Oscar 2023 Live : ఇండియాకు రెండు ఆస్కార్లు - చరిత్ర సృష్టించిన 'ఆర్ఆర్ఆర్', ఆస్కార్ విజేతలు ఎవరంటే?

Oscar Awards 2023 Live : ప్రపంచ సినిమా ప్రేక్షకులు అందరూ ఎంతగానో ఎదురు చూస్తున్న ఆస్కార్ అవార్డ్స్ లైవ్ అప్డేట్స్ కోసం ఈ పేజీ చూస్తూ ఉండండి.

Background

ఆస్కార్ అవార్డ్స్ (Oscars 2023) అంటే ఇండియాలో ఆడియన్స్ కూడా ఇంట్రెస్ట్ చూపిస్తారు. ప్రపంచ సినిమా పురస్కారాల్లో ఆస్కార్ అవార్డులకు ప్రత్యేక స్థానం ఉంది. అయితే, ఈ ఏడాది ఆస్కార్స్ మీద ఇండియన్స్ ఎక్కువ ఇంట్రెస్ట్ చూపించడానికి కారణం మాత్రం 'ఆర్ఆర్ఆర్ : రౌద్రం రణం రుధిరం' సినిమా అని చెప్పక తప్పదు.మెగా పవర్ స్టార్ రామ్ చరణ్, యంగ్ టైగర్ ఎన్టీఆర్ హీరోలుగా దర్శక ధీరుడు ఎస్ఎస్ రాజమౌళి దర్శకత్వంలో డీవీవీ దానయ్య నిర్మించిన సినిమా 'ఆర్ఆర్ఆర్' (RRR Movie Oscars). ఈ సినిమాలోని 'నాటు నాటు...' పాటకు బెస్ట్ ఒరిజినల్ సాంగ్ విభాగంలో ఆస్కార్ నామినేషన్ లభించింది. ఎంఎం కీరవాణి సంగీతం అందించగా... చంద్రబోస్ రాసిన గీతమిది. యువ గాయకులు రాహుల్ సిప్లిగంజ్, కీరవాణి తనయుడు కాలభైరవ ఆలపించారు. ఆస్కార్స్ వేదిక మీద ఈ పాటను లైవ్ పెర్ఫార్మన్స్ ఇవ్వనున్నారు. భారతీయ ప్రేక్షకులు ఈ ఏడాది ఆస్కార్స్ మీద ఎక్కువ ఆసక్తి చూపించడానికి కారణం ఈ పాట చెప్పడంలో ఎటువంటి సందేహం అవసరం లేదు. 'నాటు నాటు...' పాటతో పాటు డాక్యుమెంటరీ ఫీచర్ ఫిల్మ్ విభాగంలో 'ఆల్ దట్ బ్రీత్స్', డాక్యుమెంటరీ షార్ట్ ఫిల్మ్ విభాగంలో 'ది ఎలిఫెంట్ విస్పరర్స్' కూడా నామినేషన్ అందుకున్నాయి. ఉత్తమ సినిమా కేటగిరీలో 'అవతార్‌: ది వే ఆఫ్‌ వాటర్‌', 'టాప్‌ గన్‌ : మావెరిక్‌', 'ఆల్‌ క్వైట్‌ ఆన్‌ ది వెస్ట్రన్‌ ఫ్రంట్‌', 'ది బన్షీస్‌ ఆఫ్‌ ఇనిషెరిన్‌', 'ఎల్విస్‌', 'ఎవ్రీథింగ్‌ ఎవ్రీవేర్‌ ఆల్‌ ఎట్‌ వన్స్‌', 'ది ఫేబుల్‌ మ్యాన్స్‌', 'టార్‌', 'ట్రయాంగిల్‌ ఆఫ్‌ సాడ్‌ నెస్‌ ఉమెన్‌ టాకింగ్‌' పోటీ పడుతున్నాయి. ఉత్తమ నటుడు విభాగంలో ఆస్టిన్‌ బట్లర్‌ (ఎల్విస్‌), కొలిన్‌ ఫార్రెల్‌ (ది బాన్షీస్‌ ఆఫ్‌ ఇనిషైరైన్‌), బ్రెండన్‌ ఫ్రాసెర్‌ (ది వేల్‌), పాల్‌ మెస్కల్‌ (ఆఫ్టర్‌ సన్‌), బిల్‌ నిగీ (లివింగ్‌)... ఉత్తమ నటి విభాగంలో కేట్‌ బ్లాంషెట్‌ (టార్‌), అన్నా దె అర్మాస్‌ (బ్లాండ్‌), ఆండ్రియా రైజ్‌బరో (టు లెస్లీ), మిషెల్‌ విలియమ్స్‌ (ది ఫేబుల్‌మ్యాన్స్‌), మిషెల్‌ యో (ఎవ్రీథింగ్‌ ఎవ్రీవేర్‌ ఆల్‌ ఎట్‌ వన్స్‌) పోటీ పడుతున్నారు. నాటు నాటు (ఆర్‌ఆర్‌ఆర్‌)తో పాటు అప్లాజ్‌ (టెల్‌ ఇట్‌ లైక్‌ ఎ ఉమెన్‌), హోల్డ్‌ మై హ్యాండ్‌ ( టాప్‌గన్‌: మార్వెరిక్‌), లిఫ్ట్‌ మీ అప్‌ (బ్లాక్‌ పాంథర్‌), ది ఈజ్‌ ఏ లైఫ్‌ (ఎవ్రీథింగ్‌ ఎవ్రీవేర్‌ ఆల్‌ ఎట్‌ వన్స్‌) పాటలు ఆస్కార్ బరిలో నిలిచాయి. ఉత్తమ దర్శకుడు విభాగంలో మార్టిన్‌ మెక్‌డొనాగ్‌ (ది బన్షీస్‌ ఆఫ్‌ ఇనిషెరిన్‌), డానియెల్‌ క్వాన్‌, డానియెల్‌ స్కీనెర్ట్‌ (ఎవ్రీథింగ్‌ ఎవ్రీవేర్‌ ఆల్‌ ఎట్‌ వన్స్‌), స్టీవెన్‌ స్పీల్‌ బర్గ్‌ (ది ఫేబుల్‌మ్యాన్స్‌), టడ్‌ ఫీల్డ్‌ (టార్‌), రూబెన్‌ ఆస్ట్లాండ్‌ (ట్రైయాంగిల్‌ ఆఫ్‌ సాడ్‌నెస్‌) పోటీ పడుతున్నారు. 'అవతార్'కు గాను జేమ్స్ కామెరూన్ ఉత్తమ దర్శకుడు పోటీలో లేరు. కానీ, ఆయన సినిమా పలు విభాగాల్లో పోటీ పడుతోంది. ఈ ఏడాది ఎవరు ఆస్కార్ గెలిచారు? ఏమైంది? వంటి వివరాల కోసం ఈ పేజీ చూడండి. తెలుగు ప్రేక్షకుల కోసం ఆస్కార్ లైవ్ అప్డేట్స్...  

13/03/2023 09:06:47

ఉత్తమ సినిమా ఏది అంటే?

ఉత్తమ సినిమాగా 'ఎవ్రీథింగ్ ఎవ్రీవేర్ ఆల్ ఎట్ వన్స్' నిలిచింది. 95వ ఆస్కార్ వేడుకల్లో ఆ సినిమా రికార్డ్ క్రియేట్ చేసింది.     

13/03/2023 09:01:33

ఉత్తమ నటి మిషెల్‌ యో

ఎవ్రీథింగ్‌ ఎవ్రీవేర్‌ ఆల్‌ ఎట్‌ వన్స్‌' సినిమాకి గాను మిషెల్‌ యో ఉత్తమ నటిగా ఆస్కార్ అందుకున్నారు. ఈ ఘనత సాధించిన తొలి ఏసియా మహిళగా ఆమె రికార్డ్ క్రియేట్ చేశారు. 

13/03/2023 08:59:56

ఉత్తమ నటుడు - బ్రెండన్ ఫ్రాసెర్

'ద వేల్' సినిమాకి గాను బ్రెండన్ ఫ్రాసెర్ ఉత్తమ నటుడిగా ఆస్కార్ అందుకున్నారు.  

13/03/2023 08:57:40

టాప్ గన్ మావెరిక్ కి అవార్డు

బెస్ట్ సౌండ్ విభాగంలో 'టాప్ గన్ మావెరిక్' సినిమాకు అవార్డు వచ్చింది. 

13/03/2023 08:56:53

బెస్ట్ డైరెక్టర్ అవార్డ్ ఎవరికి అంటే?

'ఎవ్రీథింగ్ ఎవ్రీవేర్ ఆల్ ఎట్ వన్స్' సినిమాకు గాను డేనియల్ క్వాన్, డేనియల్ స్చెయింర్ట్ ఉత్తమ దర్శకులుగా అవార్డు అందుకున్నారు.  

13/03/2023 08:18:35

స్క్రీన్ ప్లేలో ఎవరికి ఏ అవార్డు అంటే?

ఒరిజినల్ స్క్రీన్ ప్లే విభాగంలో 'ఎవ్రీథింగ్ ఎవ్రీవేర్ ఆల్ ఎట్ వన్స్', అడాప్టెడ్ స్క్రీన్ ప్లే విభాగంలో 'విమెన్ టేకింగ్' సినిమాలు అవార్డులు అందుకున్నాయి. 

13/03/2023 08:03:27

విజువల్స్ ఎఫెక్ట్స్ 'అవతార్'కే

బెస్ట్ విజువల్ ఎఫెక్ట్స్ విభాగంలో 'అవతార్ 2'కి అవార్డు వచ్చింది.  

13/03/2023 07:59:53

ఉత్తమ సంగీత దర్శకుడు ఎవరంటే?

95వ అకాడమీ అవార్డుల్లో ఉత్తమ సంగీత దర్శకుడిగా అవార్డు అందుకున్నది ఎవరో తెలుసా? ''ఆల్ క్విట్ ఆన్ ద వెస్ట్రన్ ఫ్రంట్' సినిమాకు గాను వోల్కర్ బెర్టల్మాన్ (volker bertelmann)

13/03/2023 07:23:06

ఇండియాకు ఆస్కార్ అవార్డు

ఆస్కార్ అవార్డుల్లో బోణీ కొట్టిన ఇండియా. డాక్యుమెంటరీ షార్ట్ విభాగంలో 'ద ఎలిఫెంట్ విష్పరస్' అవార్డు అందుకుంది. 

13/03/2023 07:08:26

'నాటు నాటు...'కు స్టాండింగ్ ఒవేషన్

ఆస్కార్ స్టేజి మీద 'నాటు నాటు' లివ్ పెర్ఫార్మన్స్ కంప్లీట్ అయ్యాక... ఆడిటోరియంలో ఉన్న ప్రముఖులు అందరూ నిలబడి మరీ చప్పట్లు కొట్టారు.  

 

13/03/2023 07:07:28

ఆస్కార్ వేదికపై 'నాటు నాటు...' పాడిన కాలభైరవ, రాహుల్ సిప్లిగంజ్

ఆస్కార్ స్టేజిపై 'నాటు నాటు...' పాటను కాలభైరవ, రాహుల్ సిప్లిగంజ్ పాడారు. దీపికా పదుకోన్ ఆ సాంగ్ లైవ్ పెర్ఫార్మన్స్ ముందు ఇంట్రడక్షన్ ఇచ్చారు. 

13/03/2023 07:03:05

'బ్లాక్ పాంథర్'కు కాస్ట్యూమ్స్ అవార్డు

బ్లాక్ సూపర్ హీరో సినిమా 'బ్లాక్ పాంథర్ : వాఖండ ఫరెవర్' సినిమాకు గాను రూత్ కేటర్ అవార్డు అందుకున్నారు. 101 ఏళ్ళ తన తల్లికి అవార్డును అంకితం ఇస్తున్నట్లు ఆమె వెల్లడించారు. 

13/03/2023 06:58:37

మేకప్ అండ్ హెయిర్ స్టైల్ ఎవరికి వచ్చిందంటే?

'ద వేల్' సినిమాకు గాను అడ్రిన్ మోరోట్, జూడీ చిన్, అన్నేమరీ బ్రాడ్లీ మేకప్ అండ్ హెయిర్ స్టైల్ విభాగంలో అవార్డు అందుకున్నారు.   

13/03/2023 06:37:25

ఉత్తమ ఛాయాగ్రహకుడిగా జేమ్స్ ఫ్రెండ్

'ఆల్ క్వీట్ ఆన్ ద వెస్ట్రన్ ఫ్రంట్' సినిమాకు గాను సినిమాటోగ్రాఫర్ జేమ్స్ ఫ్రెండ్ ఆస్కార్ అందుకున్నారు. 

13/03/2023 06:31:23

ఓ అవార్డులో ఇండియాకు నిరాశ

'డాక్యుమెంటరీ ఫీచర్ ఫిల్మ్' విభాగంలో navalny movie కి అవార్డు వచ్చింది. ఈ కేటగిరీలో ఇండియన్ డాక్యుమెంటరీ 'ఆల్ దట్ బ్రీత్స్' సైతం పోటీ పడింది. అయితే... నిరాశ ఎదురైంది. 

13/03/2023 06:29:34

'ఐరిష్ గుడ్ బై'కు అవార్డు

లైవ్ యాక్షన్ షార్ట్ ఫిల్మ్ విభాగంలో 'ఎన్ ఐరిష్ కాఫీ'కి ఆస్కార్ వచ్చింది.  

13/03/2023 06:10:51

ఉత్తమ సహాయ నటిగా జామీ లీ కర్టిస్

ఉత్తమ సహాయ నటి విభాగంలో ఈ ఏడాది జామీ లీ కర్టిస్ (Jamie Lee Curtis) అవార్డు అందుకున్నారు. 'ఎవిరీథింగ్ ఎవిరీవేర్ ఆల్ ఎట్ వన్స్' సినిమాకు పురస్కారం అందుకున్నారు.  

13/03/2023 06:05:45

ఉత్తమ సహాయ నటుడిగా కె హుయి క్వాన్

95వ ఆస్కార్ పురస్కారాల్లో ఉత్తమ సహాయ నటుడిగా కె హుయి క్వాన్ అవార్డు అందుకున్నారు. ఇప్పుడు 85 ఏళ్ళ తన తల్లి లైవ్ చూస్తుందని, ఈ అవార్డు ఆమెకు అంకితమని ఆయన చెప్పారు.    

13/03/2023 05:52:54

బెస్ట్ యానిమేషన్ ఫీచర్

యానిమేషన్ ఫీచర్ విభాగంలో గుల్ర్మో డెల్ టోరో తీసిన 'పినోకియో' అవార్డు అందుకుంది.  guillermo del toro's pinocchio

13/03/2023 05:47:08

స్టేజి మీద నాటు నాటు స్టెప్పులు

ఆస్కార్ అవార్డు వేడుక స్టార్టింగులో కొందరు డ్యాన్సర్లు 'నాటు నాటు...' స్టెప్పులు వేశారు. 

13/03/2023 05:12:30

ఒక్క ఫ్రేములో ఎన్టీఆర్, రామ్ చరణ్

ఎన్టీఆర్ అమెరికా వెళ్లినప్పటి నుంచి ప్రేక్షకుల్లో ఒక్కటే ప్రశ్న... రామ్ చరణ్, ఆయన కలిసి దిగిన ఫోటోలు రావడం లేదేంటి? అని! ఆస్కార్ అవార్డు వేడుకల్లో రాజమౌళితో కలిసి హీరోలు ఇద్దరూ ఫోటోలు దిగారు.   

13/03/2023 04:54:39

శోభు యార్లగడ్డతో రాజమౌళి

దర్శక ధీరుడు రాజమౌళి, ఆయన తనయుడు ఎస్.ఎస్. కార్తికేయ, 'బాహుబలి' నిర్మాత శోభు యార్లగడ్డ ఆస్కార్ అవార్డులకు ఇలా వెళ్లారు. 

13/03/2023 04:48:35

భారతీయత ఉట్టిపడేలా డ్రస్సింగ్

ఆస్కార్ వేడుకలో 'నాటు నాటు' సింగర్స్ గాయకులు కాల భైరవ, రాహుల్ సిప్లిగంజ్ కలిసి ఫోటోలకు ఫోజులు ఇచ్చారు.  

13/03/2023 04:42:37

ఉపాసనతో కలిసి రామ్ చరణ్

ఆస్కార్ రెడ్ కార్పెట్ మీద ఉపాసనతో కలిసి రామ్ చరణ్ నడిచారు. తన భార్యకు ఇస్తున్న బెస్ట్ గిఫ్ట్ ఇదని ఆయన చెప్పారు. ప్రస్తుతం ఉపాసన ఆరు నెలల గర్భవతి అని చెప్పారు. 

13/03/2023 04:34:00

ఎన్టీఆర్ లుక్ చూశారా?

యంగ్ టైగర్ ఎన్టీఆర్ రాయల్ లుక్ లో ఆస్కార్ వేడుకలకు వెళ్ళారు. ఆయన బ్లాక్ కలర్ షేర్వాణీ ధరించారు. దానికి టైగర్ డిజైన్ ఉండటం గమనార్హం.