Peddi Pre Release Event Live Highlights: చచ్చేవరకు ఎంటర్టైన్ చేస్తా... రామ్ చరణ్ ఎమోషనల్ స్పీచ్ - 'పెద్ది' ప్రీ రిలీజ్ ఈవెంట్ హైలైట్స్

Peddi Pre Release Event Highlights: విజయవాడలో రామ్ చరణ్ 'పెద్ది' సందడి మొదలైంది. ఇందిరా గ్రౌండ్స్‌లో భారీ ఎత్తున ఏర్పాట్లు చేశారు. ఆ ఈవెంట్ లైవ్ అప్డేట్స్ మినిట్ టు మినిట్ తెలుసుకోండి.

Background

విజయవాడలో ఇవాళ సాయంత్రం జరగబోయే 'పెద్ది' ప్రీ రిలీజ్ వేడుక (Peddi Pre Release Event)కు సర్వం సిద్ధమైంది. మెగా పవర్ స్టార్ రామ్ చరణ్ (Ram Charan) హీరోగా రూపొందిన పాన్ ఇండియా స్పోర్ట్స్ డ్రామా సందడి మొదలైంది. జూన్ 1వ తేదీ... సోమవారం సాయంత్రం ఆంధ్రప్రదేశ్‌లోని విజయవాడలో గల ఇందిరా గాంధీ మున్సిపల్ స్టేడియం (గ్రౌండ్స్)లో భారీ ఎత్తున వేడుక చేస్తామని చిత్ర బృందం గత వారమే పేర్కొంది. అందుకు తగ్గట్టుగా ఈవెంట్ కోసం అన్ని ఏర్పాట్లను పూర్తి చేసింది. సాయంత్రం ఆరున్నర లేదా ఏడు గంటల గంటల నుంచి ఈవెంట్ ప్రారంభం కానుంది. ఈ వేడుక సందర్భంగా విజయవాడలో మెగా అభిమానులు భారీ బైక్ ర్యాలీతో పండుగ వాతావరణాన్ని సృష్టించారు.Also Read: Peddi Nizam Release Issue - 'పెద్ది' రిలీజ్ హైడ్రామాకు శుభం కార్డు... 'దిల్' రాజు థియేటర్లలోనూ రామ్ చరణ్ సినిమా'పెద్ది' సినిమాపై దేశవ్యాప్తంగా విపరీతమైన క్రేజ్ నెలకొంది. ముంబైలో జరిగిన ట్రైలర్ లాంచ్ నుంచి మొదలు పెడితే... భోపాల్‌లో ఏఆర్ రెహమాన్ మ్యూజికల్ కాన్సర్ట్... ఆ తర్వాత బెంగళూరు, ఢిల్లీ, చెన్నై నగరాల్లో నిర్వహించిన ప్రెస్ మీట్స్ వరకు... ప్రతి ప్రమోషనల్ ఈవెంట్ ప్రేక్షకులలో సినిమాపై ఆసక్తి కలిగేలా చేశాయి. ఈవెంట్స్ కాకుండా తెలుగు మీడియాకు బుచ్చిబాబు సానా, పాన్ ఇండియా మీడియాకు రామ్ చరణ్, జాన్వీ కపూర్ అండ్ టీమ్ ఇచ్చిన ఇంటర్వ్యూలు కూడా హెల్ప్ అయ్యాయి. ఇప్పుడు తెలుగు గడ్డపై భారీ ఎత్తున ఈవెంట్ నిర్వహించేందుకు సినిమా యూనిట్ సిద్ధమైంది.'పెద్ది' సినిమాలో రామ్ చరణ్ నటన, ఆయన బాడీ ట్రాన్స్‌ఫర్మేషన్ అద్భుతంగా ఉన్నాయని తెలుస్తోంది. ట్రైలర్ ద్వారా సినిమాపై అంచనాలు పెరిగాయి. ఈ రోజు సాయంత్రం జరగబోయే వేడుకలో రామ్ చరణ్‌తో పాటు హీరోయిన్ జాన్వీ కపూర్, చిత్ర దర్శక నిర్మాతలు, ఇతర సాంకేతిక నిపుణులు పాల్గొననున్నారు. ఆస్కార్ పురస్కార గ్రహీత ఏఆర్ రెహమాన్ అందించిన సంగీతం సినిమాకు ప్రధాన ఆకర్షణగా నిలవనుంది. ఆల్రెడీ విడుదలైన పాటలు చార్ట్ బస్టర్లు అయ్యాయి.Also Read: Dil Raju vs Mythri - 'దిల్' రాజును దెబ్బ కొట్టిన మైత్రి... సొంత ఇలాఖాలో ఎవరూ ఊహించని అడుగుPeddi Release Date: జూన్ 3వ తేదీన తెలంగాణ, నార్త్ అమెరికా, ఆంధ్రప్రదేశ్‌లో స్పెషల్ ప్రీమియర్ షోలతో 'పెద్ది' సందడి మొదలు కానుంది. ఈ ప్రీమియర్స్ కోసం టికెట్ ధరల పెంపునకు సంబంధించి ఇప్పటికే ప్రభుత్వం నుంచి అనుమతులు లభించాయి. జూన్ 4న ఈ పాన్ ఇండియా సినిమా ప్రపంచవ్యాప్తంగా థియేటర్లలో గ్రాండ్‌ రిలీజ్ కానుంది.Photo Gallery: Rashmika Vijay Deverakonda Japan Trip - జపాన్‌ వీధుల్లో రష్మిక... హనీమూన్ తర్వాత భర్త విజయ్ దేవరకొండతో కలిసి

01/06/2026 22:47:21

రామ్ చరణ్ ఫుల్ స్పీచ్ వీడియో చూడండి

'పెద్ది' ప్రీ రిలీజ్ ఈవెంట్ లో రామ్ చరణ్ ఫుల్ స్పీచ్ వీడియో చూడండి:

Continues below advertisement

01/06/2026 22:40:49

చనిపోయే వరకు ఎంటర్టైన్ చేస్తుంటా - రామ్ చరణ్

అభిమానుల కోసం చేతులు విరగొట్టుకోవడమే కాదని, రక్తం చిందించి అయినా సినిమా చేస్తానని రామ్ చరణ్ ఎమోషనల్ అయ్యారు. మెగాస్టార్ చిరంజీవి తనయుడిగా జన్మించినందుకు, బాబాయ్ పవన్ కళ్యాణ్ ఇంటిలో ఉన్నందుకు ఎంతైనా కష్టపడతానని ఆయన చెప్పారు. చనిపోయే వరకు అభిమానులు, ప్రేక్షకులను ఎంటర్టైన్ చేస్తుంటానని రామ్ చరణ్ పేర్కొన్నారు. తనకు తెలిసింది సినిమా మాత్రమే అని అన్నారు. 

01/06/2026 22:38:04

ఇండియాలో టాప్ 3 - 4 దర్శకుల్లో బుచ్చిబాబు ఉంటాడు - రామ్ చరణ్

దర్శకుడు బుచ్చిబాబు మీద రామ్ చరణ్ ప్రశంసల వర్షం కురిపించారు. ''రాసి పెట్టుకోండి... ఇండియాలో టాప్ 3 - 4 దర్శకులలో బుచ్చిబాబు పేరు ఉంటుంది'' అని రామ్ చరణ్ అన్నారు. అభిమానుల ప్రోత్సాహం వల్లే ఇటువంటి సినిమాలు చేయగలుగుతున్నానని చెప్పారు.

Continues below advertisement

01/06/2026 22:36:34

అప్పుడు 'మగధీర, రంగస్థలం, ఆర్ఆర్ఆర్'... ఇప్పుడు 'పెద్ది'

ప్రతిరోజూ జిమ్ చేసి షూటింగ్‌కు ఎప్పుడు వెళ్లాలా? అని ఎదురు చూసిన అరుదైన సినిమా 'పెద్ది' అని రామ్ చరణ్ తెలిపారు. ఒక 'మగధీర', 'రంగస్థలం', 'ఆర్ఆర్ఆర్' సినిమాలకు ఎలా అనిపించిందో... మళ్ళీ 'పెద్ది'కి అలాగే అనిపించిందన్నారు. తన కెరీర్ లో టాప్ సినిమాల్లో 'పెద్ది' ఉంటుందన్నారు.  

01/06/2026 22:34:13

ఇటువంటి కథ కోసం కాకపోతే ఎప్పుడు కష్టపడతాం - రామ్ చరణ్

దర్శకుడు బుచ్చిబాబు చెప్పినప్పుడు కథలా కాకుండా ఓ వ్యక్తి ప్రయాణంలా చెప్పారని రామ్ చరణ్ వివరించారు. ఇంకా ఆయన మాట్లాడుతూ... ''ఇది మామూలు కథ కాదు. ఎగిసిపడే ఓ మనిషి కథ కాదు. పడిన మనిషి లేచి ఎలా నిలబడతాడో? అలా నిలబడిన కథ. అందరూ కష్టం గురించి మాట్లాడుతున్నారు. ఇటువంటి కథ కోసం కాకపోతే ఇంకెప్పుడు కష్టపడతాం? కష్టంతో చేసినది కాదని, ఇష్టంగా ప్రేమతో సినిమా చేశాను. ప్రతిరోజూ ప్రేమతో చేశాను'' అని చెప్పారు. 

01/06/2026 22:29:48

'పెద్ది' లాంటి కథ నాన్నగారు చెప్పినట్టు పదేళ్లకు ఒక్కసారి వస్తుంది - చరణ్

కొన్ని కథలు విన్నప్పుడు హృదయానికి హత్తుకుంటాయని, అటువంటి కథే 'పెద్ది' అని రామ్ చరణ్ అన్నారు. తన తండ్రి చిరంజీవి చెప్పినట్టు ఇటువంటి కథ పదేళ్లకు ఒక్కసారి వస్తుందన్నారు చరణ్. ఒక నటుడిగా తనకు ఎంతో సంతృప్తి ఇచ్చిన సినిమా 'పెద్ది' అని పేర్కొన్నారు.

01/06/2026 22:27:38

ప్రీ రిలీజ్‌లా లేదు... సక్సెస్ మీట్ లా ఉంది - రామ్ చరణ్

తనకు మైక్ రావడానికి చాలా టైమ్ పట్టిందని, ఒప్పిగా ఎదురు చూసిన ఫ్యాన్స్ & ఆడియన్స్ అందరికీ థాంక్స్ అని రామ్ చరణ్ చెప్పారు. అభిమానుల సందడి చూస్తుంటే ఇది ప్రీ రిలీజ్ ఈవెంట్ లా లేదని, సక్సెస్ మీట్ లా ఉందని చరణ్ చెప్పారు. 

01/06/2026 22:24:41

'పెద్ది' సినిమా బడ్జెట్ 350 కోట్లు - బుచ్చిబాబు

Peddi Movie Budget: తన మొదటి సినిమా 'ఉప్పెన'ను పాతిక కోట్లతో తీశానని, అయితే 'పెద్ది' సినిమాకు 350 కోట్లు ఖర్చు అయ్యిందని బుచ్చిబాబు తెలిపారు. నిర్మాత ఎప్పుడూ నవ్వుతూ ఉన్నారని, తాను 'పెద్ది'ని బాగా తీశానని నమ్ముతున్నానని ఆయన పేర్కొన్నారు. 

సినిమాను వందసార్లు చూశానని, చూసిన ప్రతిసారి చివరి 40 నిమిషాలలో కళ్ళలో నీళ్లు తిరుగుతాయని బుచ్చిబాబు అన్నారు. అప్పలసూరిగా జగపతి బాబు సీన్స్ వచ్చినప్పుడు ప్రేక్షకుల కళ్ళలో నీళ్లు తిరగకపోతే నా పేరు బుచ్చిబాబు కాదని ఆయన అన్నారు. 

01/06/2026 22:21:37

'పెద్ది'కి విజయం ఈజీగా దక్కలేదు - బుచ్చిబాబు

ఆటంకం వస్తే ఆగిపోయే ఓ కుర్రాడి కథ కాదు 'పెద్ది'. ఎన్ని ఆటంకాలు వచ్చినా సరే ముందుకు సాగే కుర్రాడి కథ. చాలా స్ఫూర్తి ఇచ్చే కథ 'పెద్ది'. పెద్దిగాడికి విజయం ఈజీగా దక్కలేదు. చాలా కష్టాలు పడిన తర్వాత విజయం దక్కింది - దర్శకుడు బుచ్చిబాబు సానా. 

01/06/2026 22:19:08

'ఉప్పెన' చిరంజీవి గారు ఇస్తే... 'పెద్ది' చరణ్ సార్ ఇచ్చారు - బుచ్చిబాబు

రెండో సినిమా దర్శకుడిగా స్టార్ హీరో ఛాన్స్ ఇవ్వడం అంటే మామూలు విషయం కాదని... తనకు 'ఉప్పెన' అవకాశం చిరంజీవి గారు ఇస్తే, 'పెద్ది' అవకాశాన్ని మాత్రం రామ్ చరణ్ గారు ఇచ్చారని బుచ్చిబాబు సానా తెలిపారు. ఒక్క కరెక్షన్ కూడా చెప్పకుండా కథ ఓకే చేశారని వివరించారు. 

01/06/2026 22:17:20

'పెద్ది' కమర్షియల్ సినిమా కాదు... ఎమోషనల్ డ్రామా - దర్శకుడు బుచ్చిబాబు

చూడటానికి 'పెద్ది' కమర్షియల్ సినిమాలా కనిపిస్తుందని, కానీ ఇది కమర్షియల్ సినిమా కాదని, కమర్షియల్ సినిమాలా ఉంటూ ముందుకు సాగే ఓ ఎమోషనల్ డ్రామా అని, పడి లేచిన ఎదిగిన మనిషి కథే 'పెద్ది' అని దర్శకుడు బుచ్చిబాబు సానా చెప్పారు. ఓ ఆటగాడి జర్నీ 'పెద్ది' అని, ఆ ఆట తీసుకు వచ్చే గుర్తింపు ఇది అని ఆయన తెలిపారు. 

01/06/2026 22:13:07

చిరంజీవి కొడుగ్గా కంపల్సరీ కష్టపడాల్సిందే

రామ్ చరణ్ పడిన కష్టం గురించి మైత్రి మూవీ మేకర్స్ రవిశంకర్ మాట్లాడుతూ... ''చరణ్ గారికి దగ్గరైన ఓ వ్యక్తి 'ఎందుకు సార్ ఇంత కష్టపడుతున్నారు?' అని అడిగారు. రామ్ చరణ్ కొడుగ్గా నేను ఎలా అయినా చేయవచ్చు. కానీ చిరంజీవి కొడుగ్గా కష్టపడక తప్పదని, కంపల్సరీగా కష్టపడాలని చెప్పారు. సినిమా కోసం ఎంత కష్టపడటానికి అయినా రెడీగా ఉన్నారు'' అని చెప్పారు. చిరంజీవిని దాటే సత్తా ఒక్క రామ్ చరణ్ కే ఉందన్నారు. 

01/06/2026 22:09:39

బుచ్చిబాబు మోనార్క్... రెహమాన్ ఆర్ఆర్ కి గూస్ బంప్స్

దర్శకుడు బుచ్చిబాబు మీద ఏఆర్ రెహమాన్ ఆసక్తికరమైన వ్యాఖ్యలు చేశారు నిర్మాత సతీష్ కిలారు. అతను చూడటానికి చిన్నగా ఉన్నా... మోనార్క్ అని, కోరుకునేది అయ్యే వరకు వదిలి పెట్టడని అన్నారు. ఏఆర్ రెహమాన్ ఇచ్చిన ఆర్ఆర్ కు గూస్ బంప్స్ వస్తాయని పేర్కొన్నారు. 

01/06/2026 22:07:41

నెగిటివిటీ వద్దు... అందరి ఫ్యాన్స్ చూడండి - 'పెద్ది' నిర్మాత

ప్రేక్షకులకు, మిగతా హీరోల అభిమానులకు 'పెద్ది' నిర్మాత వెంకట సతీష్ కిలారు ఓ రిక్వెస్ట్ చేశారు. సినిమాపై నెగిటివిటీ వద్దని, అందరు హీరోలు వెళ్లి సినిమా చూడాలని ఆయన కోరారు. 

01/06/2026 22:05:43

రామ్ చరణ్ కు రుణపడి ఉంటా... అడుగడుగునా నన్ను నడిపించారు - నిర్మాత సతీష్ కిలారు

రామ్ చరణ్ తనకు ఓ బ్రదర్, వెల్ విషర్, గైడింగ్ ఫోర్స్ అని నిర్మాత, వృద్ధి సినిమాస్ అధినేత వెంకట సతీష్ కిలారు చెప్పారు. తనకు 'పెద్ది' సినిమా చేసే అవకాశం ఇచ్చిన ఆయనకు జీవితాంతం రుణపడి ఉంటానని చెప్పారు. ప్రతి విషయంలో తన వెనుక ఉండి అడుగడుగునా నడిపించారని ఆయన పేర్కొన్నారు. 'పెద్ది' సినిమా చేసేటప్పుడు రామ్ చరణ్ కు మూడు గాయాలు అయ్యానని, చేతికి అయిన గాయం కూడా 'పెద్ది' చిత్రీకరణలో ఆయనదేనని, వచ్చే నెలలో రామ్ చరణ్ సర్జరీ చేయించుకుంటారని ఆయన తెలిపారు.

01/06/2026 22:05:03

హనుమంతునిగా రామ్ చరణ్... బొమ్మ గీసిన అభిమాని

'పెద్ది' సినిమాలోని ఒక సన్నివేశంలో హనుమంతుని గుర్తు చేసేలా ఒక ఎపిసోడ్ ఉంటుందని చిత్ర బృందం ఇచ్చిన ఇంటర్వ్యూల్లో లీక్స్ వచ్చాయి. ఓ అభిమాని హనుమంతునిగా రామ్ చరణ్ రూపాన్ని గీశారు. ఆ బొమ్మ లైవ్ వీడియోలో క్యాప్చర్ అయ్యింది. 

01/06/2026 21:54:15

జాన్వీకి శ్రీదేవి చెప్పిన మాట

తెలుగు సినిమాలు, తెలుగు ప్రేక్షకుల గురించి మీ అమ్మగారు శ్రీదేవి మీకు ఏమైనా చెప్పారా? అని సుమ కనకాల అడగ్గా... ''ప్రేక్షకులే దేవుళ్ళు అని అమ్మ ఎప్పుడూ చెప్పేది'' అని జాన్వీ కపూర్ సమాధానం ఇచ్చారు. 'జగదేకవీరుడు అతిలోక సుందరి' సినిమాలోని 'మానవా... ఒక్కసారి నా చెయ్యి పట్టుకోవా' డైలాగ్ రిపీట్ చేశారు. 

01/06/2026 21:52:01

విడుదలకు ముందు 'పెద్ది' సినిమా నాకు చాలా ఇచ్చింది - జాన్వీ కపూర్

'పెద్ది' సినిమా విడుదలకు ముందు తనకు ఎంతో ఇచ్చిందని, రామ్ చరణ్ గారితో పని చేసే అవకాశం ఇచ్చిందని జాన్వీ కపూర్ చెప్పారు. ఆస్కార్ విన్నర్ రెహమాన్, సినిమాటోగ్రాఫర్ రత్నవేలు, దర్శకుడు బుచ్చిబాబు, నిర్మాత సతీష్ కిలారుతో పని చేయడం సంతోషంగా ఉందన్నారు. 'పెద్ది' సినిమాలో స్క్రీన్ మీద తనను ఎక్కువ సేపు చూస్తారని ఆమె తెలిపారు.

01/06/2026 21:49:23

జీవితానికి అర్థం ఏమిటో కనుక్కోవడమే 'పెద్ది'లో సందేశం - జాన్వీ కపూర్

ప్రేక్షకులు తమపై చూపిస్తున్న ప్రేమ చూస్తుంటే తనకు చాలా సంతోషంగా ఉందని జాన్వీ కపూర్ తెలిపారు. 'పెద్ది' సినిమా చూసినప్పుడు కూడా అదే ప్రేమతో థియేటర్స్ నుంచి బయటకు వస్తారని ఆశిస్తున్నట్టు పేర్కొన్నారామె. అదే తమకు ప్రతి రోజూ కష్టపడి పని చేయడానికి బలం ఇస్తుందని అన్నారు.

'పెద్ది' సినిమాలో సందేశం గురించి జాన్వీ కపూర్ మాట్లాడారు. ''సినిమాలో మెసేజ్ ఏమిటంటే... మీ ఐడెంటిటీ, మీ జీవితానికి అర్థం ఏమిటి? అనేది కనుక్కోవడం. నా జీవితానికి అర్థం ఏమిటంటే మిమ్మల్ని ఎంటర్టైన్ చేయడం'' అని జాన్వీ చెప్పారు.

01/06/2026 21:11:00

చికిరి చికిరి పాడిన మోహిత్ చౌహన్

'రై రై రారా...' పాటను రామ్ చరణ్ పాడిన తర్వాత, 'పెద్ది'లో ఫస్ట్ చార్ట్ బస్టర్ 'చికిరి చికిరి...'ని స్టేజిపై లైవ్ పెర్ఫార్మన్స్ ఇచ్చారు సింగర్ మోహిత్ చౌహన్.

01/06/2026 21:06:30

రెహమాన్ లైవ్ పెర్ఫార్మన్ షురూ

విజయవాడ ప్రీ రిలీజ్ ఈవెంట్ లోనూ ఆస్కార్ విన్నర్, 'పెద్ది' మ్యూజిక్ డైరెక్టర్ ఏఆర్ రెహమాన్ లైవ్ పెర్ఫార్మన్స్ ఇచ్చారు. 'రై రై రారా...' పాటను స్వయంగా స్టేజిపై పాడారు. 

01/06/2026 21:02:21

శ్రీదేవి ఎక్కడున్నా జాన్వీ జర్నీని ఎంజాయ్ చేస్తారు - జగపతి బాబు

సినిమాలో తనకు, జాన్వీకి మధ్య సన్నివేశాలు లేవని... ఆ అమ్మాయిని ఇక్కడే చూశానని జగపతి బాబు చెప్పారు. తన తండ్రి నిర్మించిన సినిమాల్లో శ్రీదేవి నటించారని, ఆవిడ ఎక్కడున్నా జాన్వీ జర్నీ చూసి ఎంజాయ్ చేస్తారని ఆయన పేర్కొన్నారు. 

01/06/2026 21:00:45

రామ్ చరణ్ గురించి జగపతి బాబుతో చిరు చెప్పిన మాట

రామ్ చరణ్ అంటే తనకు వ్యక్తిగతంగా చాలా ఇష్టమని జగపతి బాబు చెప్పారు. తనకు, మెగాస్టార్ చిరంజీవికి మధ్య జరిగిన ఓ సంభాషణను ఆయన షేర్ చేశారు. ''చిరంజీవి గారితో నేను రామ్ చరణ్ ఎంత ఎదిగిపోయాడండీ అన్నాను. అప్పుడు చరణ్ ట్యాలెంట్, కెరీర్, సక్సెస్ ఒక ఎత్తు అయితే... మనిషిగా, మంచి మనిషిగా సక్సెస్ అయ్యాడని చిరంజీవి చెప్పారు. రామ్ చరణ్ మంచి మనసు నేను సెట్స్ లో చూస్తుంటాను'' అని జగపతి బాబు చెప్పారు. 

01/06/2026 20:55:04

పెద్ది... ఇండస్ట్రీకి పెద్ద దిక్కు, వేరే రేంజ్ కి వెళ్లే సినిమా - జగపతి బాబు

నేను పుట్టింది విజయవాడలో పుట్టింది ఎంత నిజమో... ఇండస్ట్రీకి 'పెద్ది' పెద్ద దిక్కు అవుతుందనేది అంత నిజం అని జగపతి బాబు అన్నారు. అందరి దాహం తీర్చే సినిమా ఇది అని అన్నారు. ''నాకు మంచి క్యారెక్టర్ వచ్చి ఎనిమిదేళ్లు అయ్యింది. 'అరవింద సమేత వీరరాఘవ' తర్వాత 'పెద్ది'. దర్శకుడు బుచ్చిబాబు నన్ను అప్పలసూరి పాత్రలో ఎలా ఊహించుకున్నాడో గానీ నాకు మంచి క్యారెక్టర్. రామ్ చరణ్ మెగా పవర్ చూపించే సినిమా 'పెద్ది' అవుతుంది'' అని జగపతి బాబు చెప్పారు.

01/06/2026 20:50:49

విజయవాడ వేడికి చరణ్ కు చెమటలు

విజయవాడలో వేడి ఎక్కువ. దానికి తోడు అసలే సమ్మర్. ఇంకేముందు? 'పెద్ది' ప్రీ రిలీజ్ కు వెళ్లిన రామ్ చరణ్ సీటులో కూర్చోగానే చెమటలు పట్టాయి. దాంతో టిష్యూ తీసుకుని తుడుచుకున్నారు. 

01/06/2026 20:41:01

స్టైలిష్ అండ్ చెక్ షర్టులో రామ్ చరణ్ ఎంట్రీ

'పెద్ది' ప్రీ రిలీజ్ ఈవెంట్ లో స్టైలిష్ అండ్ చెక్ షర్టులో రామ్ చరణ్ ఎంట్రీ ఇచ్చారు. 

01/06/2026 20:33:57

రామ్ చరణ్‌ను చూస్తే ఆంజనేయస్వామి గుర్తొస్తారు

క్రికెటర్ నుంచి రెజ్లర్ గా రామ్ చరణ్ నాలుగు నెలలు బాడీ ట్రాన్స్‌ఫర్మ్‌ అయ్యారని, అంత తక్కువ టైంలో చేయడం సూపర్బ్ అని రత్నవేలు చెప్పారు. గద పట్టుకుని రామ్ చరణ్ వస్తే... ఆయన్ను చూసి ఆంజనేయ స్వామి గుర్తుకు వచ్చారని ఆయన అన్నారు. 

01/06/2026 20:32:12

అప్పుడు 'రోబో'... ఇప్పుడు 'పెద్ది' - సినిమాటోగ్రాఫర్ రత్నవేలు

'పెద్ది' సినిమా కోసం ఫిల్మ్ నెగిటివ్ ఉపయోగించినట్టు రత్నవేలు చెప్పారు. ఇంకా ఆయన మాట్లాడుతూ... ''నేను లాస్ట్ గా 'రోబో' సినిమాకు ఫిల్మ్ నెగిటివ్ యూజ్ చేశా. తర్వాత డిజిటల్ టెక్నాలజీ వచ్చింది. మళ్ళీ ఇప్పుడు 'పెద్ది' చేశా. ఈ సినిమాలో ఢిల్లీలో ఒక ఎమోషనల్ పోర్షన్ ఉంది. దాని కోసం నెగిటివ్ అయితే బావుంటుందని, అందులో షూట్ చేస్తే ఆ ఫీల్ వస్తుందని అనుకున్నా. నిర్మాత సతీష్ గారు సపోర్ట్ చేసి అమెరికా నుంచి తెప్పించారు. రామ్ చరణ్, బుచ్చి సపోర్ట్ చేశారు'' అని చెప్పారు.

01/06/2026 20:26:05

చీరలో ఎంట్రీ ఇచ్చిన జాన్వీ కపూర్

హీరోయిన్, నయా అతిలోక సుందరి జాన్వీ కపూర్ 'పెద్ది' ప్రీ రిలీజ్ ఈవెంట్ లో ఎంట్రీ ఇచ్చారు. చక్కగా చీరలో వచ్చారామె. 

01/06/2026 20:20:41

రామ్ చరణ్ గారి కంటే ఎక్కువ ఇస్తే స్టెప్ వేస్తా - అనంత్ శ్రీరామ్

అనంత్ శ్రీరామ్ లో గేయ రచయిత మాత్రమే కాదు... డ్యాన్సర్ కూడా ఉన్నారు. టీవీ ప్రోగ్రామ్స్ లో డ్యాన్సులు చేశారు. ఆయన్ను 'పెద్ది' ప్రీ రిలీజ్ ఈవెంట్ స్టేజిపై 'చికిరి చికిరి...' పాటకు డ్యాన్స్ చేస్తారా? అని అడిగారు సుమ. అప్పుడు ఆయన సరదాగా ''నాకు నిర్మాత సతీష్ గారు పారితోషికం ఇవ్వలేదు. నేను స్టెప్ వేయాలి అంటే రామ్ చరణ్ గారి కంటే ఎక్కువ పారితోషికం ఇవ్వాలి'' అని రిప్లై ఇచ్చారు. 

01/06/2026 20:16:20

'పెద్ది' చూసి ప్రపంచం మొత్తం ఉలిక్కి పడుతుంది - అనంత్ శ్రీరామ్

''తెలుగు సినిమా చూసి ప్రపంచం మొత్తం ఉలిక్కిపడే రోజు, హాలీవుడ్ సైతం అదిరిపోయే రోజు ఇంకెంతో దూరంలో లేదు. ఆ రోజు 'పెద్ది' బల్లగుద్ది రికార్డులు బద్దలుకొట్టి మరీ నిరూపించుకునే రోజు జూన్ 4'' అని అనంత్ శ్రీరామ్ మాట్లాడారు. 

01/06/2026 19:51:45

'పెద్ది' ఈవెంట్ మొదలైంది... లైవ్ చూడండి

Watch Peddi Pre Release Event Live Here - విజయవాడలో 'పెద్ది' ప్రీ రిలీజ్ ఈవెంట్ మొదలైంది. ఇక్కడ లైవ్ చూడండి:

01/06/2026 18:42:33

విజయవాడ ఎయిర్ పోర్టులో పెద్ది టీమ్ ఫోటోలు

రామ్ చరణ్, జాన్వీ కపూర్ సహా 'పెద్ది' టీమ్ సోమవారం సాయంత్రం విజయవాడ చేరుకున్నారు. ఎయిర్ పోర్టులో అభిమానులు, ప్రేక్షకుల నుంచి వాళ్ళకు ఘన స్వాగతం లభించింది. ఆ ఫోటోలు చూసేందుకు కింద లింక్ క్లిక్ చేయండి.

ఫోటోలు: విజయవాడ ఎయిర్ పోర్టులో పెద్ది టీమ్

01/06/2026 18:24:31

విజయవాడకు దివ్యేందు శర్మ

మీర్జాపూర్ ఫేం దివ్యేందు శర్మ పెద్ది ఈవెంట్ కోసం విజయవాడ చేరుకున్నారు. మూవీలో ఆయన రామ్ బుజ్జిగా నటిస్తున్నారు.

01/06/2026 18:02:51

విజయవాడ చేరుకున్న రామ్ చరణ్

Ram Charana Landed In Vijayawada : పెద్ది ప్రీ రిలీజ్ ఈవెంట్ కోసం రామ్ చరణ్ విజయవాడ చేరుకున్నారు. ఎయిర్ పోర్ట్ వద్ద అభిమానులు ఆయనకు ఘన స్వాగతం పలికారు. ఆయన వెంట డైరెక్టర్ బుచ్చిబాబు ఉన్నారు.

01/06/2026 17:57:54

విజయవాడ చేరుకున్న జాన్వీ కపూర్

Janhvi Kapoor : హీరోయిన్ జాన్వీ కపూర్ పెద్ది ప్రీ రిలీజ్ ఈవెంట్ కోసం విజయవాడ చేరుకున్నారు. భారీగా చేరుకున్న ఫ్యాన్స్‌ను ఆమె విష్ చేశారు. ఈ వీడియో వైరల్ అవుతోంది.

01/06/2026 17:16:09

పెద్ది ప్రీ రిలీజ్ ఈవెంట్ లైవ్

Peddi Pre Release Event Live Watch Here : రామ్ చరణ్ పెద్ది ప్రీ రిలీజ్ ఈవెంట్ విజయవాడ ఇందిరా గాంధీ స్టేడియంలో జరుగుతుంది. ఈవెంట్ లైవ్ ఇక్కడ క్లిక్ చేయండి.

01/06/2026 16:22:45

ట్రెండింగ్‌లో పెద్ది... టికెట్ బుకింగ్స్ ఓపెన్

ఏపీలో పెద్ది టికెట్ బుకింగ్స్ ఓపెన్ కాగా సోషల్ మీడియాలో ట్రెండ్ అవుతోంది. ఒక్కసారిగా టికెట్స్ బుక్ చేసుకునేందుకు యాప్స్ ఓపెన్ చేయగా రష్ ఎక్కువైంది. ప్రీమియర్ షోస్ సహా టికెట్ ధరలు పెంచుకునేందుకు అక్కడి ప్రభుత్వం పర్మిషన్ ఇచ్చింది. 

01/06/2026 16:00:06

పెద్ది ఈవెంట్‌లో చరణ్ భారీ కటౌట్

విజయవాడలో పెద్ది ప్రీ రిలీజ్ ఈవెంట్‌లో చరణ్ భారీ కటౌట్ స్పెషల్ అట్రాక్షన్‌గా నిలిచింది. ఇందిరా గ్రౌండ్స్‌లో అభిమానులు భారీ కటౌట్ ఏర్పాటు చేయగా ఆ విజువల్స్ ఇప్పుడు సోషల్ మీడియాలో వైరల్ అవుతున్నాయి.

01/06/2026 15:44:16

పెద్ది వారంలో అడుగు పెట్టేశాం

పెద్ది వారంలో అడుగు పెట్టేశామని, ఇక నుంచి మీ ఫీడ్ (సోషల్ మీడియాలో) అంతా పెద్దిఫైడ్ అవుతుందని చిత్ర బృందం మరొక ట్వీట్ చేసింది.

 

01/06/2026 15:11:50

'పెద్ది' నెల మొదలైంది

జూన్ 4న 'పెద్ది' విడుదల కానున్న నేపథ్యంలో 'పెద్ది' నెల మొదలు అయ్యిందంటూ చిత్ర బృందం ట్వీట్ చేసింది