప్తాడు.


వేద: మీ బదులు ఎవరో ఒకరిని పంపించొచ్చు కదా ఉండిపోవచ్చు కదా నాకోసం


యష్: అది నీ కోసమే నేను ఏం చేసినా అది నీకోసమే ఇప్పుడు ఇబ్బందిగానే ఉంటుంది. తర్వాత మెల్లగా అదే సర్దుకుంటుంది. సూప్ తాగుతూ వేద కావాలని తన స్పూన్ కింద పడేసుకుని యష్ ది తీసుకుని తాగుతుంది. ఎలా వేద నీతో ఈ ఎటాచ్ మెంట్ వదిలేసి ఎలా వెళ్ళేది. నా కోసం ఆలోచించుకుంటే ఉండిపోవాలని అనిపిస్తుంది. నా కోసం కాదు నీకోసం వెళ్తానని అనుకుంటాడు. కాసేపటికి వేద, యష్ రొమాంటిక్ గా కాసేపు డాన్స్ చేస్తారు. అది చూసి మాళవిక కుళ్ళుకుంటుంది. వేద నడుచుకుంటూ వెళ్తుండగా మాళవికని ఢీ కొడుతుంది. కళ్ళు కనిపించడం లేదా అని ఇద్దరూ పోట్లాటకి దిగుతారు.


Also Read: కృష్ణమ్మ కలిపింది ఆ ఇద్దరినీ- మురారీ దంపతులకు కఠినమైన శిక్ష వేసిన భవానీ


మాళవిక: నీ మొగుడు నిన్ను వదిలేసి వెళ్లిపోతున్నాడంట కదా


వేద: ఏం మాట్లాడుతున్నావ్


మాళవిక: అమెరికా షిఫ్ట్ అయిపోతున్నాడంట కదా


వేద: షిఫ్ట్ అవడం లేదు ఆఫీసు పని మీద వెళ్తున్నాడు. ఎక్కువ ఊహించుకుని కుళ్ళుకోకు


మాళవిక: నువ్వు కాపురం చేసేది నేను వదిలేసిన మొగుడితో నేను వద్దనుకున్న కూతురితో ఇంక నీకంటూ ఏముంది నిన్ను చూసి కుళ్ళుకోవడానికి


వేద: నన్ను గుండెల్లో పెట్టుకుని చూసుకునే భర్త ఉన్నాడు. మనసారా నన్ను ప్రేమించే మొగుడు. ఆయన చేత ఆ మాట ఈరోజు ఇప్పుడే చెప్పిస్తా. అందరి ముందు ఇప్పుడే ఇక్కడే ఐలవ్యూ చెప్పించుకుంటా


మాళవిక: అది జరగని పని


వేద: వెయిట్ అండ్ వాచ్


బెస్ట్ కపుల్ గా మిస్టర్ అండ్ మిసెస్ యశోధర్ వేద సెలెక్ట్ అయ్యారని రెస్టారెంట్ సిబ్బంది ప్రకటిస్తారు. వేద భర్తని తీసుకుని సంతోషంగా నిలబడితే మాళవిక వచ్చి తన పక్కన నిలబడుతుంది.


Also Read: ఎస్సైకి దిమ్మతిరిగే షాకిచ్చిన జానకి- రామ విడుదల, జ్ఞానంబ హ్యాపీ


మాళవిక: ఏంటి యష్ నాతో కాపురం చేసే రోజుల్లో 10 నిమిషాలు కూడా నన్ను వదిలి ఉండలేకపోయే వాడివి అలాంటిది పది రోజులు అమెరికా వెళ్తున్నావంట కదా. తప్పు లేదులే నువ్వు పిచ్చిగా ప్రేమించింది నన్ను, పనికిరాని పెళ్ళాం వేద అనబోతుంటే యష్ నోరు మూసుకోమని అంటాడు.


వేద: నా కాపురాన్ని నేను నిలబెట్టుకుంటాను


రెస్టారెంట్ లో ఎంటర్ టైన్మెంట్ టాస్క్ లో భాగంగా యష్ కళ్ళకి గంతలు కడతారు. ఇక్కడ ఉన్న ఆడవాళ్ళని జిగ్ జాగ్ గా నిలబడితే వాళ్ళలో వేద ఎక్కడ ఉందో కనిపెట్టాలని చెప్తారు. యష్ మాళవిక దగ్గరకి వెళ్ళి టచ్ చేయబోతుంటే వేద చాలా ఫీల్ అవుతుంది. మాళవిక సంతోషపడుతుంది. కానీ వెంటనే యష్ చేతిని వెనక్కి తీసి వేద దగ్గరకి వెళ్ళి తనని టచ్ చేస్తాడు. దీంతో వేద సంతోషంగా తనని హగ్ చేసుకుంటుంది.