Pooja Hegde :ముంబైలో ఇల్లు కొన్న పూజా హెగ్డే - ఖరీదు అన్ని కోట్లా?

టాలీవుడ్ హీరోయిన్ పూజ హెగ్డే తాజాగా ముంబై బాంద్రాలో ఓ ఇంటిని కొనుగోలు చేసిందట. ఆ ఇంటికోసం పూజా హెగ్డే ఏకంగా 45 కోట్లు పెట్టిందనే విషయం తెలిసి నెటిజన్స్ షాక్ అవుతున్నారు.

Pooja Hegde Baught New House In Mumbai : టాలీవుడ్ బుట్ట బొమ్మ పూజ హెగ్డే ప్రస్తుతం బాలీవుడ్ లో సెటిల్ అయిపోయింది. తెలుగులోఅగ్ర హీరోల సరసన నటించి అతి తక్కువ సమయంలోనే భారీ స్టార్ డమ్ అందుకున్న ఈ బ్యూటీ గత రెండు సంవత్సరాలుగా వరుస అపజయాలు అందుకుంటాయి. సౌత్ లో నటించే సినిమాలు వరుస పెట్టి ప్లాప్స్ అవుతుండడంతో అక్కడ అవకాశాలు తగ్గిపోయాయి. దీంతో బాలీవుడ్ కి వచ్చేసింది. ప్రస్తుతం పూజా హెగ్డే చేతిలో రెండు బాలీవుడ్ ప్రాజెక్ట్స్ ఉన్నట్లు తెలుస్తోంది. ఇదిలా ఉంటే పూజ హెగ్డే కి సంబంధించి ఓ వార్త బాలీవుడ్ లో వైరల్ గా మారింది. 

ముంబైలో ఇల్లు కొన్న పూజా హెగ్డే

పూజా హెగ్డే టాలీవుడ్‌ను వదిలి బాలీవుడ్‌కు వచ్చినప్పటినుంచి ఎక్కువగా ముంబైలోనే ఉంటుంది. ఇప్పటికే ఈ హీరోయిన్ కి ముంబైలో ఓ అపార్ట్మెంట్ ఉంది. ఇక ఇప్పుడు అదే ముంబైలో మరో లగ్జరీయస్ ఇంటిని కొనుగోలు చేసినట్లు లేటెస్ట్ బాలీవుడ్ వర్గాల సమాచారం. అది కూడా బాలీవుడ్ స్టార్ సెలబ్రిటీలు ఉండే ఏరియాలో కావడం విశేషం. బాలీవుడ్ స్టార్స్ అంతా ముంబై బాంద్రాలో ఉంటారు. ఆ ఏరియాలో అన్ని ఖరీదే. బాలీవుడ్ సెలబ్రిటీలు కొన్ని కోట్లు ఖర్చుపెట్టి మరి బాంద్రాలో ఇల్లు కొనుక్కుంటారు. ఎందుకంటే ఆ ఏరియాలో ఇల్లు ఉండడం ఓ స్టేటస్ గా భావిస్తుంటారుమ్ ఇప్పుడు ఇదే ఏరియాలో పూజ హెగ్డే ఓ ఇంటిని కొనుగోలు చేసిందట. సుమారు 4వేల చదరపు విస్తీర్ణంలో సముద్రం ఫేసింగ్ ఉండేలా బాంద్రాలో ఇల్లు కొనుక్కుందని సమాచారం. దీనికోసం బుట్ట బొమ్మ భారీగానే ఖర్చు చేసిందట.

పూజా హెగ్డే కొత్త ఇంటి ఖరీదు అన్ని కోట్లా?

పూజా హెగ్డే తన కొత్త ఇంటి కోసం ఏకంగా రూ.45 కోట్లు ఖర్చు పెట్టిందట. ఆ ఇంటి ఖరీదు రూ.45 కోట్లు కాగా ఆ ఇంటికి మళ్ళీ ఎక్స్ ట్రా డబ్బులు పెట్టి తనకు కావలసినట్టు డిజైన్ చేయించుకుందట. పూజా హెగ్డే ఏకంగా రూ.45 కోట్లు పెట్టి ముంబైలో ఇల్లు కొందనే విషయం తెలిసి నేటిజన్స్ షాక్ అవుతున్నారు. చేతిలో సరైన ఆఫర్స్ లేకపోయినా కూడా స్టార్ హీరోల రేంజ్ లో ఖర్చుపెట్టి పూజా హెగ్డే ఇల్లు ఎలా కొందంటూ పలువురు కామెంట్స్ చేస్తున్నారు. 

బాలీవుడ్‌కే పరిమితం అవుతుందా?

పూజా హెగ్డే ముంబైలో రూ.45 కోట్లు ఖర్చుపెట్టి ఇంటిని కొనుగోలు చేయడంతో ఇకనుంచి ఆమె అక్కడే ఉండబోతుందనే విషయం అర్థమవుతుంది. అంతేకాదు ఆమె కేవలం బాలీవుడ్ కి పరిమితం కాబోతుందనే వార్తలు కూడా వినిపిస్తున్నాయి. ప్రస్తుతం సౌత్ లో ఈ హీరోయిన్ కి పెద్దగా అవకాశాలు రావడం లేదు. అదే బాలీవుడ్ లో ఈమె నటించిన సినిమాలు ప్లాప్ అవుతున్నా కూడా అవకాశాలు మాత్రం తగ్గడం లేదు. దీన్ని బట్టి రాబోయే రోజుల్లో పూజా హెగ్డే ఎక్కువగా బాలీవుడ్ సినిమాలే చేస్తుందని తెలుస్తోంది. ఆ మధ్య అల్లు అర్జున్ - త్రివిక్రమ్ సినిమాలో హీరోయిన్‌గా నటిస్తుందని వార్తలు ప్రచారం అయ్యాయి. కానీ దానిపై ఎలాంటి క్లారిటీ లేదు.