ప్రస్తుతం టాలీవుడ్ (Tollywood Weddings 2026)లో పెళ్లి బాజాలు ఎక్కువగా మోగుతున్నాయి. విజయ్ దేవరకొండ - రష్మికా మందన్నా వివాహం... అల్లు శిరీష్ - నయనికా రెడ్డి మ్యారేజీలతో తెలుగు సినిమా ఇండస్ట్రీలో పెళ్లి సందడి మొదలైంది. బెల్లంకొండ శ్రీనివాస్, కావ్యల రోకా ఈవెంట్ కూడా బాగా హైలెట్ అయింది. వాళ్ళు కాకుండా మరో జంట కూడా పెళ్లి పీటలు ఎక్కేందుకు రెడీ అవుతున్నట్టుగా సమాచారం.
త్వరలో ఆస్కార్ విన్నర్ ఎంఎం కీరవాణి తనయుడు కాలభైరవ (Music Director Kalabhairava), కావ్య కళ్యాణ్ రామ్ (Kavya Kalyanram) నిశ్చితార్థం చేసుకుని, పెళ్లి పీటలు ఎక్కుతారని గత కొన్ని రోజులుగా వార్తలు చక్కర్లు కొడుతున్న సంగతి తెలిసిందే. అయితే వీటిపై ఇంత వరకు ఎలాంటి ఖండన గానీ, క్లారిటీ గానీ రాలేదు.
తాజాగా కాలభైరవ, కావ్య కళ్యాణ్ రామ్ కలిసి కనిపించారు. ఓ బుక్ లాంచ్ ఈవెంట్లో జంటగా కలిసి కనిపించారు. దీంతో ఎంగేజ్మెంట్, పెళ్లి వార్తలు వైరల్ అవుతున్నాయి. ఇంత వరకు ఇద్దరూ ఎక్కడా కూడా తమ ప్రేమ విషయాన్ని ప్రకటించలేదు. పెళ్లికి సంబంధించిన వివరాల్ని కూడా బయటకు రానివ్వలేదు. కానీ ఇలా పెళ్లి వార్తలు వైరల్ అవుతున్న సమయంలో కలిసి కనిపించడంతో ఒక్కసారిగా అందరి దృష్టి అటు వైపు పడింది.
చైల్డ్ ఆర్టిస్ట్గా ఎంట్రీ ఇచ్చిన కావ్య కళ్యాణ్ రామ్కి ‘మసూద’, ‘బలగం’తో మంచి విజయం దక్కింది. ఇక ఆ తర్వాత మళ్లీ కావ్యకి సరైన ఆఫర్ గానీ, అవకాశం గానీ దక్కలేదు. ఇక కాలభైరవ తన సంగీతంతో దూసుకుపోతోన్నాడు. చాలా సెలెక్టెడ్గా సినిమాల్ని ఎంచుకుంటున్నాడు. చివరగా ‘మృత్యుంజయ్’సినిమాలో ఆర్ఆర్తో అందరినీ ఆశ్చర్యపరిచాడు.
కెరీర్ పరంగా ఇద్దరూ ప్రస్తుతం కాస్త బ్రేక్ తీసుకునే మూడ్లోనే ఉన్నట్టుగా కనిపిస్తోంది. చూస్తుంటే త్వరలోనే పెళ్లికి సంబంధించి అధికారిక ప్రకటన వచ్చేలా కనిపిస్తోంది. మరి ఈ జంట కలిసికట్టుగా ఉన్న విజువల్స్ అయితే నెట్టింట్లో బాగానే ట్రెండ్ అవుతున్నాయి. కీరవాణి ఫ్యామిలీకి సంబంధించి ఆల్రెడీ శ్రీ సింహ పెళ్లి గత ఏడాది ఘనంగా జరిగిన సంగతి తెలిసిందే.