ప్రముఖ తెలుగు సినీ హీరో, ఎమ్మెల్యే నందమూరి బాలకృష్ణకు కరోనా సోకింది. కరోనా వైరస్ పరీక్షల్లో పాజిటివ్ రావడంతో ఆయన హోం ఐసోలేషన్‌కు వెళ్లారు. అయితే ఎటువంటి లక్షణాలు లేవని, పూర్తి ఆరోగ్యంతో ఉన్నానని బాలయ్య పేర్కొన్నారు. గత రెండు రోజులుగా తనను కలిసిన వారు కూడా కరోనా పరీక్షలు చేయించుకోవాల్సిందిగా ఆయన కోరారు.
ఇటీవలే తెలుగు ఇండియన్ ఐడల్ కార్యక్రమంలో ఆయన పాల్గొన్నారు. #NBK107 సినిమా షూటింగ్ కూడా మరోవైపు జోరుగా సాగుతోంది. ఆహాలో సక్సెస్ ఫుల్ టాక్ షో ‘అన్‌స్టాపబుల్ విత్ ఎన్‌బీకే’కు కూడా రెండో సీజన్ ప్రకటించారు. అలాగే జూన్ 10వ తేదీన ఆయన పుట్టిన రోజు సందర్భంగా అనిల్ రావిపూడి దర్శకత్వంలో #NBK108 చిత్రాన్ని కూడా అధికారికంగా ప్రకటించారు. ఈ నేపథ్యంలో ఆయన త్వరగా కోలుకోవాలని ఫ్యాన్స్ కోరుకుంటున్నారు.