విక్రాంత్ (Vikranth), చాందినీ చౌదరి (Chandini Chowdary) జంటగా నటిస్తున్న సినిమా 'సంతాన ప్రాప్తిరస్తు' (Santhana Prapthirasthu). మ్యూజికల్ ఫ్యామిలీ ఎంటర్‌టైనర్‌గా రూపొందుతోంది. ఈ చిత్రాన్ని మధుర ఎంటర్‌టైన్‌మెంట్, నిర్వి ఆర్ట్స్ సంస్థలపై మధుర శ్రీధర్ రెడ్డి, నిర్వి హరిప్రసాద్ రెడ్డి సంయుక్తంగా ప్రొడ్యూస్ చేస్తున్నారు. అల్లు శిరీష్ 'ఏబీసీడీ' సినిమా, రాజ్ తరుణ్ - శివాత్మిక రాజశేఖర్ 'అహ నా పెళ్లంట' వెబ్ సిరీస్ విజయాల తర్వాత యువ దర్శకుడు సంజీవ్ రెడ్డి తెరకెక్కిస్తున్న చిత్రమిది. ఇవాళ సినిమా ఫస్ట్ లుక్ రిలీజ్ చేశారు. ఎందుకంటే?


హీరో విక్రాంత్ బర్త్ డే సందర్భంగా ఫస్ట్ లుక్ రిలీజ్!
Watch Santhana Prapthirasthu First Look Poster: యువ కథానాయకుడు విక్రాంత్ బర్త్ డే ఇవాళ! ఈ సందర్భంగా ఆయనకు పుట్టిన రోజు శుభాకాంక్షలు తెలియజేస్తూ 'సంతాన ప్రాప్తిరస్తు' చిత్ర బృందం ఆయన ఫస్ట్ లుక్ విడుదల చేసింది. 






నూతన వధూవరులను 'సంతాన ప్రాప్తిరస్తు' అని పెద్దలు ఆశీర్వదిస్తూ ఉంటారు. ఆ టైటిల్ సినిమాకు పెట్టడం వెనుక హీరో హీరోయిన్లకు, పిల్లలకు ఏదో సంబంధం ఉంటుందని ఆశించవచ్చు. ఫస్ట్ లుక్ చూస్తే... హీరో చేతిలో స్పెర్మ్ కౌంట్ పెంచుకునేందుకు ఏం చేయాలనేది తెలుసుకోవడానికి అవసరమైన పుస్తకం, మెడిసిన్, కాయగూరలు, వ్యాయామం, యోగా మ్యాట్ ఉండటం చూస్తే? వివిధ రకాల ప్రయత్నాలు హీరో చేస్తున్నాడని అర్థం అవుతోంది.


Also Read: 'మిస్టర్ బచ్చన్'లో ఒరిజినల్ రవితేజ - ఆ రోల్, మూవీపై దర్శకుడు హరీష్ శంకర్ రివ్యూ ఏమిటంటే?


ప్రస్తుత సమాజంలో యువతీ యువకులు ఎదుర్కొంటున్న కాంటెంపరరీ ఇష్యూను దర్శకుడు సంజీవ్ రెడ్డి వినోదాత్మకంగా చూపిస్తున్నారని నిర్మాతలు చెప్పారు. ఈ సినిమా రెగ్యులర్ చిత్రీకరణలో ఉందని చెప్పారు. ఇటీవల మెగాస్టార్ చిరంజీవి నటించిన తెలంగాణ ప్రభుత్వ యాంటీ డ్రగ్ యాడ్ వీడియో రూపొందించిన సంజీవ్ రెడ్డి... పలువురి ప్రశంసలు అందుకున్నారు. 'వెంకటాద్రి ఎక్స్‌ప్రెస్', 'ఎక్స్‌ప్రెస్ రాజా', 'ఏక్ మినీ కథ' చిత్రాలకు స్క్రీన్ ప్లే అందించిన షేక్ దావూద్ జితో కలిసి సంజీవ్ రెడ్డి ఈ సినిమాకు కథ, స్క్రీన్ ప్లే అందిస్తున్నారు.


Also Read: చిరు, పవన్, చరణ్ కోసం కథ రాస్తున్న దర్శకుడు హరీష్ శంకర్... మెగా మల్టీస్టారర్ వర్కవుట్ అవుతుందా?



Santhana Prapthirasthu Movie Cast And Crew: విక్రాంత్, చాందినీ చౌదరి జంటగా నటిస్తున్న 'సంతాన ప్రాప్తిరస్తు' సినిమాలో 'వెన్నెల' కిశోర్, అభినవ్ గోమటం, మురళీధర్ గౌడ్, జీవన్ కుమార్, 'తాగుబోతు' రమేశ్, 'రచ్చ' రవి తదితరులు ప్రధాన తారాగణం. ఈ చిత్రానికి కాస్ట్యూమ్ డిజైనర్లు: అశ్వత్ భైరి - కె ప్రతిభ రెడ్డి, ప్రొడక్షన్ డిజైనర్: శివకుమార్ మచ్చ, ఛాయాగ్రహణం: మహి రెడ్డి పండుగుల, సంగీత దర్శకుడు: సునీల్ కశ్యప్, మాటలు: కల్యాణ్ రాఘవ్, ఎగ్జిక్యూటివ్ నిర్మాత: ఎ మధుసూదన్ రెడ్డి, కథ - కథనం: సంజీవ్ రెడ్డి - షేక్ దావూద్ జి, నిర్మాతలు: మధుర శ్రీధర్ రెడ్డి - నిర్వి హరిప్రసాద్ రెడ్డి, దర్శకత్వం: సంజీవ్ రెడ్డి.