Naga Chaitanya Sobhita Dhulipala Marriage: టాలీవుడ్ యువ సామ్రాట్ అక్కినేని నాగ చైతన్య, ప్రముఖ హీరోయిన్ శోభిత ధూళిపాళ వివాహం అంగరంగ వైభవంగా జరిగింది. బుధవారం (డిసెంబర్ 4వ తేదీ) రాత్రి పెద్దల సమక్షంలో వీరిద్దరూ ఒక్కటయ్యారు. వీరిద్దరికీ ఆగస్టులో నిశ్చితార్థం జరిగింది. ఇప్పుడు నాలుగు నెలల తర్వాత ఘనంగా వివాహం జరిగింది. పెళ్లికి సంబంధించిన ఫొటోలను అధికారికంగా సోషల్ మీడియాలో విడుదల చేశారు.
నాగార్జున ఎమోషనల్ ట్వీట్...
ఈ సందర్భంగా నాగార్జున ఒక ఎమోషనల్ ట్వీట్ చేశారు. ఆ ట్వీట్‌లో ‘శోభిత, నాగచైతన్య తమ జీవితంలో కొత్త అధ్యాయాన్ని కలిసి ప్రారంభించడం నాకు స్పెషల్, ఎమోషనల్ మూమెంట్. నేను ఎంతగానో ఇష్టపడే చైకి కంగ్రాట్స్. అలాగే మా కుటుంబంలోకి శోభితకు స్వాగతం. నువ్వు ఇప్పటికే మా జీవితాల్లో ఎంతో ఆనందాన్ని తెచ్చావు. అక్కినేని నాగేశ్వరరావు శతజయంతి ఉత్సవాలు జరిగిన సంవత్సరంలో ఆయన విగ్రహం ముందు ఈ వేడుకలు జరగడం వీటికి మరింత లోతైన అర్థాన్ని తీసుకు వచ్చాయి. ఈ ప్రయాణంలో జరిగే ప్రతి అడుగులో ఆయన ప్రేమ, గైడెన్స్ ఉంటాయని అనిపిస్తుంది. ఈరోజు అందిన లెక్కలేని ఆశీస్సులకు నా ధన్యవాదాలు.’ అని అందులో పేర్కొన్నారు.