Sai Durgha Tej Reaction On Sambarala Yetigattu Delay : విరూపాక్ష తర్వాత సుప్రీం హీరో సాయి దుర్గా తేజ్ చాలా గ్యాప్ తీసుకున్నారు. పీరియాడికల్ బ్యాక్ డ్రాప్‌లో 'సంబరాల ఏటిగట్టు'తో సరికొత్తగా ప్రేక్షకులను ఎంటర్టైన్ చేసేందుకు సిద్ధమవుతున్నారు. ఈ మూవీ గ్లింప్స్ తర్వాత సినిమా నుంచి ఎలాంటి అప్డేట్ లేదు. సినిమా రిలీజ్ ఆలస్యం కావడంపై సోషల్ మీడియాలో రూమర్స్ నడుస్తుండగా... తాజాగా వాటికి సాయి తేజ్ చెక్ పెట్టారు. ఎందుకు డిలే అవుతుందో వివరించారు.

Continues below advertisement

అదే రీజన్

ప్రస్తుతం ఆడియన్స్ ఓటీటీల్లో మూవీస్, వెబ్ సిరీస్‌లు చూసిన నాలెడ్జ్ పెంచేసుకున్నారని అన్నారు సాయి తేజ్. 'అన్నీ జానర్లలోనూ కంటెంట్ గురించి ఎన్నో విషయాలు నేర్చుకుంటున్నా. ఆడియన్స్ ఆలోచనల్లో మార్పు వచ్చింది. అందుకే నా సినిమాల విషయంలో మరింత జాగ్రత్తలు తీసుకుంటున్నా. ప్రేక్షకులను మెప్పించాలంటే కథల ఎంపికలో అత్యంత అలర్ట్‌గా వ్యవహరించక తప్పదు. అందుకే కాస్త టైం పడుతుంది. సంబరాల ఏటిగట్టు కోసం నా సర్వస్వం ధారపోస్తూ శాయశక్తులా శ్రమిస్తున్నాం.' అని అన్నారు. హనుమాన్ 3D ట్రైలర్ లాంచ్ ఈవెంట్‌లో ఆయన ఈ కామెంట్స్ చేశారు. సంబరాల ఏటిగట్టు మూవీకి రోహిత్ కెపి దర్శకత్వం వహించారు. 

Continues below advertisement

Also Read : Maa Inti Bangaram Collecions Day 3 : మా ఇంటి బంగారం ఫస్ట్ వీకెండ్ కలెక్షన్స్ - నార్త్ అమెరికాలో సమంత అరుదైన రికార్డ్

లాస్ట్ 20 మినిట్స్..

హనుమాన్ 3D మూవీ గురించి సాయి దుర్గా తేజ్ మాట్లాడుతూ... 'కొత్త టెక్నాలజీతో మంచి సినిమా తెలుగు ప్రేక్షకులకు చూపించాలని హనుమాన్ చిత్రాన్ని నిర్మించారు. జూన్ 25న అందరూ థియేటర్లకు వచ్చి చూడండి. ఈ మూవీ లాస్ట్ 20 మినిట్స్ నాకు మళ్లీ మళ్లీ చూడాలనిపిస్తుంది. హనుమంతుడు నా బెస్ట్ ఫ్రెండ్. ఆయన్ను మళ్లీ ప్రత్యక్షంగా చూసిన ఫీలింగ్ ఈ మూవీ ఇస్తుంది. అందరికీ ఆల్ ది బెస్ట్.' అని అన్నారు.

అది నా అదృష్టం

ప్రొడ్యూసర్స్ నిరంజన్, చైతన్య ఎంతో కష్టపడి హనుమాన్ 3D మూవీని సిద్ధం చేశారని హీరో తేజ సజ్జ తెలిపారు. 'నేను కూడా థియేటర్లో మూవీ చూసేందుకు ఆసక్తిగా ఉన్నా. ఈ టీమ్‌ను మళ్లీ కలవడం ఓ రీయూనియన్‌లా అనిపించింది. ఎంతో పుణ్యం చేసుకుంటే కానీ ఇలాంటి సినిమా దొరకదు. అలాంటి సినిమాలో నటించే అవకాశం రావడం, హీరోగా ఆడియన్స్ ప్రేమాభిమానాలు పొందడం నా అదృష్టం. ఈ సినిమాపై ఇప్పటికే మంచి క్రేజ్ ఉంది. అందరూ తప్పకుండా థియేటర్లలో సినిమా చూసి ఎంజాయ్ చేయండి.' అని అన్నారు. దాదాపు 600 మంది టెక్నీషియన్స్ 3 నెలలు శ్రమించి, 3D వెర్షన్‌ను అద్భుతంగా రెడీ చేశారని ప్రొడ్యూసర్స్ తెలిపారు.

Also Read : OG Sequel Update : OG సీక్వెల్ బిగ్ అప్డేట్ - పవన్ కల్యాణ్ సార్... స్టోరీ ఎలా ఉంటుందంటే?

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.