తెలుగమ్మాయి అంజలి (Anjali) ప్రధాన పాత్రలో నటించిన సినిమా 'గీతాంజలి మళ్లీ వచ్చింది' (Geethanjali Malli Vachindi Movie). పది సంవత్సరాల క్రితం వచ్చిన బ్లాక్ బస్టర్ మూవీ 'గీతాంజలి'కి సీక్వెల్ ఇది. ఆ సినిమాలో కథ ఎక్కడ అయితే ముగిసిందో... ఈ సినిమాలో అక్కడి నుంచి ప్రారంభం కానుంది. కథానాయికగా అంజలికి 50వ సినిమా. లేటెస్ట్... అప్డేట్ ఏమిటంటే ఈ సినిమాలో 'రెంట్ కి డబ్బు లేదు' సాంగ్ విడుదల చేశారు. 


'గీతాంజలి...'లో రామ్ మిరియాల పాట!
'సాపాటు ఎటూ లేదు పాటైనా పాడు బ్రదర్' అని కమల్ హాసన్ 'ఆకలి రాజ్యం'లో ఓ పాట ఉంది కదూ! ఆ స్ఫూర్తితో 'రెంట్ కి డబ్బు లేదు' సాంగ్ చేసినట్టు ఉన్నారు. 


'రెంట్ కి డబ్బు లేదు...
స్నానానికి సబ్బు లేదు...
సాయంకాలం పబ్బు లేదు...
అయినా తగ్గేది లేదు!


సింగిల్ ఛాయ్ లేదు... 
సిగరెట్టూ పఫు లేదు...
బతుకు మీద ఆశ తప్ప
పెనం మీద దోశ లేదు!
సాపాటు లేదులే ఏదో పాట పాడు బ్రదర్'అంటూ సాగిన ఈ పాటను రామ్ మిరియాల పాడారు. ప్రవీణ్ లక్కరాజు సంగీతం అందించగా... భాస్కరభట్ల రవికుమార్ సాంగ్ రాశారు.


'రెంట్ కి డబ్బు లేదు సాంగ్...' స్పెషాలిటీ ఏమిటంటే? ఇందులో అంజలి లేరు. శ్రీనివాస రెడ్డి, 'స్వామి రారా' సత్య, 'సత్యం' రాజేష్, షకలక శంకర్ తదితరులతో పాటు 'బిగ్ బాస్' ఫేమ్ సిరి హనుమంతు స్టెప్పులు వేశారు.


Also Read: 'రానా నాయుడు 2' ఎక్స్‌ క్లూజివ్ అప్డేట్... విక్టరీ వెంకటేష్, రానా దగ్గుబాటి సెట్స్ మీదకు వెళ్ళేది ఎప్పుడంటే?



ఏప్రిల్ 11న గీతాంజలి మళ్ళీ వస్తుంది!
Geethanjali Malli Vachindi is scheduled to release on April 11th: 'గీతాంజలి మళ్ళీ వచ్చింది' సినిమాను ఏప్రిల్ 11న విడుదల చేయనున్నట్టు కోన ఫిల్మ్ కార్పొరేషన్ అనౌన్స్ చేసింది. అమెరికాలో ఏప్రిల్ 10న ప్రీమియర్ షోలు పడనున్నాయి. ఈ నెలలో విడుదల చేయాలని మొదట ప్లాన్ చేసినా... క్వాలిటీ కోసం వెనక్కి వెళ్లారు.


Also Read: ప్రభాస్ ఒక్కడి కోసమే అలా చేశారంతే - పాన్ ఇండియా ఫిల్మ్స్, 'భీమా' గురించి గోపీచంద్ ఇంటర్వ్యూ


సంగీత్ మహల్ వైపు వెళ్ళారేంటి?
geethanjali malli vachindi teaser review: అనగనగా ఒక ఊరు. ఆ ఊరిలో కొండ మీద ఉన్న పాడుబడ్డ భవంతి పేరు సంగీత్ మహల్. గ్రామస్థులు ఎవరూ అటువైపు వెళ్లరు. కొందరు అటు వైపుగా వెళ్లడం చూసి ఊరి ప్రజలు ఆశ్చర్యపోతారు. అక్కడ షూటింగ్ ఏదో జరుగుతుందని తెలుసుకుంటారు. 'ఆ మహల్ సంగతి తెలిసే వెళుతున్నారా వీళ్లు?' అని ఓ పెద్దాయన అసహనం వ్యక్తం చేస్తాడు. 


'గీతాంజలి మళ్ళీ వచ్చింది'లో దర్శకుడిగా శ్రీనివాస రెడ్డి నటించారు. ఆయన తీసే సినిమాలో సునీల్ హీరో. సత్య, షకలక శంకర్ తదితరులు షూటింగ్ చేయడానికి వెళతారు. ఆ మహల్ లో దెయ్యాలు వాళ్లను ఏం చేశాయి? అనేది సినిమా చూసి తెలుసుకోవాలి. ప్రముఖ రచయిత, నిర్మాత కోన వెంకట్ సమర్పణలో ఎంవీవీ సినిమా, కోన ఫిల్మ్ కార్పొరేష‌న్‌ సంస్థలపై విశాఖ ఎంపీ, రాజకీయ నేత ఎంవీవీ స‌త్యనారాయ‌ణ, జీవీ 'గీతాంజలి మళ్ళీ వచ్చింది' చిత్రాన్ని నిర్మిస్తున్నారు. శివ తుర్లపాటి దర్శకుడు.