Singer Sunitha Strong Counter To Chinmayi Over My Body My Right Comments : మహిళల డ్రెస్సింగ్పై రీసెంట్గా ఓ ఇంటర్వ్యూలో సింగర్ సునీత చేసిన కామెంట్స్ సోషల్ మీడియాలో పెద్ద చర్చకే దారితీశాయి. సునీత కామెంట్స్ను సింగర్ చిన్మయి తప్పుబట్టారు. అలా మాట్లాడడం మహిళలకు మరింత డ్యామేజ్ చేస్తుందని అన్నారు. దీనిపై సునీత స్ట్రాంగ్గా రియాక్ట్ అయ్యారు.
చిన్మయికి స్ట్రాంగ్ కౌంటర్
'మై బాడీ మై రైట్ అని అమ్మాయిలు అంటే... చూసే వాడి కళ్లు వాడి ఇష్టం కదా' అంటూ సింగర్ సునీత చేసిన కామెంట్స్ వల్ల మిస్ లీడ్ అయ్యే ఛాన్స్ ఉందని చెప్పారు చిన్మయి. దీనిపై సునీత స్ట్రాంగ్ కౌంటర్ ఇస్తూ వీడియో పోస్ట్ చేశారు. 'నాపై చిన్నయికి ఎంత గౌరవం ఉందో ఆమెపై కూడా నాకు అంతే గౌరవం ఉంది. మిస్ లీడ్ అయ్యే ఛాన్స్ ఉందని మీరు అన్నారు. నాకు తెలుసు ఆ స్లోగన్ ఏంటి అనేది. 'మై బాడీ మై విష్' అంటే ఒకరి కంట్రోల్లో లేకపోవడం. నేను వ్యక్తిగా పుట్టాను కాబట్టి నా బాడీ మీద పూర్తి అర్హత, పూర్తి బాధ్యత నాదే ఎవరి కంట్రోల్లోనూ ఉండకూడదు.
దీని చుట్టూ రకరకాల అంశాలు ఉన్నాయి. 'మై బాడీ మై విష్ హిస్ ఐస్ హిస్ విష్' అని ఎందుకన్నానంటే అలాంటి సొసైటీలో మనం ఉన్నాం. కానీ మై హ్యాండ్ మై విష్ అంటే వెళ్లి చేతులు విరగ్గొట్టే వాళ్లలో ఫస్ట్ నేనుంటాను. మీరు చేసిన పోరాటంలో చాలా విషయాలు నాకు నచ్చుతాయి. మిస్ లీడింగ్గా నేను ఎప్పుడూ మాట్లాడలేదు. మొత్తం వీడియో చూడండి. మీరు అర్థమయ్యే విషయం ఏంటంటే అనుభవించిన వాళ్లల్లో నేను కూడా ఉన్నా. నాకు అది ఓకే కాదు.' అని చెప్పారు.
'అది స్టుపిడ్ థింగ్'
తన దృష్టిలో ఫెమినిజం అంటే సమానత్వమని ఇంటర్వ్యూలో తెలిపారు సునీత. 'సిగరెట్ తాగడాన్ని ఈక్వాలిటీ అనుకోవడం అనేది స్టుపిడ్ థింగ్ ఇన్ ది వరల్డ్. అది నా దృష్టిలో ఫ్రీడం కిందకు రాదు. నాకు ఇష్టం వచ్చిన బట్టలు వేసుకోవడమే ఫ్రీడమ్ అంటే అది నువ్వు ఎంజాయ్ చెయ్యాలి కాబట్టి దాన్ని సొసైటీ మీద రుద్దకూడదు. ఏ బట్టలైన వేసుకోవచ్చు కానీ అందంగా ఉండాలి. చూడ్డానికి బాగుండాలి, కంఫర్టబుల్గా ఉండాలి. అంతే తప్ప డ్రెస్సింగ్కు, మహిళల హక్కులు, ఈక్వాలిటీకి సంబంధమే లేదు. అది ఫెమినిజం కానే కాదు. కానీ ఇదే కరెక్ట్ అని చెప్పొద్దు. అవతలి వాడి చూపు మార్చడం కంటే మనల్ని మనం జాగ్రత్తగా ఉంచుకోవడం ఈజీ.' అని అన్నారు సునీత.
ఈ ఇంటర్వ్యూ తర్వాత సోషల్ మీడియాలో కొందరు సునీతపై విమర్శలు చేయగా ఆమె ఓ నోట్ రిలీజ్ చేశారు. పురుషులు స్త్రీలను చూసే తీరు పట్ల కలిగిన తీవ్రమైన కోపం నిరాశతో ఆ కామెంట్స్ చేసినట్లు క్లారిటీ ఇచ్చారు. 'ఓ స్త్రీగా, నేను సమాన హక్కులు, సమాన అవకాశాలు, ఆత్మగౌరవం, మర్యాద ఉండాలని గట్టిగా నమ్ముతాను. మరో స్త్రీకి హాని కలిగించే లేదా కించపరిచే దేనినీ నేను ఎన్నటికీ సమర్థించను.' అని చెప్పారు.
Also Read :