Maha Lakshmi: బరువు తగ్గని నిర్మాత, భార్య షాకింగ్ డెసిషన్ - ఇలాంటి కఠిన నిర్ణయం ఎవరూ తీసుకోలేరేమో!

Maha Lakshmi: తమిళ నిర్మాత రవీందర్ చంద్రశేఖరన్ బరువు తగ్గేందుకు చాలా ప్రయత్నించారు. కానీ, వెయిట్ తగ్గలేదు. ఈ నేపథ్యంలో ఆయన భార్య మహాలక్ష్మి షాకింగ్ నిర్ణయం తీసుకుంది.

Maha Lakshmi Husband: తమిళ నిర్మాత, లిబ్రా ప్రొడక్షన్స్ అధినేత రవీందర్ చంద్రశేఖరన్ గురించి పెద్దగా పరిచయం అవసరం లేదు. తమిళ సినీ పరిశ్రమలో ఎన్నో చక్కటి సినిమాలను నిర్మించారు. ప్రొడ్యూసర్ గా మంచి గుర్తింపు తెచ్చుకున్నారు. కొన్ని వివాదాలు, నటి మహాలక్ష్మితో వివాహం తర్వాత కొంత కాలం పాటు వార్తల్లో నిలిచారు. నిజానికి సీరియల్ నటి మహాలక్ష్మిని ఆయన ఇష్టపడి పెళ్లి చేసుకున్నారు. వీరి పెళ్లి రహస్యంగా జరిగింది. కొద్ది రోజుల ఆర్వాత ఆయన పెళ్లి ఫోటోలు బయటకు వచ్చాయి. ఈ ఫోటలను చూసి చాలా మంది ఆయనను హేళన చేశారు. ముఖ్యంగా ఆయన బరువు గురించి నెటిజన్లు దారుణంగా ట్రోల్ చేశారు. మహాలక్ష్మి ఆయనను డబ్బు కోసమే పెళ్లి చేసుకుందని విమర్శించారు. అయినప్పటికీ ఈ విమర్శలను వాళ్లు పట్టించుకోలేదు. హ్యాపీగా సంసార జీవితాన్ని గడుపుతున్నారు.    

భర్త కోసం మహాలక్ష్మి కీలక నిర్ణయం

తాజాగా ఓ ఇంటర్వ్యూలో పాల్గొన్న మహాలక్ష్మి తన వివాహ జీవింత గురించి కీలక విషయాలు వెల్లడించింది. తమ పెళ్లి తర్వాత నెటిజన్లు చేసిన విమర్శలు చాలా బాధ కలిగించినట్లు చెప్పింది. కొద్ది రోజుల తర్వాత వాటిని పట్టించుకోవడం మానేసినట్లు చెప్పింది. “నా భర్త చాలా బరువు ఉన్న మాట వాస్తవం. కానీ, ఆయన చాలా మంచివారు. నా కోసం బరువు తగ్గేందుకు ప్రయత్నించారు. కానీ, ఆయన ఎంత కష్టపడినా ఫలితం దక్కలేదు. ఈ నేపథ్యంలో నేనే ఓ నిర్ణయం తీసుకున్నాను. ఆయన బరువు తగ్గడు కాబట్టి, నేనే ఆయనలా బరువు పెరగాలి అనుకుంటున్నాను. బరువు పెరిగే ఫుడ్ తీసుకుంటున్నాను. రాత్రి పూట ఎక్కువగా తింటున్నాను. తినగానే నిద్రపోతున్నాను. ఎలాగైనా నా భర్త మాదిరిగా పెరగాలి అనుకుంటున్నాను. అప్పుడైనా ఈ ట్రోల్స్ ఆగిపోతాయేమో చూస్తాను” అని చెప్పుకొచ్చింది.

పెళ్లి సమయంలో దారుణ ట్రోలింగ్స్

సీరియల్ నటిగా ఉన్న మహాలక్ష్మితో రవీందర్‌ కు పరిచయం ఏర్పడింది. ఇద్దరూ కొంత కాలం ప్రేమలో ఉన్నారు. ఆ తర్వాత పెళ్లి చేసుకున్నారు. నిజానికి ఇద్దరికీ ఇది రెండో పెళ్లి. కొన్ని కారణాలతో రవీందర్ తన భార్య నుంచి దూరం కాగా, వివాదాల కారణంగా మహాలక్ష్మి భర్తతో విడాకులు తీసుకుంది.  పెళ్లి సమయంలో మహాలక్ష్మి గురించి నెటిజన్లు దారుణంగా కామెంట్స్ చేశారు. కేవలం డబ్బు మీద ఉన్న ఆశతోనే ఆయనను పెళ్లి చేసుకున్నట్లు విమర్శించారు. మహాలక్ష్మిని పడేయటాకిని ఆయన ఎన్ని ప్లాన్స్ వేశాడోనని కూడా కామెంట్ చేశారు.   

కొద్ది నెలల క్రితం మహాలక్ష్మి, రవీందర్ వైవాహిక జీవితం గురించి పలు రూమర్స్ వచ్చాయి. వీరిద్దరు విడిపోతున్నారని సోషల్ మీడియాలో వార్తలు ప్రచారం అయ్యాయి. ఈ పుకార్లను మహాలక్ష్మి ఖండించింది. ఈ వార్తలన్నీ అవాస్తవాలేనని తేల్చి చెప్పింది. అసలు తమ గురించి ఎందుకు ఇలాంటి వార్తలు రాస్తున్నారో అర్థం కావడం లేదని ఆవేదన వ్యక్తం చేసింది. రీసెంట్ గా మహాలక్ష్మి భర్త రవీందర్ మీద చీటింగ్ కేసు ఫైల్ అయ్యింది. ఒకరి దగ్గరి నుంచి మోసం చేసి డబ్బులు తీసుకున్నారని కేసు పెట్టారు. కొద్ది రోజుల పాటు ఆయన జైలు జీవితం కూడా గడిపారు. అయితే, బరువు పెరగడం వల్ల చాలా సమస్యలు వస్తాయి. అనారోగ్యాలు వెంటాడుతాయి. మరి, ఈ విషయం మీద ఆమె మరోసారి ఆలోచిస్తే బెటర్ ఏమో అని పలువురు అంటున్నారు.