యువ కథానాయకుడు కిరణ్ అబ్బవరం (Kiran Abbavaram) కష్టానికి తగ్గ ఫలితం లభించింది. విమర్శకుల నుంచి 'క' (KA Movie) చిత్రానికి ప్రశంసలు వస్తున్నాయి. పెయిడ్ ప్రీమియర్స్ నుంచి పాజిటివ్‌ రివ్యూలతో పాటు సోషల్ మీడియాలో సూపర్ హిట్ టాక్ వచ్చింది. ఈ విజయోత్సాహంలో సీక్వెల్ అతి త్వరలో సెట్స్ మేరకు వెళ్లే అవకాశాలు కనబడుతున్నాయి. మరి, ఆ సెకండ్ పార్ట్ టైటిల్ ఏమిటో తెలుసా? 


'క' సీక్వెల్ టైటిల్ ఏమిటంటే??
KA 2 Movie: 'క' సీక్వెల్ గురించి చెప్పే ముందు... అసలు 'క' అంటే ఏమిటో అర్థం చెప్పాలి. 'క' అంటే అంతరాత్మ అని సినిమా పతాక సన్నివేశాలలో హీరో కిరణ్ అబ్బవరం పాత్రతో క్లారిటీ ఇచ్చారు. మరి, ఈ సినిమాలో అంతరాత్మ ప్రాముఖ్యం ఏమిటి? అంతరాత్మ ఏం చేసింది? అనేది తెలుసుకోవాలంటే దీపావళి సందర్భంగా థియేటర్లలో విడుదలైన క సినిమా చూడక తప్పదు. 


KA Movie Sequel: 'క' చిత్రానికి సీక్వెల్ ఉంటుందని థియేటర్లలో అనౌన్స్ చేశారు. ఎండ్ కార్డ్స్ ముందు 'క' రెండో పార్ట్ గురించి తెలిపారు. ఆ సినిమా టైటిల్ ఏమిటో తెలుసా? 'క: ది సోల్' (KA The Soul). మొదటి పార్ట్ లో అంతరాత్మ ఆడియన్స్ అందరినీ ఎంటర్టైన్ చేసింది. మరి రెండో పార్టులో ఆ అంతరాత్మ (సోల్) ఏం చేస్తుందో చూడాలి.


కిరణ్ అబ్బవరం హిట్ కొట్టినట్లే!
'క' ప్రీ రిలీజ్ వేడుకలు కిరణ్ అబ్బవరం ఎమోషనల్ అయ్యారు. తన తల్లి కూలి పనులు చేసి తమను చదివించిందని, ఒక దశ తర్వాత విదేశాలు వెళ్లి ఉద్యోగం చేసి తమను ఉన్నత స్థాయికి తీసుకు వచ్చిందని, ఎటువంటి నేపథ్యం లేకుండా సినిమాల్లోకి వచ్చిన తాను నాలుగేళ్లలో ఎనిమిది సినిమాలు చేశానని, తనలాంటి ఒక వ్యక్తి థియేటర్ వరకు సినిమాలను తీసుకురావడం పెద్ద సక్సెస్ అని చెప్పారు. తన మీద పట్ల రావడం పట్ల ఆయన ఆవేదన వ్యక్తం చేశారు. తనలాంటి వాడు ఎదగడం తప్పా? తనతో ప్రాబ్లం ఏమిటి? అని సూటిగా ప్రశ్నించారు.


Also Read: మహేష్ ఇంట దీపావళి సందడి... పట్టు పరికిణీలో సితార పాపను చూశారా?



కిరణ్ అబ్బవరం ఆవేదన ప్రేక్షకులు అర్థం చేసుకున్నారు. సినిమా సినిమాకు కష్టపడుతున్న అతడికి ఒక హిట్ పడితే చూడాలని కోరుకున్నారు. ఆ విజయం 'క' సినిమాతో లభించింది. రూల్స్ రంజన్, మీటర్ వంటి సినిమాలో ప్రేక్షకులను తీవ్రంగా నిరాశ పరచుగా... ఈ దీపావళి సందర్భంగా థియేటర్లలోకి వచ్చిన 'క' మంచి పేరు తెచ్చుకుంది.


'క' పతాక సన్నివేశాలకు ప్రశంసలు
'క' సినిమా అంతా ఒక ఎత్తు బతక సన్నివేశాలు చివరి 15 నిమిషాలు మరొక ఎత్తు అని విమర్శకులతో పాటు ప్రేక్షకుల సైతం చెబుతున్నారు. 'క' సినిమాలో క్లైమాక్స్ గురించి ప్రతి ఒక్కరూ మాట్లాడుతున్నారు ఈ మధ్య కాలంలో, ఆ మాటకు వస్తే తెలుగు సినిమాల్లో ఈ తరహా క్లైమాక్స్ ఇప్పటివరకు చూడలేదని కాంప్లిమెంట్స్ ఇస్తున్నారు. ఉమెన్ ట్రాఫికింగ్ నేపథ్యంలో కిరణ్ అబ్బవరం కొత్త కథ చెప్పే ప్రయత్నం చేశారు. దానికి మంచి ప్రశంసలు లభిస్తున్నాయి. ట్విస్టులతో కూడిన న్యూ ఏజ్ సినిమా తీశారని సోషల్ మీడియా అంతా హోరెత్తిపోతుంది. దీపావళి కనుక ఈ సినిమాకు మంచి వసూళ్లు వచ్చే అవకాశం ఉంది.


Also Read: కిరణ్ అబ్బవరంను ట్రోల్ చేసిన సినిమా ఇదే... సారీ చెప్పిన ప్రొడ్యూసర్స్