హిందీ టెలివిజన్ ఇండస్ట్రీలో ఎంతో పాపులర్ అయిన నటుడు సిద్ధాంత్ సూర్యవంశీ శుక్రవారం గుండెపోటుతో మరణించారు. ‘కుసుమ్’, ‘కసౌటీ జిందగీ కే’ వంటి సీరియళ్లతో ఆయన చాలా ఫేమస్ అయ్యారు. జిమ్‌లో వర్కవుట్ చేస్తుండగా ఒక్కసారిగా గుండెపోటు రావడంతో ఆయన మరణించినట్లు తెలుస్తోంది. సిద్ధాంత్ సూర్యవంశీకి భార్య, ఇద్దరు పిల్లలు ఉన్నారు.
ప్రముఖ సెలబ్రిటీ ఫొటోగ్రాఫర్ వైరల్ భయానీ ఈ విషయాన్ని ఇన్‌స్టాగ్రామ్ ద్వారా తెలిపారు. సిద్ధాంత్ అసలు పేరు ఆనంద్. తన పేరును సిద్ధాంత్ సూర్యవంశీగా మార్చుకున్నారు. ‘సుఫియానా ఇష్క్ మేరా’, ‘జిద్దీ దిల్ మానే నా’, ‘వారిస్’, ‘సాత్ ఫేరే: సలోని కా సఫర్’, ‘కసౌటీ జిందగీ కే’ వంటి సీరియల్స్ ద్వారా సిద్ధాంత్ పాపులర్ అయ్యాడు. చివరిగా ‘క్యూ రిష్తోన్ మేన్ కట్టీ బట్టి’ అనే టీవీ షోలో కనిపించాడు.