Rajinikanth: 'క‌ల్కీ 2898 AD'పై ర‌జ‌నీకాంత్ ప్ర‌శంస‌లు - సూప‌ర్ స్టార్ ఏమ‌న్నారంటే?

Rajinikanth: 'క‌ల్కీ 2898 ఏడీ' పాన్ ఇండియా సినిమా ప్రేక్ష‌కుల‌ను ఆక‌ట్టుకుంటుంది. ఈ సినిమాపై ప్ర‌శంస‌ల జ‌ట్లు కురుస్తుంది. ఎంతోమంది సెల‌బ్రిటీలు సినిమా చూసి త‌మ‌దైన శైలీలో అభినందిస్తున్నారు.

Super Star Rajinikanth About Kali 2898 AD Movie: 'క‌ల్కీ 2898 ఏడీ'... పాన్ ఇండియా సినిమాగా రిలీజైన ఈ మూవీ.. ప్ర‌పంచ‌వ్యాప్తంగా ప్రేక్ష‌కుల్లో హిట్ టాక్ తెచ్చుకుంది. సైన్స్ ఫిక్ష‌న్ కి పురాణాలు జోడించి తీయ‌డంతో అంద‌రికీ తెగ న‌చ్చేసింది సినిమా. థియేట‌ర్ల‌లో సినిమా చూసిన ప్రేక్ష‌కులు అంద‌రూ దాదాపు పాజిటివ్ రివ్యూ ఇస్తున్నారు. దీంతో క‌లెక్ష‌న్‌ల జోరు కొన‌సాగుతోంది. దర్శకుడు నాగ్ అశ్విన్ ప‌నితీరును ప్ర‌తి ఒక్క‌రు పొగుడుతున్నారు. సెల‌బ్రిటీలు, ప్ర‌ముఖులు సినిమా చూసి మెచ్చుకుంటున్నారు. ‘క‌ల్కీ 2898 ఏడీ’ చూసిన సూప‌ర్ స్టార్ ర‌జ‌నీకాంత్ సినిమాపై ప్ర‌శంస‌ల వ‌ర్షం కురిపించారు. ఈ మేర‌కు ఆయ‌న ట్వీట్ చేశారు. 

ఇండియ‌న్ సినిమా వేరేలెవెల్ కి వెళ్లింది.. 

సూప‌ర్ స్టార్ ర‌జ‌నీకాంత్ ‘క‌ల్కీ 2898 ఏడీ’ సినిమాపై స్పందించారు. ఎక్స్ ద్వారా ఆయ‌న సినిమా టీమ్ పై ప్ర‌శంస‌ల వ‌ర్షం కురిపించారు. పార్ట్ -  2 కోసం వెయిట్ చేస్తున్నాను అంటూ పోస్ట్ పెట్టారు. "'క‌ల్కీ' సినిమా చూశాను. అద్భుత‌మైన సినిమా. డైరెక్ట‌ర్ నాగ్ అశ్విన్ ఇండియ‌న్ సినిమాని వేరేలెవెల్ కి తీసుకెళ్లాడు. నా ఫ్రెండ్స్ అశ్విని ద‌త్, అమితాబ్ బ‌చ్చ‌న్, ప్ర‌భాస్, క‌మ‌ల్ హాస‌న్, హీరోయిన్ దీపికాకి కంగ్రాట్ర్. టీమ్ అంద‌రికీ కంగ్రాట్స్. పార్ట్ - 2 కోసం చాలా ఆతృత‌గా ఎదురుచూస్తున్నాను గాడ్ బ్లెస్ యూ" అంటూ అంద‌రినీ దీవించారు సూప‌ర్ స్టార్ ర‌జ‌నీకాంత్. ఈ సినిమాపై ఇప్ప‌టికే రాజ‌మౌళి, విజ‌య దేవ‌ర‌కొండ‌, ఆర్జీవి త‌దిత‌రులు ప్రశంస‌లు కురిపించిన విష‌యం తెలిసిందే. 

క‌లెక్ష‌న్ల సునామీ.. 

ప్రేక్ష‌కుల‌ను విప‌రీతంగా ఆక‌ట్టుకున్న 'క‌ల్కీ 2898 ఏడీ' సినిమా రికార్డుల మీద రికార్డులు సాధిస్తుంది. ప్రీ బిజినెస్ లోనే ఆర్ ఆర్ ఆర్ రికార్డులు బ‌ద్ద‌లు కొట్టిన ఈసినిమా మొద‌టిరోజు దాదాపు రూ.191.9 కోట్ల గ్రాస్ వ‌సూళ్లు సాధించింది. ఇక ఇప్పుడు వారాంతం కావ‌డంతో ఈ రెండు రోజులు క‌లెక్ష‌న్లు ఇంకా పెరిగే అవ‌కాశం ఉంద‌ని సినీ విశ్లేష‌కులు అంచ‌నా వేస్తున్నారు. మ‌రిన్ని రికార్డులు సృష్టిస్తుంద‌ని అంచ‌నా వేస్తున్నారు. 

పార్ట్ - 2  కోసం అంద‌రూ వెయిటింగ్.. 

క‌ల్కీ సినిమాకి పార్ట్ - 2  ఉన్న‌ట్లు సినిమా క్లైమాక్స్ ద్వారా వెల్ల‌డించారు. దీంతో పార్ట్ - 1 ఇంత బాగున్న‌ప్పుడు పార్ట్ - 2 ఇంకో రేంజ్ లో ఉంటుంద‌ని అనుకుంటున్నారు ప్ర‌భాస్ ఫ్యాన్స్. పార్ట్ - 2 కోసం వెయిట్ చేస్తున్నాం అంటూ కామెంట్లు పెడుతున్నారు. ఇక పార్ట్ - 1 లో ప్ర‌తి ఒక్క‌రి క్యారెక్ట‌ర్లు అద్భుతంగా ఉన్నాయి. అశ్వ‌థామ‌గా అమితాబ్ బ‌చ్చ‌న్ క్యారెక్ట‌ర్ కి చాలామంది ప్రేక్ష‌కులు ఫిదా అయ్యారు. ఈ వ‌య‌సులో ఆయ‌న న‌టించ‌డం నిజంగా గ్రేట్ అంటూ ప్ర‌శంస‌లు కురిపిస్తున్నారు. ఇక ఈ సినిమాలో ఎంతోమంది న‌టులు ఉన్నారు. వాళ్లంతా ఒక్క‌సారిగా స్క్రీన్ పై క‌నిపించి అంద‌రినీ స‌ర్ ప్రైజ్ చేశారు. ఇక ఈ సినిమాకి నాగ్ అశ్విన్ ద‌ర్శ‌క‌త్వం వ‌హించ‌గా.. వైజ‌యంతి మూవీస్ బ్యాన‌ర్ పై అశ్వినీ ద‌త్, ఆయ‌న కూతుళ్లు నిర్మించారు.