Ram Gopal Varma: నిత్యానంద, రంజిత వీడియోపై ఆర్జీవీ కామెంట్స్, ఆ హీరో ఆయనకు పెద్ద భక్తుడట!

Ram Gopal Varma: తనకు నచ్చింది నచ్చినట్టుగా మాట్లాడుతూ కాంట్రవర్సీలు క్రియేట్ చేసే రామ్ గోపాల్ వర్మ.. కొన్నాళ్ల క్రితం నిత్యానంద స్వామి ఘటనపై స్పందించారు. ఆయన లీక్ అయిన ఫోటో గురించి వ్యాఖ్యలు చేశారు.

Ram Gopal Varma About Nityananda Swamy: ఏ విషయంపై అయినా ముక్కుసూటిగా మాట్లాడుతూ కాంట్రవర్సీలు క్రియేట్ చేసే దర్శకుడు రామ్ గోపాల్ వర్మ. కేవలం సినిమాలకు సంబంధించి మాత్రమే కాదు.. అన్ని రంగాల్లోను తనకు నచ్చని విషయాన్ని ఓపెన్‌గా చెప్పేసే మనస్తత్వం ఆయనది. అలాగే కొన్నాళ్ల క్రితం నిత్యానంద స్వామిపై ఆయన చేసిన వ్యాఖ్యలు ఇప్పుడు సోషల్ మీడియాలో వైరల్ అవుతున్నాయి. తన దగ్గరకు వచ్చే అమ్మాయితో నిత్యానంద స్వామి తప్పుగా ప్రవర్తిస్తున్నారంటూ అప్పట్లో ఒక ఫోటో లీక్ అయ్యింది. ఆ ఫోటోపై స్పందిస్తూ ఈ విషయంపై తన అభిప్రాయం వ్యక్తం చేశారు రామ్ గోపాల్ వర్మ.

ఆ హీరో కూడా..

‘‘ఆ అమ్మాయితో నిత్యానంద స్వామి ఏం చేశారో పక్కన పెడితే బెడ్ మీద అలా పడుకొని కన్నడ సినిమా పాటలు చూస్తున్నాడు. అది ఎక్స్‌ట్రార్డినరీ. అలాంటి విజువల్స్‌ను నేను ఎక్కడా చూడలేదు. అలా అందరూ చేస్తారు. కానీ ఒక స్వామిజీగా ఆయనకు ఉన్న పేరు, మనకు చూపించిన డిజైన్ చూస్తే ఆయన అలా చేస్తారని ఎవరూ ఊహించలేరు. ఆయన కూడా మనిషే’’ అంటూ నిత్యానంద స్వామి లీక్ అయిన వీడియోపై తన స్టైల్‌లో స్పందించారు ఆర్జీవీ. అంతే కాకుండా తనకు సంబంధించిన మరో సంఘటనను గుర్తుచేసుకున్నారు. ‘‘ఒకప్పుడు నిత్యానంద స్వామికి బాలీవుడ్ హీరో వివేక్ ఓబ్రాయ్ విపరీతమైన భక్తుడు’’ అంటూ చెప్పుకొచ్చారు.

వాళ్ల నమ్మకం..

‘‘నిత్యానంద స్వామి ఫోటో బయటికొచ్చిన తర్వాత నేను వివేక్‌తో మాట్లాడాను. అలా అయినా కూడా మళ్లీ ఆ స్వామిజీ దగ్గరికే వెళ్తారు. ఎందుకంటే ఆ నమ్మకం లేకపోతే అసలు మాకు జీవితమే లేదని ఫీలవుతారు. వాళ్లకు అంతకంటే ఏం చేయాలో తెలియదు. ఒక సమస్యకు మన దగ్గర పరిష్కారం లేదు, ఏమవుతుందో తెలియదు. అందుకే బాబా మీద భారం వేస్తే వాడు చూసుకుంటాడు. అది వాళ్ల నమ్మకం’’ అని తెలిపారు రామ్ గోపాల్ వర్మ. అంటే నిత్యానంద స్వామి కరెక్ట్ కాదని తెలిసినా ఆయన స్వామిజీ కాబట్టి ఆయన దగ్గరకు వెళ్లి ఆశీర్వాదం తీసుకుంటే అంతా ఓకే అయిపోతుందని ప్రజలు నమ్ముతున్నారని అన్నారు ఆర్జీవీ.

నెగిటివ్ కామెంట్స్..

కొన్నాళ్ల క్రితం రామ్ గోపాల్ వర్మ పాల్గొన్న ఇంటర్వ్యూలో ఆయన చేసిన వ్యాఖ్యలు ఇప్పుడు వైరల్ అవ్వడం విశేషం. ఏ విషయంపై అయినా ఫిల్టర్ లేకుండా మాట్లాడే ఆర్జీవీ.. నిత్యానంద స్వామి ఘటనపై ఎలా మాట్లాడారో చూడండి అంటూ ఆ వీడియో సోషల్ మీడియాలో చక్కర్లు కొడుతోంది. చాలామంది నిత్యానంద స్వామిపై చేసిన కామెంట్స్‌ను సపోర్ట్ చేస్తున్నా కొందరు మాత్రం స్వామిజీని అలా అనడం తప్పు అంటూ ఆర్జీవీపై నెగిటివ్ కామెంట్స్ చేస్తున్నారు.