Samantha Kushi poster: మరి దీన్ని ఏమంటారు సమంతా? ‘ఖుషీ’లోని ఆ సీన్‌పై ట్రోలింగ్ - సామ్ ఓల్డ్ ట్వీట్ వైరల్!

విజయ్ దేవరకొండ, సమంత కలిసి నటిస్తున్న తాజా చిత్రం ‘ఖుషి’. ఈ సినిమా నుంచి తాజాగా ‘ఆరాధ్య’ అనే లిరికల్ సాంగ్ విడుదల చేశారు. ఈ పాటను చూసి నెటిజన్లు సమంతను ఓ రేంజిలో ట్రోల్ చేస్తున్నారు.

టాలీవుడ్ యంగ్ హీరో విజయ్ దేవరకొండ, సౌత్ స్టార్ హీరోయిన్ సమంత జంటగా నటిస్తున్న చిత్రం 'ఖుషి'.  డైరెక్టర్ శివ నిర్వాణ ఈ సినిమాను తెరకెక్కిస్తున్నారు. రొమాంటిక్ లవ్ ఎంటర్టైనర్ గా రూపొందుతున్న ఈ మూవీ మైత్రీ మూవీ మేకర్స్ బ్యానర్ లో నిర్మాణం జరుపుకుంటోంది. ప్రస్తుతం పోస్ట్ ప్రొడక్షన్ పనులు జరుగుతున్నాయి. ఈ ఏడాది సెప్టెంబర్ లో ఈ సినిమా పలు భాషల్లో విడుదలకానుంది.

సమంతకు కొత్త పాట తలనొప్పులు

తాజాగా ఈ సినిమా నుంచి ‘ఆరాధ్య’ అనే లిరికల్ సాంగ్ విడుదల చేశారు మేకర్స్. ఇందులో విజయ్, సమంత కెమిస్ట్రీ బాగా పండింది. పిక్చరైజేషన్, లిరిక్స్, ట్యూన్స్ చాలా బాగున్నాయి.  ఇప్పటికే 'నా రోజా నువ్వే' పాటకు మంచి స్పందన రాగా, ఈ పాట కూడా నెటిజన్లను బాగా ఆకట్టుకుంటోంది. అయితే, ఈ పాటలోని ఓ సీన్ సమంతకు తలనొప్పులు తెచ్చిపెట్టింది. గతంలో ఆమె చేసిన ఓ ట్వీట్ కు ఈ పాటలోని ఓ పోస్టర్ కు లింకు పెడుతూ నెటిజన్లు తీవ్ర స్థాయిలో ట్రోలింగ్ చేస్తున్నారు.    

సమంతపై ట్రోలింగ్ ఎందుకు?

'ఆరాధ్య' అంటూ ‘ఖుషి’ సినిమా నుంచి వచ్చిన ఈ పాటలో ఓ చోట సమంత కుడి చేతిని విజయ్ దేవరకొండ కాలితో తన్నే ఒక సీన్ ఉంది. ఆ సీన్‌ను బేస్ చేసుకుని కొందరు నెటిజన్లు సమంతను ట్రోల్ చేస్తున్నారు. నిజానికి సమంత గతంలో ఓ సినిమాపై చేసిన ట్వీట్ ని బయటకు తీశారు. అందులో.. “ఇంకా రిలీజ్ కానీ ఓ సినిమా పోస్టర్ చూశాను. నా మనోభావాలు ఘోరంగా దెబ్బతిన్నాయి” అని రాసుకొచ్చింది. అయితే అది 'వన్- నేనొక్కడినే' పోస్టర్. అందులో మహేష్ కాళ్ల దగ్గర హీరోయిన్ ఉన్నట్లు చూపిస్తారు. ఇప్పుడు ఆ ఫొటోని, 'ఖుషి' ఫొటోని పక్కపక్కన పెట్టి ట్రోల్ చేస్తున్నారు. ఖర్మ ఫలితం అంటే ఇలాగే ఉంటుంది అంటూ నెటిజన్లు దారుణంగా విమర్శిస్తున్నారు.

‘ఖుషీ’ సినిమా సెప్టెంబర్ 1న వరల్డ్ వైడ్ గా గ్రాండ్ గా విడుదల చేయనున్నట్లు మేకర్స్ అధికారికంగా ప్రకటించారు. ఇప్పటికే ఈ చిత్రం నుంచి ఇప్పటి వరకూ బయటకి వచ్చిన టైటిల్ పోస్టర్లు, లిరికల్ సాంగ్స్ ఆకట్టుకున్నాయి. నవీన్ ఎర్నేని - వై రవిశంకర్ నిర్మిస్తున్న ఈ సినిమాకి 'హృదయం' ఫేమ్ హేషమ్ అబ్దుల్ వహాబ్ సంగీతం సమకూరుస్తున్నారు. జి మురళి సినిమాటోగ్రఫీ అందిస్తుండగా.. ప్రవీణ్ పూడి ఎడిటర్ గా వర్క్ చేస్తున్నారు. పీటర్ హెయిన్ యాక్షన్ కంపోజ్ చేస్తున్నారు. 

 

సినిమాలకు కొంత కాలం బ్రేక్

సమంత చేతిలో ప్రస్తుతం 'ఖుషి' సినిమాతో పాటు 'సిటాడెల్' వెబ్ సిరీస్ మాత్రమే ఉంది. ఈ రెండింటి షూటింగ్స్ పూర్తయ్యాయి. ఈ నేపథ్యంలో తన ఆరోగ్యంపై సమంత ఫుల్ ఫోకస్ పెట్టింది. ఆరు నెలల పాటు సినిమాలకు విరామం ఇచ్చి అమెరికాలో ట్రీట్మెంట్ తీసుకోవాలని భావిస్తోంది.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial