అనుష్క(Anushka Shetty), ప్రభాస్ (Rebal Star Prabhas). ఈ జంటకు టాలీవుడ్లో సపరేట్ ఫ్యాన్ బేస్ ఉంది. తాజాగా స్వీటి శెట్టి నటించిన పవర్ఫుల్ మూవీ 'ఘాటీ' సినిమా గ్లింప్స్(Ghaati Movie Glimpse)ను 'రెబల్ స్టార్ ప్రభాస్' విడుదల చేశారు. దీంతో మరోసారి వీరిద్దరూ సోషల్ మీడియాలో ట్రెండ్ అవుతున్నారు. గ్లింప్స్ కూడా అభిమానులను బాగా ఆకట్టుకుంది.
గ్లింప్స్తో పీక్స్కి తీసుకెళ్లిపోయారుగా
డైరక్టర్ క్రిష్ జాగర్లమూడి (Kirsh Jagarlamudi) దర్శకత్వంలో అనుష్క శెట్టి ప్రధానపాత్రలో రూపొందిన భారీ యాక్షన్ ఎంటర్టైనర్ ఘాటీ. విక్రమ్ ప్రభు (Vikram Prabhu) హీరోగా చేయగా.. రాజీవ్ రెడ్డి, సాయి బాబు జాగర్లమూడి ఈ సినిమాను ప్రొడ్యూస్ చేస్తున్నారు. ఇప్పటికే విడుదలైన లుక్స్, టీజర్, ట్రైలర్తో హైప్ని పెంచగా.. విడుదలకు ముందు ప్రభాస్ రిలీజ్ చేసిన గ్లింప్స్ హైప్స్ని పీక్స్కి తీసుకెళ్లాయి. మొత్తం యాక్షన్తో నిండిన ఈ గ్లింప్స్లో "వాళ్లు ఊరుకోరు.. వీళ్లు ఊరుకోరు అంటే నేను ఊరుకోను" అనే డైలాగ్ గ్లింప్స్ని నెక్స్ట్ లెవెల్కి తీసుకుంది.
వేదం కాంబో రిపీట్
క్రిష్ దర్శకత్వంలో స్వీటీ 'వేదం' సినిమా చేసింది. అప్పట్లో వేశ్యపాత్ర చేసి.. నటించి, మెప్పించి విమర్శకులు ప్రశంసంలు అందుకొంది. వీరిద్దరూ కలిసి ఇప్పుడు ఘాటీతో సెప్టెంబర్ 5వ తేదీన వస్తున్నారు. ఇప్పటికే బుకింగ్స్ ఓపెన్ అయిపోయాయి. ఈ సినిమా కూడా వేదంలాగానే మంచి గుర్తింపు తీసుకువస్తుందని.. రీసెంట్గా అనుష్క తెలిపింది.
బాహుబలి టీమ్ సపోర్ట్..
స్వీటి చేసిన ఘాటీకి 'బాహుబలి' టీమ్ బాగానే సపోర్ట్ చేస్తుంది. తాజాగా రానా, అనుష్కల కాల్ రికార్డింగ్ బాగా వైరల్ అయింది. ఇప్పుడు రెబల్ స్టార్ ప్రభాస్ ఘాటీ గ్లింప్స్ రిలీజ్ చేశారు. త్వరలోనే 'బాహుబలి ది ఎపిక్' కూడా విడుదల కానుంది. ఇదిలా ఉండగా.. ప్రభాస్ ఘాటీ గ్లింప్స్ రిలీజ్ చేస్తుంటే.. రాణి మూవీని సపోర్ట్ చేయడానికి రాజు వచ్చాడంటూ సోషల్ మీడియాలో తెగ పోస్టులు వేస్తున్నారు. ప్రభాస్, అనుష్క జంటకు ఆడియన్స్, ఫ్యాన్స్లో ఓ సపరేట్ ఫ్యాన్ బేస్ ఉంది. వీరిద్దరూ పెళ్లి చేసుకోవాలని కోరుకునేవారు కూడా చాలామందే ఉన్నారు. అయితే తాము బెస్ట్ ఫ్రెండ్స్ అంటూ పలు సందర్భాల్లో ప్రభాస్, అనుష్క క్లారిటీ కూడా ఇచ్చారు.