Unstoppable With NBK Suriya Episode : అన్​స్టాపబుల్ షోలో కంగువ టీమ్.. కార్తీతో కలిసి సూర్యని టీజ్ చేసిన బాలయ్య, ప్రోమో నెక్స్ట్ లెవెల్ ఉందిగా

Suriya with NBK : హీరో సూర్య బాలయ్య బాబు షోకి వచ్చారు. కంగువ మూవీ ప్రమోషన్స్​లో భాగంగా.. అన్​స్టాపబుల్​ షోకి వెళ్లారు చిత్రబృందం. దానికి సంబంధించిన ప్రోమో ఎలా ఉందంటే.. 

Unstoppable With NBK S4 Suriya Episode Promo : సూర్య నటించిన కంగువ మూవీ విడుదలకు సిద్ధంగా ఉంది. ఈ సమయంలో మూవీ టీమ్ ప్రమోషన్స్​ చేసేందుకు వివిధ కార్యక్రమాలకు హాజరవుతున్నారు. దీనిలో భాగంగానే అన్​స్టాపబుల్​ సీజన్ 4కి వెళ్లింది కంగువ టీమ్. హీరో సూర్య, విలన్ పాత్ర పోషించిన బాబీడియోల్, దర్శకుడు శివ కలిసి.. బాలయ్యతో సందడి చేశారు. దానికి సంబంధించిన ప్రోమోను ఆహా తాజాగా విడుదల చేసింది. ఇంతకీ ప్రోమో ఎలా సాగిందంటే.. 

కేక పుట్టిస్తోన్న బాలయ్య ఇంట్రో.. 

నేను సింహమైతే.. అతను సింగం. నేను లెజెండ్ అయితే అతను గజిని. నేను అఖండ అయితే అతను రోలెక్స్ అంటూ బాలయ్య బాబు.. సూర్య గురించి ఇచ్చిన ఇంట్రో అదిరిపోయింది. హృదయం ఎక్కడుంది సాంగ్ బాలయ్య పాడుతూ.. సూర్యని టీజ్​ చేస్తూ ఉండగా.. సూర్య వేసిన డ్యాన్స్​కు ఫ్యాన్స్ కేరింతలు కొట్టారు. ప్రోమో అంతా ఫన్ రైడ్​తో ముందుకు సాగింది. అయితే దీనిలో ఎమోషనల్ పార్ట్​ కూడా ఉంది. 

సూర్య మొదటి క్రష్ ఎవరు?

బాలయ్య అడిగిన ప్రశ్నలకు సమాధానం రాయాలంటూ సూర్యకి టెస్ట్ పెట్టారు. నీ పేరును కార్తీ తన ఫోన్​లో ఏమని సేవ్ చేసుకున్నారని బాలయ్య అడగ్గా.. అయ్యో మొదటి క్వశ్చనే బౌండరీలు దాటేసిందంటూ ఫన్ చేశారు. కార్తీకి, సూర్యకి మధ్య జరిగిన రీసెంట్ గొడవ గురించి ప్రశ్నించారు బాలయ్య. అలాగే సూర్య మొదటి క్రష్ ఏ ఏజ్​లో అని అడిగారు. దీంతో సూర్య సిగ్గు పడుతూ.. ఆన్సర్స్ రాసేశారు. 

నువ్వు కత్తిరా.. కార్తీవి కాదు..

షోకి కార్తీ రాకపోయినా.. ఫోన్​ కాల్​లో మాట్లాడించారు బాలయ్య. సూర్య రాసిన సమాధానాలు ఏవి కరెక్ట్​.. ఏవి కాదంటూ.. కార్తీని అడిగి తెలుసుకున్నారు. కార్తీతో కలిసి సూర్యను ఆటపట్టించిన బాలయ్య.. మీ అన్న మా దగ్గర ఆన్సర్స్ తప్పు ఇస్తున్నారంటూ టీజ్ చేశారు. దానికి బదులుగా.. చిన్నప్పటి నుంచి.. సూర్య అంతేసార్. నిజాలు చెప్పడంటూ వత్తాసు పలికాడు కార్తీ. సూర్యకి మాత్రం ఓ హీరోయిన్ అంటే చాలా ఇష్టం సార్. అంటూ కార్తీ సీక్రెట్ రివిల్ చేసేశాడు. దీనికి సూర్యను.. కార్తీ.. నువ్వు కార్తీ కాదురా.. కత్తి అంటూ సూర్య ఫన్ చేశారు.

ప్రేమంతా తనకే.. 

మీ సీక్రెట్స్ ఎవరితో ఎక్కువగా షేర్ చేసుకుంటారనే ప్రశ్నకు.. సూర్య తెలివిగా సమాధానం చెప్పారు. తర్వాత జ్యోతిక లేని నా జీవితాన్ని ఊహించుకోలేనంటూ.. సూర్య మరోసారి భార్యపై ప్రేమను  వ్యక్తం చేశారు. జ్యోతిక ఐలవ్​యూ అంటూ ఎమోషనల్​గా చెప్పారు. సూర్య తండ్రి గురించి, అతను చేస్తోన్న సేవా కార్యక్రమాల గురించి బాలయ్య ప్రస్తావించగా.. సూర్య ఎమోషనల్ అయ్యారు. 

బాబీడియోల్ ఎంట్రీ.. 

కంగువలో విలన్ పాత్ర పోషించిన బాబీడియోల్ కూడా అన్​స్టాపబుల్ షోకి వచ్చారు. డైరక్టర్ శివతో కలిసి వచ్చి.. బాలయ్యతో.. మావా ఏక్ పెగ్​ లా సాంగ్​కి.. యానిమల్ మూవీలోని బాబీడియోల్ సిగ్నేచర్ స్టెప్ వేశారు. ఆ స్టెప్ వేయడానికి ఎన్ని గ్లాస్​లు పగలగొట్టావంటూ.. బాలయ్య అడిగారు. సూర్య చాలా స్వీట్ అంటూ శివ చెప్పగా.. నా అంతా స్వీటా అంటూ బాలయ్య కౌంటర్ ఇచ్చారు. దీంతో శివ.. మీ అంత స్వీట్ ప్రపంచంలో ఎవరూ ఉండరు సార్ అంటూ రిప్లై ఇచ్చారు. జై బాలయ్య అంటూ సూర్య అనేసరికి అందరూ నవ్వేశారు. 

ఫుల్ ఎంటర్​టైనింగ్​గా అనిపిస్తున్న ఈ ప్రోమో.. సూర్య అభిమానులను, బాలయ్య ఆడియన్స్​ను బాగా ఆకట్టుకుంది. పూర్తి ఎపిసోడ్ చూడాలంటే.. నవంబర్ 8వరకు ఆగాల్సిందే. ఆహాలో ఈ శుక్రవారం సూర్య ఎపిసోడ్ స్ట్రీమ్ కానుంది. కంగువ సినిమా నవంబర్ 14వ తేదీన థియేటర్లలో సందడి చేయనుంది.