అక్కినేని నాగ చైతన్య గురించి పెద్దగా పరిచయం అవసరం లేదు. మంచి సినీ ఫ్యామిలీ నుంచి వచ్చిన ఆయన హీరోగా తనను తాను ఫ్రూవ్ చేసుకునేందుకు ప్రయత్నిస్తూనే ఉన్నాడు. ఆయన నటించిన సినిమాల్లో కొన్ని సక్సెస్ కొట్టినా, ఇప్పటికీ ఆయనకు అనుకున్న స్థాయిలో సాలిడ్ హిట్ పడలేదనే చెప్పుకోచ్చు. సినీ జీవితంతో పోల్చితే ఆయన వ్యక్తిగత జీవితం ద్వారానే బాగా వార్తల్లో నిలిచాడు. ‘ఏమాయ చేసావె’ సినిమాలో తనతో పాటు హీరోయిన్ గా చేసిన సమంతతో ప్రేమలో పడి పెళ్లి చేసుకున్నాడు. కొంత కాలం సంసారం సాఫీగానే జరిగినా, ఆ తర్వాత ఇద్దరి మధ్యలో విభేదాలు వచ్చాయి. ఆ తర్వాత విడిపోతున్నట్లు ప్రకటించారు. విడాకుల తర్వాత సమంత, నాగ చైతన్య ఎవరికి వారు తమ తమ సినిమాల్లో బిజీ అయిపోయారు.


గత కొంత కాలంగా నాగ చైతన్య, శోభిత ధూళిపాళతో రిలేషన్‌షిప్‌లో ఉన్నట్లు వార్తలు వినిపిస్తున్నాయి. అంతేకాదు, సమంతతో విడాకుల తర్వాత చై చాలా బాధలో మునిగిపోయినట్లు ఊహాగానాలు వచ్చాయి. తాజాగా ఈ వార్తలపై నాగ చైతన్య స్పందించాడు. సమంతతో విడాకుల తర్వాత జీవితం ఎలా ఉంది? శోభితతో రిలేషన్ షిప్ గురించి కీలక విషయాలు వెల్లడించాడు.  


నాకే పశ్చాత్తాపం లేదు, దాని గురించి తెలియదు - నాగ చైతన్య


ఇటీవల తన తమ్ముడు అఖిల్ కు సంబంధించిన ‘ఏజెంట్’ సినిమా గురించి ఓ యూబ్యూబ్ ఛానెల్ కు చై ఇంటర్వ్యూ ఇచ్చాడు. ఇందులో సమంతతో విడాకుల తర్వాత ఎమైనా పశ్చాత్తాపానికి గురయ్యారా? అనే ప్రశ్నకు ఆసక్తికర సమాధానం చెప్పాడు. "నా జీవితంలో ఎటువంటి పశ్చాత్తాపాలు లేవు. ప్రతిదీ ఒక పాఠం మాత్రమే” అని వివరించారు. అటు సమంతతో విడిపోయిన తర్వాత శోభితతో రిలేషన్ షిప్ లో ఉన్నట్లు వస్తున్న వార్తల గురించి కూడా స్పందించాడు. “దాని గురించి నాకేం తెలియదు” అని వెల్లడించారు. ‘ఏజెంట్’ సినిమా గురించి మాత్రమే మాట్లాడతానని వివరించాడు.


కెమెరాలకు చిక్కిన చైతన్య, శోభిత


తాజాగా లండన్ లో నాగ చైతన్య, శోభిత ధూళిపాళ దిగిన ఫోటో నెట్టింట్లో వైరల్ అయ్యింది.  అక్కడ నాగ చైతన్య ఒక చెఫ్ పక్కన పోజులిస్తుండగా, శోభిత తన ముఖాన్ని కెమెరాకు కపపడకుండా జాగ్రత్తలు తీసుకుంది. వీరిద్దరూ గత ఆరు నెలలుగా రిలేషన్‌షిప్‌లో ఉన్నట్లు సమాచారం. అయితే, ఈ జంట మాత్రం ఈ విషయాన్ని ధృవీకరించలేదు. గతంలోనూ రెండు మూడు సార్లు ఇద్దరు కలిసి ఉన్న ఫోటోలు నెట్టింట్లో వైరల్ గా మారాయి.


ఇక ప్రస్తుతం నాగ చైతన్య, శోభిత ఎవరికి వారు సినిమాలతో బిజీగా ఉన్నారు.  నాగ చైతన్య చివరి సారిగా  ‘లాల్ సింగ్ చద్దా’లో కనిపించాడు. ఈ సినిమా బాక్సాఫీస్ దగ్గర డిజాస్టర్ గా మిగిలింది.  శోభిత  తాజా విడుదలైన మణిరత్నం మూవీ  ‘పొన్నియిన్ సెల్వన్ 2’తో నటించింది. ఈ సినిమా దేశ వ్యాప్తంగా పాజిటివ్ టాక్‌తో దూసుకెళ్తోంది.


Read Aslo:  ‘విమానం’ నుంచి సరికొత్త అప్ డేట్, మే డే సందర్భంగా అనసూయ స్టన్నింగ్ లుక్ రివీల్!