Rana Daggubati for Kaantha : నటుడిగా బిజీగా ఉన్న రానా దగ్గుబాటి కూడా ఇప్పుడు తన ప్రొడక్షన్ బ్యానర్ స్పిరిట్ మీడియాపై సినిమాలు నిర్మించడంపై దృష్టి సారించాడు. బహుభాషా చిత్రం కోసం తెలుగులో వరుస విజయాలు సాధించిన మలయాళ స్టార్ దుల్కర్ సల్మాన్‌తో కలిసి ఆయన నటించనున్నాడు. పాన్ ఇండియా మూవీగా రాబోతున్న ఈ సినిమాకు కాంత అనే టైటిల్ ను మేకర్స్ ఇప్పటికే ఫిక్స్ చేయగా.. తాజాగా దుల్కర్ పుట్టిన రోజు సందర్భంగా ఈ నయా మూవీ గురించి రానా ప్రకటించాడు.
‘కాంత’ సినిమా కోసం దుల్కర్, రానా చేతులు కలిపారు. రానాకు చెందిన ‘స్పిరిట్ మీడియా’ బ్యానర్, దుల్కర్ బ్యానర్ ‘వేఫారర్ ఫిల్మ్స్’ రెండూ కలిసి ఈ ‘కాంత’ చిత్రాన్ని నిర్మించనున్నాయి. ఈ సినిమాలో దుల్కర్ హీరోగా నటించనుండగా... రానా కూడా ఓ కీలక పాత్ర పోషిస్తాడని తెలుస్తోంది. ఈ ఇద్దరు హీరోలు కలిసి నిర్మించే ఈ మూవీ భారీ బడ్జెట్‍తో పాన్ ఇండియా రేంజ్‍లో ఉండనుంది. ద్విభాషా చిత్రంగా రెండు భాషల్లో రానున్న ఈ సినమా షూటింగ్ త్వరలోనే జరగనుంది. కాగా ఈ చిత్రం తెలుగు, మలయాళంతో పాటు హిందీ, తమిళంలోనూ విడుదలయ్యే అవకాశం ఉంది. దుల్కర్ పుట్టిన రోజు సందర్భంగా ఈ ప్రాజెక్టు గురించి రానా ప్రకటించి సర్‌ప్రైజ్ చేశాడు.
ఇక 'కాంత' చిత్రానికి సంబంధించి ఫస్ట్ లుక్ టైటిల్ పోస్టర్‌ను కూడా రానా ట్వీట్ చేశాడు. 'నీలా' మూవీ ఫేమ్ సెల్వమణి సెల్వరాజ్ ఈ సినిమాకు దర్శకత్వం వహించనున్నాడు. ప్రస్తుతం నెట్‍ఫ్లిక్స్ కోసం ‘హంట్ ఫర్ వీరప్పన్’ అనే డాక్యుమెంటరీని రూపొందిస్తున్నాడు సెల్వరాజ్. ఇది నెట్‍ఫ్లిక్స్ స్ట్రీమింగ్ అవనుంది. ఆంగ్ లీ, ‘లైఫ్ ఆఫ్ పై’ సినిమాలకు గతంలో సెల్వరాజ్ అసిస్టెంట్ డైరెక్టర్‌గా పని చేశాడు. ఇదిలా ఉండగా 'కాంత' మూవీ ఫస్ట్ లుక్ పోస్టర్ విషయానికొస్తే.. ఇది ఆసక్తికరంగా ఉంది. ఈ పోస్టర్ చూస్తుంటే ఏదో మిస్టీరియస్ మిషన్ చుట్టూ ఈ సినిమా ఉంటుందని తెలుస్తోంది. వివిధ ఇండస్ట్రీలకు చెందిన ప్రముఖ నటులు ఈ చిత్రంలో నటించే అవకాశం కనిపిస్తోంది. త్వరలోనే ఈ చిత్రానికి సంబంధించిన మరిన్ని అప్‍డేట్లు వెల్లడయ్యే అవకాశాలు ఉన్నాయి.
ఇటీవలే 'సార్' ఫేమ్ వెంకీ అట్లూరి దర్శకత్వంలో సినిమా ఓకే చేసిన మలయాళ స్టార్ హీరో దుల్కర్ సల్మాన్.. ఈ సినిమాకు ‘లక్కీ భాస్కర్’ అనే టైటిల్‍ను ఖరారు చేశారు. ఈ క్రమంలోనే ఆయన మరో పాన్ ఇండియన్ మూవీని ప్రకటించడం సినీ ప్రియుల్లో జోష్ పెంచుతోంది.
Read Also : 'బ్రో ' సినిమా చూసేందుకు థియేటర్ కి వచ్చిన అకిరా నందన్ - చుట్టుముట్టిన ఫ్యాన్స్, వీడియో వైరల్!
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial