కొరటాల శివ తన కెరీర్‌లో దాదాపు అన్నీ బ్లాక్ బస్టర్స్ ఇచ్చాడు. మిర్చి నుంచి మొదలుకొని తన బ్రాండ్ మార్క్‌తో ముందుకు వెళ్తూ వచ్చాడు. అయితే కొరటాల సక్సెస్ కెరీర్‌కు ఆచార్య అడ్డు కట్ట వేసింది. ఆచార్య మూవీ భారీ స్థాయిలో అంచనాలు ఏర్పడ్డాయి. మెగాస్టార్ చిరంజీవి, గ్లోబల్ స్టార్ రామ్ చరణ్ కలిసి నటించడంతో అంచనాలు తారా స్థాయికి వెళ్లాయి. వాటికి తగ్గట్టుగా సినిమా లేకపోవడంతో బాక్సాఫీస్ వద్ద బోల్తా కొట్టేసింది. కర్ణుడి చావుకు వంద కారణాలున్నట్టు... ఆచార్య ఫ్లాప్‌కు ఎన్నో కారణాలు ఉన్నాయని చెప్పొచ్చు.
కొరటాల శివ తన 'ఆచార్య' కథను పూర్తిగా మార్చేశాడని ఓ టాక్. అసలు ఆ కథ కూడా కొట్టేసిందే అనే చర్చ కూడా జరిగింది. తాను చెప్పిన కథను అటూ ఇటూ మార్చి ఆచార్యగా తీస్తున్నారంటూ రాజేష్ అనే రచయిత రచ్చ చేసిన సంగతి తెలిసిందే. తనకు జరిగిన అన్యాయం గురించి చెబుతూ మీడియా చుట్టూ రాజేష్ తిరిగాడు. ఆయన చెప్పిన పాయింట్‌ను బేస్ చేసుకునే కొరటాల ఆచార్య కథను అల్లినట్టుగా అనిపిస్తుంది. ఇక ఈ కాపీ విమర్శలు వస్తాయని అనుకున్నాడో ఏమో.. బాగానే మార్పులు చేర్పులు చేసినట్టు అనిపిస్తుంది. ఇక చిన్నగా గెస్ట్ మాదిరి ఉన్న రోల్‌ను రామ్ చరణ్ కోసం సాగదీసినట్టుగా కనిపిస్తుంది. ఇవన్నీ రచయితగా కొరటాల శివ లోపాలని విమర్శించినా వ్యక్తులు ఉన్నారు.
చివరకు హీరోయిన్‌గా పెట్టుకున్న కాజల్ పార్ట్‌ని కూడా లేపేశారు. ఇలా ఆచార్య చిత్రానికి సంబంధించి కొరటాల చాలానే మిస్టేక్స్ చేశాడు. మేకింగ్ మాత్రమే కాకుండా బిజినెస్ మీద కూడా ఫోకస్ పెట్టాడు కొరటాల. ఆచార్య ఫ్లాప్ తరువాత చాలా మంది అది మెగా కాంపౌండ్ వల్లే ఫ్లాప్ అయిందని, కొరటాలను డైరెక్షన్ చేయనివ్వలేదని విమర్శించారు. కానీ ఇప్పుడు దేవర ట్రైలర్ చూస్తే మ్యాటర్ మళ్లీ మొదటికి వచ్చినట్టు అనిపిస్తుంది. దేవర ట్రైలర్ చూస్తుంటే ఆచార్య సినిమా గుర్తుకు వస్తుందని కొందరు కామెంట్స్ చేస్తున్నారు.
'ఆచార్య'లో వాడిన డైలాగ్స్, థీమ్, షాట్స్, ఫ్రేమ్స్ అన్నీ కూడా 'దేవర'లో కనిపించాయని విజువల్స్ తీసి మరీ సోషల్ మీడియాలో షేర్స్ చేస్తున్నారు. . చూస్తుంటే దేవర ఫలితం తేడా కొట్టేలా ఉందని నెగిటివ్ కామెంట్స్ చేస్తున్నారు. ట్రైలర్ మీద జరుగుతున్న ట్రోలింగ్ ప్రస్తుతం అందరికీ తెలిసిందే.
Also Read: జాన్వీ కపూర్ కట్టిన చీర రేటు ఎంతో తెలుసా? ఇయర్ రింగ్స్ 13 లక్షలు ఏంటి బాసూ!
'దేవర' ట్రైలర్ లాంచ్ ఈవెంట్‌లో ముంబైలోని మీడియాతో ఎన్టీఆర్ కొరటాల జర్నీ గురించి చెప్పారు. ''కొరటాల తన కెరీర్‌లో బ్లాక్ బస్టర్స్ ఇస్తూనే వచ్చాడు.. సరైన స్పేస్.. సరైన మనుషులు కొరటాల చుట్టూ ఉంటే బ్లాక్ బస్టర్ ఇస్తాడు'' అని ఎన్టీఆర్ అన్నాడు. అంటే మెగాస్టార్ చిరంజీవి, రామ్ చరణ్ సరైన వ్యక్తులు కాదా? నీ ఉద్దేశం ఏంటి? ఎన్టీఆర్ మీద మెగా ఫ్యాన్స్ మండి పడుతున్నారు. ప్రస్తుతం ఎన్టీఆర్ మాటలు అయితే నెట్టింట్లో మంటలు పెట్టేసేలా ఉన్నాయి.
Also Read: షాక్ ఇచ్చిన రష్మిక... నెల తర్వాత తీరిగ్గా యాక్సిడెంట్, రికవరీ గురించి రివీల్ చేసిందిగా