టాలీవుడ్ అప్ కమింగ్ మోస్ట్ అవైటెడ్ ఫిలిం 'సలార్' టీజర్ జూలై 6న విడుదలై ఇప్పుడు సోషల్ మీడియాలో చర్చనీయాంశంగా మారింది. 'కేజిఎఫ్' సినిమాతో పాన్ ఇండియా డైరెక్టర్గా గుర్తింపు తెచ్చుకున్న కన్నడ దర్శకుడు ప్రశాంత్ నీల్ ఈ సినిమాని తెరకెక్కించారు. సెప్టెంబర్ 28న థియేటర్స్ లో సందడి చేయనున్న ఈ మూవీకి సంబంధించిన టీజర్ ఇప్పుడు సోషల్ మీడియాలో ట్రెండ్ అవుతోంది. ముఖ్యంగా టీజర్ లో ప్రభాస్ ముఖాన్ని రివిల్ చేయకుండా, ప్రభాస్ కి ఎలివేషన్ ఇస్తూ నటుడు టీను ఆనంద్ చెప్పిన డైలాగ్ ఇప్పుడు వైరల్ అవుతుంది. ఈ టీజర్ లో నటుడు టీను ఆనంద్ ప్రభాస్ ను జురాసిక్ పార్క్ లోని డైనోసార్ తో పోల్చాడు. ప్రస్తుతం ఈ డైలాగ్ గురించి సోషల్ మీడియాలో తెగ చర్చ జరుగుతోంది.
ప్రశాంత్ నీల్ ఈ సినిమాలో ప్రభాస్ ని ఎలివేట్ చేయడం కోసం జురాసిక్ పార్క్ రిఫరెన్స్ ని ఉపయోగించాడు. అయితే ఈ రిఫరెన్స్ ని 'సలార్' డైరెక్టర్ కంటే ముందు మరో అగ్ర దర్శకుడు ఉపయోగించారనే విషయం మీకు తెలుసా? ఆ డైరెక్టర్ ఎవరు? ఆ సినిమా పేరేంటి? అనే వివరాలను ఇప్పుడు తెలుసుకుందాం.. తాజాగా విడుదలైన 'సలార్' టీజర్ లో సినిమా రెండు భాగాలుగా వస్తుందని మేకర్స్ స్పష్టం చేశారు. అయితే ఈ టీజర్ లో ప్రభాస్ ని జురాసిక్ పార్క్ లో ఉన్న డైనోసార్ తో పోల్చారు. సింహం, చిరుత, పులి, ఏనుగు ప్రమాదకరమని, అయితే అవి జురాసిక్ పార్క్‌లో ఉన్నప్పుడు కాదని టీను ఆనంద్ చెప్పారు. ఆ తర్వాత ప్రభాస్ గొడ్డలి, కత్తి, తుపాకులు పట్టుకుని రౌడీలను కొడుతున్న విజువల్స్ ని టీజర్ లో చూపించారు.
అయితే ఈ జురాసిక్ పార్క్ రిఫరెన్స్ ని గతంలో సెన్సేషనల్ డైరెక్టర్ శంకర్ సైతం వినియోగించారు. ఆయన తెరకెక్కించిన 'ప్రేమికుడు' సినిమాలో ఈ జురాసిక్ పార్క్ రిఫరెన్స్ ఉంటుంది. ప్రేమికుడు సినిమాలో 'ముక్కాలా ముక్కాబుల' పాట ఎంత ఫేమస్ అనేది అందరికీ తెలిసిందే. ఈ పాటలో "జురాసిక్ పార్క్ లోనా సరదాగా జోడీలే జాజ్ మ్యూజిక్ నేడే పాడేను".. అనే లిరిక్ ఉంటుంది. దర్శకుడు శంకర్ సరదాగా సాగే పాటలో ఈ జురాసిక్ రిఫరెన్స్ ని వాడితే, అదే రిఫరెన్స్ ని ఇప్పుడు దర్శకుడు ప్రశాంత్ నీల్ ప్రభాస్ ని ఎలివేట్ చేయడం కోసం వాడారు. అలా ప్రస్తుతం సోషల్ మీడియాలో ఈ జురాసిక్ పార్క్ రిఫరెన్స్ ప్రస్తావన వైరల్ గా మారింది. అయితే టీజర్ వచ్చాక జురాసిక్ పార్క్ రిఫరెన్స్ డైలాగ్ ను కొందరు నెటిజెన్లు ట్రోల్ చేస్తే.. మరి కొంతమంది ప్రభాస్ కటౌట్ కి ఈ డైలాగ్ సరిగ్గా సూట్ అవుతుందంటూ కామెంట్స్ చేశారు.
ఇక సలార్ విషయానికొస్తే.. తాజాగా విడుదలైన ‘సలార్’ టీజర్ 24 గంటల్లో ఏకంగా 85 మిలియన్లకు పైగా వ్యూస్ సాధించి యూట్యూబ్ రికార్డులు బద్దలు కొట్టింది. ఇప్పటివరకు ఈ రేంజ్ రెస్పాన్స్ మరే స్టార్ హీరో సినిమా టీజర్ కి రాకపోవడం గమనార్హం. ఈ టీజర్ రెస్పాన్స్ ని బట్టి ప్రభాస్ సలార్ కోసం ఫ్యాన్స్ అండ్ ఆడియన్స్ ఏ రేంజ్ లో ఎదురుచూస్తున్నారో అర్థం చేసుకోవచ్చు. 'కేజీఎఫ్' సినిమాను నిర్మించిన హోం బలే ఫిలిమ్స్ సంస్థ ఈ సినిమాను భారీ బడ్జెట్ తో స్థాయిలో నిర్మించగా, రవి బస్రూర్ సంగీతం అందిస్తున్నారు.
Also Read : షారుక్ 'జవాన్' నుంచి లీకైన నయనతార లుక్!
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.