'యానిమల్' (Animal Movie) టీజర్ చూశారా? విలన్ల మీద హీరోల గొడ్డలి వేటు చాలా గట్టిగా పడింది. రక్తం ఏరులై పారింది. సినిమాలో వయలెన్స్ ఏ విధంగా ఉంటుంది? అనే ప్రశ్నకు టీజర్ స్పష్టమైన జవాబు ఇచ్చింది. తెలుగులో 'అర్జున్ రెడ్డి', తర్వాత ఆ కథతో హిందీలో తీసిన 'కబీర్ సింగ్' సినిమాలతో దర్శకుడు సందీప్ రెడ్డి వంగా మేకింగ్ స్టైల్ ఏంటనేది జనాలకు తెలుసు. అందువల్ల, ఆ టీజర్ చూసిన ప్రేక్షకులు సినిమా ఎలా ఉంటుందోనని ఊహించుకున్నారు. లేటెస్ట్ అప్డేట్ ఏమిటంటే... యాక్షన్ ఎపిసోడ్స్ మాత్రమే కాదు, రొమాంటిక్ సీన్స్ కూడా చాలా వయలెంట్‌గా ఉంటాయట. 


రణబీర్ కపూర్, రష్మిక మధ్య ఫస్ట్ నైట్ సీన్!
'యానిమల్' సినిమాలో రణబీర్ కపూర్ (Ranbir Kapoor) కథానాయకుడు. ఆయన జోడీగా రష్మికా మందన్నా (Rashmika Mandanna) నటించారు. టీజర్ చూస్తే... ఈ సినిమాలో ఇద్దరికీ పెళ్లైందని తెలుస్తుంది. ఫస్ట్ నైట్ సీన్ కూడా ఉందని బాలీవుడ్ టాక్. ఒకవైపు ఫస్ట్ నైట్... మరో వైపు విలన్స్ ఎటాక్... రెండిటినీ బాలన్స్ చేస్తూ సందీప్ రెడ్డి వంగా తీసిన సీన్స్ సినిమాలో హైలైట్ అవుతాయని టాక్. 


రణబీర్, రష్మిక పెళ్లి తర్వాత ఫస్ట్ నైట్ జరుగుతుండగా... విలన్స్ ఎటాక్ చేస్తారట! ఒకవైపు గాల్లోకి విలన్లను పంపిస్తూ... మరో వైపు రొమాన్స్ చేసిన సన్నివేశాలు బాగా వచ్చాయని ఇన్‌సైడ్ టాక్. సందీప్ రెడ్డి వంగా మేకింగ్ చూసి ప్రేక్షకులు సర్‌ప్రైజ్ అవుతారట. ఇప్పటి వరకు రష్మిక ఇటువంటి సీన్ చేయలేదని ముంబై సినిమా జనాలు అంటున్నారట.  


Also Read : భార్య ఉండగా మరొక అమ్మాయితో - ఎఫైర్ రివీల్ చేసిన ఈటీవీ ప్రభాకర్


'యానిమల్' కథ చాలా పవర్ ఫుల్‌గా ఉంటుందని, రణబీర్ కపూర్ ఈ సినిమాలో భిన్నమైన పాత్రలో కనిపిస్తారని చిత్ర బృందం పేర్కొంది. ఆల్రెడీ విడుదలైన టీజర్ చూస్తే... మాఫియా నేపథ్యంలో తీసిన సినిమా అని అర్థం అవుతోంది. యాక్షన్ ఎంట‌ర్‌టైన‌ర్‌గా రూపొందిన 'యానిమల్' కోసం ర‌ణబీర్ స్పెష‌ల్‌ మేకోవ‌ర్‌ అయ్యారట. ఆయనకు తండ్రిగా హిందీ సీనియర్ హీరో అనిల్ కపూర్ నటించారు. రష్మిక గీతాంజలి పాత్రలో కనిపించనున్నారు. 


Also Read : 'మంత్ ఆఫ్ మధు' రివ్యూ : 'కలర్స్' స్వాతి బోల్డ్ సీన్ చేసిన సినిమా - హిట్టా? ఫట్టా?



'యానిమల్' తర్వాత టీ సిరీస్ సంస్థలో సందీప్ రెడ్డి వంగా మరో రెండు సినిమాలు చేయనున్నారు. అందులో రెబల్ స్టార్ ప్రభాస్ హీరోగా రూపొందే 'స్పిరిట్' ఒకటి. ఐకాన్ స్టార్ అల్లు అర్జున్ హీరోగా చేయనున్న 'భద్రకాళి' మరొకటి. ఆ రెండు సినిమాలు సైతం పాన్ ఇండియా మార్కెట్ టార్గెట్ చేస్తూ తెరకెక్కించే సినిమాలే. ప్రస్తుతం 'యానిమల్' కాకుండా ఐకాన్ స్టార్ అల్లు అర్జున్ 'పుష్ప 2'లో సైతం రష్మిక నటిస్తున్నారు. తెలుగు, తమిళ భాషల్లో రూపొందుతున్న 'రెయిన్ బో' సినిమా ఒకటి ఉంది. మరికొన్ని చిత్రాలు చర్చల దశలో ఉన్నాయి.


ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial