Justin Bieber At Anant Ambani Sangeet Ceremony: ఈమధ్యకాలంలో అంబానీ ఫ్యామిలీ ఏం చేసినా అదొక సెన్సేషన్‌గా మారిపోతుంది. ముఖ్యంగా అనంత్ అంబానీ, రాధిక మర్చంట్‌ల ప్రీ వెడ్డింగ్ వేడుకల గురించి దేశమంతా మాట్లాడుకునేలా నిర్వహిస్తున్నారు. వీరి ప్రీ రిలీజ్ వేడుకల కోసం దేశవ్యాప్తంగా మాత్రమే కాదు ప్రపంచవ్యాప్తంగా ఉన్న పాపులర్ సెలబ్రిటీలను ఇండియాకు తీసుకొస్తున్నారు ముకేశ్ అంబానీ. అందులో భాగంగానే తాజాగా జరిగిన సంగీత్ వేడుకల కోసం హాలీవుడ్ పాప్ సింగర్ జస్టిన్ బీబర్‌ను రంగంలోకి దించారు. ఆ సంగీత్ నుంచి పలు ఫోటోలు వైరల్ కాగా జస్టిన్ బీబర్‌పై ట్రోల్స్ మొదలయ్యాయి. దానికి కారణం తన ఫ్యాషన్ సెన్స్.
ఫ్యాషన్ సెన్స్ లేదా.?
అనంత్ అంబానీ, రాధిక మర్చంట్ ప్రీ వెడ్డింగ్ వేడుకలో పాల్గొనడం కోసం జస్టిన్ బీబర్.. ముంబాయ్‌లో అడుగుపెట్టాడు. తాజాగా ముంబాయ్‌లోని జియో కన్వెన్షనల్ సెంటర్‌లో సంగీత్ వేడుకలు ఘనంగా జరిగాయి. ఈ సంగీత్‌లో పర్పార్మ్ చేయడం కోసం జస్టిన్ బీబర్.. 10 మిలియన్ డాలర్లు ఛార్జ్ చేశాడని గత కొన్నిరోజులుగా సోషల్ మీడియాలో వార్తలు వైరల్ అవుతున్నాయి. అంటే ఇండియన్ కరెన్సీలో దాదాపుగా రూ.83 కోట్లు. దానికి తగినట్టుగా తన పాటల్లోని కొన్ని బెస్ట్ సాంగ్స్‌ను సంగీత్‌లో పర్ఫార్మ్ చేశాడు జస్టిన్ బీబర్. ఈ పాటలను అందరూ ఎంజాయ్ చేసినా.. తన ఫ్యాషన్ సెన్స్ గురించి మాత్రం ట్రోల్స్ మొదలయ్యాయి.
ఫన్నీ కామెంట్స్..
అనంత్ అంబానీ సంగీత్ వేడుకలో బనియన్, షార్ట్స్, అండర్‌వేర్‌తోనే పర్ఫార్మ్ చేశాడు జస్టిన్ బీబర్. 10 మిలియన్ డాలర్లు తీసుకున్నప్పుడు కనీసం మంచి బట్టలు వేసుకోవచ్చు కదా అంటూ నెటిజన్లు ట్రోల్ చేయడం మొదలుపెట్టారు. కేవలం చడ్డీ బనియన్‌లో కనిపించడం కోసం ఈ మనిషికి అన్ని కోట్లు ఇస్తున్నారా. దేనికైనా రాసిపెట్టి ఉండాలి అంటూ ఒక నెటిజన్ కామెంట్ చేశారు. ఈ రూ.50 షార్ట్ కోసం రూ.83 కోట్లు రెమ్యునరేషన్ తీసుకున్నాడా అని మరొక నెటిజన్ కామెంట్ చేశారు. అలా సోషల్ మీడియా అంతా జస్టిన్ బీబర్ లుక్ గురించే మాట్లాడుకోవడం మొదలుపెట్టారు. కానీ సంగీత్‌కు అటెండ్ అయిన సెలబ్రిటీలు మాత్రం తాము జస్టిన్ బీబర్ పర్ఫార్మెన్స్‌ను బాగా ఎంజాయ్ చేశామంటూ సోషల్ మీడియాలో సంతోషం వ్యక్తం చేస్తున్నారు.
Also Read: అనంత్ అంబానీ వాచ్ విలువ తెలిస్తే కళ్లు తేలేస్తారు, ప్రపంచం మొత్తం మీద 30 మాత్రమే ఉన్నాయట