Varalaxmi Sarathkumar Response To Trolls: సినీ సెలబ్రిటీల్లో ఎవరైనా పెళ్లి చేసుకుంటున్నారంటే చాలు.. చాలావరకు ప్రేక్షకుల అటెన్షన్ అంతా వారిపైనే ఉంటుంది. వారు ఎవరిని పెళ్లి చేసుకుంటున్నారు? వారి పర్సనల్ లైఫ్ ఏంటి? లాంటి విషయాలను ఎక్కువగా తెలుసుకోవడానికి ఆసక్తి చూపిస్తుంటారు. అలా ప్రస్తుతం టాలీవుడ్, కోలీవుడ్ ప్రేక్షకుల ఫోకస్ చాలావరకు వరలక్ష్మి శరత్‌కుమార్ పెళ్లిపైనే ఉంది. కొన్నాళ్ల క్రితం అసలు పెళ్లి అంటేనే ఇంట్రెస్ట్ లేదని చెప్పిన వరలక్ష్మి.. సడెన్‌గా నికోలయ్ సచ్‌దేవ్ అనే గ్యాలరిస్ట్‌తో ఎంగేజ్‌మెంట్ చేసుకుంది. ఇక తన ఎంగేజ్‌మెంట్‌పై, కాబోయే భర్తపై వస్తున్న ట్రోల్స్‌పై గట్టి కౌంటర్ ఇచ్చింది వరలక్ష్మి.
ఫీల్ అవ్వను..
నికోలయ్ సచ్‌దేవ్‌తో ఎంగేజ్‌మెంట్ చేసుకొని ఆ ఫోటోలను సోషల్ మీడియాలో షేర్ చేసింది వరలక్ష్మి శరత్‌కుమార్. అసలు అతను ఎవరు అని తెలుసుకోవడానికి నెటిజన్లు సెర్చింగ్ చేయడం మొదలుపెట్టారు. అదే సమయంలో నికోలయ్‌కు ఆల్రెడీ పెళ్లయ్యిందనే విషయం బయటికొచ్చింది. దీంతో అతడు చూడడానికి బాగాలేకపోయినా వరలక్ష్మి ఎందుకు పెళ్లి చేసుకుంటుంది? రెండో పెళ్లివాడిని చేసుకోవాల్సిన అవసరం ఏముంది? అంటూ తనపై ట్రోల్స్ మొదలయ్యాయి. తాజాగా వీటిపై సీరియస్‌గా స్పందించింది వరలక్ష్మి. ‘‘ముందు పెళ్లి అయితే అందులో ఏముంది? నిజమే చెప్తున్నారు కదా.. అందులో ఫీల్ అవ్వడానికి ఏముంది’’ అంటూ రివర్స్ కౌంటర్ ఇచ్చింది.
సంబంధం లేదు..
‘‘వాటన్నింటికి నా సమాధానం ఏంటంటే మీ పని మీరు చూసుకోండి అని చెప్తాను అంతే. మీ జీవితంలో మీ భార్య, మీ భర్త గురించి ముందు చూసుకోండి. ఆ తర్వాత వచ్చి నాకు చెప్పండి. అందరి భార్యలు ఐశ్వర్య రాయ్ ఏం కాదు, అందరి భర్తలు బ్రాడ్ పిట్ ఏం కాదు. ముందు మీ ముఖాలు చూసుకోండి. ఆ తర్వాత నా దగ్గర రండి అని డైరెక్ట్‌గా చెప్పేస్తాను. మీరు ఏమనుకుంటున్నారు, ఏమనుకోవడం లేదు అనేది నాకు సంబంధమే లేదు. ఆ కామెంట్స్ చూడడానికి కూడా నాకు ఇంట్రెస్టే లేదు. నేను అసలు వాటిని పట్టించుకోను. మీ జీవితం మీది. నా జీవితం నాది. కొంతమంది డబ్బుల కోసం పెళ్లి చేసుకుంటుంది అన్నారు. అలా అంటే డబ్బులు నా దగ్గర కూడా ఉన్నాయి. వాళ్ల లైఫ్‌లో డిప్రెషన్‌లో ఉండి ఏదో రాసుకుంటారు. రాసుకోండి మీ ఇష్టం అని వదిలేశాను. మీకు పని లేదు. మాకు పని ఉంది’’ అంటూ ట్రోలర్స్‌పై సీరియస్ అయ్యింది వరలక్ష్మి శరత్‌కుమార్.
షూటింగ్స్‌కు వస్తాడు..
నికోలయ్ సచ్‌దేవ్‌లో తనకు ఏం ఇష్టమో కూడా బయటపెట్టింది వరలక్ష్మి. ‘‘తను నా జీవితాన్ని చాలా గౌరవిస్తాడు. సినిమాలు చేయడం ఆపేసి ఇంట్లో కూర్చో, సినిమాలు చేయొద్దు, నువ్వు నటివి అని ఎప్పుడూ చెప్పలేదు. చెప్పాలంటే నన్ను చూసి చాలా గర్వపడతారు. ఆయన షూటింగ్‌కు వస్తే అన్నీ కొత్తగా సంతోషంగా చూస్తారు. ఆయన మొదటి ప్రాధాన్యత నాకే ఇస్తారు. తను నాకు సపోర్ట్ చేస్తారు. నేను తనకు సపోర్ట్ చేస్తాను’’ అంటూ నికోలయ్.. తనతో పాటు అప్పుడప్పుడు షూటింగ్స్‌కు కూడా వస్తారని రివీల్ చేసింది వరలక్ష్మి శరత్‌కుమార్. నికోలయ్.. ఒక గ్యాలరిస్ట్ అని, పెద్ద పెద్ద ఆర్టిస్టుల పెయింటింగ్‌ను కొనడం, అమ్మడమే తన పని అని క్లారిటీ ఇచ్చింది.
Also Read: శోభితాతో నాగచైతన్య పెళ్లి రూమర్స్ - సమంతపై ఎఫెక్ట్?