Pawan Kalyan's Dekhlenge Saala Song Step Compared With Michael Jackson : పవర్ స్టార్ పవన్ కల్యాణ్, స్టార్ డైరెక్టర్ హరీష్ శంకర్ కాంబో యాక్షన్ డ్రామా 'ఉస్తాద్ భగత్ సింగ్'. ఈ మూవీ నుంచి వచ్చిన ఫస్ట్ సాంగ్ 'దేఖ్లేంగ్ సాలా' ఇప్పటికీ సోషల్ మీడియాలో ట్రెండ్ అవుతూనే ఉంది.
మైఖైల్ జాక్సన్ Vs పవన్ కల్యాణ్
'దేఖ్లేంగే సాలా చూసినాంలే చాలా...' అంటూ ఇన్స్పిరేటివ్ లిరిక్స్తో పాటు వింటేజ్ పవర్ స్టార్ లుక్, ఆయన స్టెప్స్ అదిరిపోయాయి. పవన్ కెరీర్లోనే బిగ్గెస్ట్ డ్యాన్స్ బస్టర్ అంటూ కామెంట్స్ చేస్తున్నారు. పవన్ ఎంజాయ్ చేస్తూ స్టెప్స్ వేయగా... గతంలో వచ్చిన 'గబ్బర్ సింగ్'ను మించి జోష్ ఉండబోతోందని అర్థమవుతోంది. ఈ పాటకు భాస్కరభట్ల ఫుట్ ట్యాపింగ్ లిరిక్స్ అందించగా... బాలీవుడ్ మ్యూజిక్ డైరెక్టర్, సింగర్ విశాల్ దడ్లానీ పాడారు. దినేశ్ కుమార్ కొరియోగ్రఫీ అందించగా... రాకింగ్ స్టార్ దేవిశ్రీ ప్రసాద్ మ్యూజిక్ డైరెక్టర్.
పవన్ గ్రేస్, ఎనర్జిటిక్ స్టెప్స్ను అమెరికన్ పాప్ డ్యాన్సర్ మైఖేల్ జాక్సన్తో పోలుస్తున్నారు. బాడీ లాంగ్వేజ్ దగ్గర నుంచీ మూవీస్, స్టెప్స్ అన్నీ కూడా 200 శాతం సింక్ అయ్యాయని కంపేర్ చేస్తూ స్పెషల్ వీడియో షేర్ చేస్తున్నారు. 'ఇది ఎలా సాధ్యం? పవన్ కల్యాణ్ ఫ్రీ ఫ్లోను బీట్ చేసే వారు ఇండియన్ సినిమాలోనే ఎవరూ లేరు. పవన్ కల్యాణ్ బాడీ లాంగ్వేజ్ ఒక డిగ్రీ అయితే డబుల్ డిస్టింక్షన్ కొట్టావ్' అంటూ డైరెక్టర్ హరీష్ శంకర్పై ప్రశంసలు కురిపిస్తున్నారు.
Also Read : పవన్ కల్యాణ్ 'ఆరా ఆఫ్ ఉస్తాద్' సాంగ్ ప్రోమో - పవర్ స్టార్ ఎలివేషన్ గూస్ బంప్స్... ఫుల్ సాంగ్ ఎప్పుడంటే?
పవన్, హరీష్ శంకర్ కాంబోలో వచ్చిన గబ్బర్ సింగ్ బాక్సాఫీస్ వద్ద సంచలన విజయం సాధించిన సంగతి తెలిసిందే. ఈ క్రమంలో 'ఉస్తాద్ భగత్ సింగ్'పై భారీ అంచనాలే నెలకొన్నాయి. పవర్ స్టార్ వింటేజ్ లుక్స్ గూస్ బంప్స్ తెప్పిస్తున్నాయి. రీసెంట్గా రిలీజ్ చేసిన 'ఆరా ఆఫ్ ఉస్తాద్' సాంగ్ ప్రోమో వేరే లెవల్.
ఈ మూవీలో పవర్ స్టార్ సరసన ఇద్దరు బ్యూటీస్ నటిస్తున్నారు. యంగ్ బ్యూటీ శ్రీలీలతో పాటు రాశీ ఖన్నా హీరోయిన్లు. విలన్గా తమిళ సీనియర్ హీరో పార్తీబన్ నటిస్తున్నారు. మైత్రీ మూవీ మేకర్స్ బ్యానర్పై నవీన్ యెర్నేని, వై రవిశంకర్ నిర్మిస్తున్నారు. సమ్మర్ స్పెషల్గా మార్చి 26న సినిమా ప్రేక్షకుల ముందుకు రానుంది.