Jaya Bachchan: బాలీవుడ్ బిగ్ బీ అమితాబ్ బచ్చన్ భార్య జయా బచ్చన్ కూడా ఆమె ప్రవర్తన ద్వారా, చేసే కామెంట్స్ ద్వారా నిరంతరం వార్తల్లో నిలుస్తుంటారు. తాజాగా మోడర్న్ కల్చర్‌పై జయా చేసిన వ్యాఖ్యలు మరోసారి వైరల్ అవుతున్నాయి. జయా బచ్చన్ మనవరాలు నవ్య నవేలీ నందా.. ఇటీవల ‘ది ఆర్చీస్’ అనే నెట్‌ఫ్లిక్స్ ఒరిజినల్ వెబ్ ఫిల్మ్‌తో నటిగా ప్రేక్షకుల ముందుకు వచ్చింది. కానీ దానికంటే ముందే ‘వాట్ ది హెల్ నవ్య’ అనే పోడ్కాస్ట్‌తో ఫ్యాన్స్‌కు దగ్గరయ్యే ప్రయత్నాలు మొదలపెట్టింది. ఇప్పటికే ఈ పోడ్కాస్ట్‌లో మొదటి సీజన్ పూర్తవ్వగా రెండో సీజన్‌లోని మొదటి ఎపిసోడ్ కోసం బచ్చన్ ఫ్యామిలీ లేడీస్‌ను ఆహ్వానించింది.
కాలంతో పాటు మారుతున్నారు..
జయా బచ్చన్, శ్వేతా బచ్చన్, నవ్య.. ఈ ముగ్గురు కలిసి ‘వాట్ ది హెల్ నవ్య’ పోడ్కాస్ట్ కోసం కలవడం ఫ్యాన్స్‌లో ఆసక్తి కలిగించింది. ముఖ్యంగా ఈ పోడ్కాస్ట్‌లో మోడర్న్ వరల్డ్‌లో ఆడవారిని ఎదురవుతున్న సమస్యల గురించి, పరిస్థితుల గురించి వీరు మాట్లాడారు. ఈ ముగ్గురితో పాటు నవ్య సోదరుడు అగస్త్య కూడా ఈ పోడ్కాస్ట్‌లో పాల్గొన్నాడు. తను కూడా మగవారు కాలంతో పాటు ఎలా మారుతున్నారో చెప్పుకొచ్చాడు. అలా డేట్కు వెళ్లినప్పుడు బిల్ ఎవరు కట్టాలి అనే విషయంపై వారి చర్చ మొదలయ్యింది. దీనిపై జయా బచ్చన్ తన అభిప్రాయాన్ని బయటపెట్టారు. మగవారే బిల్ కట్టాలి అని ఎప్పటినుండో వస్తున్న రూల్ గురించి ఆమె మాట్లాడారు.
అది మంచితనం మాత్రమే..
‘‘ఫెమినిజం అనేది వచ్చిన తర్వాత ఆడవారు మరింత ధృడంగా మారారు. అందుకే చాలా పనులు ఎవరి సాయం లేకుండా చేయాలనుకుంటున్నారు. ఉదాహరణకు ఎవరైనా అమ్మాయిని డేట్కు తీసుకెళ్లి అబ్బాయే బిల్ కట్టాలి అనుకుంటే అది వారికి నచ్చడం లేదు. వారు ఒప్పుకోవడం లేదు. ఎందుకంటే వారు కూడా సమానమే అనుకుంటున్నారు’’ అంటూ నవ్య నవేలి చెప్తుండగానే.. జయా బచ్చన్ మధ్యలో జోక్యం చేసుకొని ‘‘ఈ అమ్మాయిలు అసలు ఎంత తెలివి తక్కువవారు. అబ్బాయిలను బిల్ కట్టనివ్వాలి’’ అని తన అభిప్రాయం వ్యక్తం చేసింది. ఇక అబ్బాయిలు బిల్ కడతామని చెప్పడంలో తప్పు లేదని, మంచితనంతో మాత్రమే అలా అంటారు కానీ వారు గొప్ప, మీరు తక్కువ అనే ఉద్దేశ్యంతో అలా ఆఫర్ చేయరు అని అగస్త్య తన అభిప్రాయాన్ని చెప్పుకొచ్చారు.
అలా చేయడమే బెటర్..
ఇక మునుపటి రోజులతో పోలిస్తే మగవారిలో ఎలాంటి మార్పులు వచ్చాయో శ్వేతా బచ్చన్ తెలిపింది. ‘‘మగవారు బలంగా ఉండాలి, సైలెంట్‌గా ఉండాలి అనే ముఢనమ్మకం ఉండేది. డేటింగ్ చేస్తున్నప్పుడు కూడా ముందు అబ్బాయే వచ్చి ప్రపోజ్ చేయాలి అని ఉండేది. నాకు అది నచ్చేది. అబ్బాయి ప్రపోజ్ చేయడమే చాలావరకు బెటర్’’ అని చెప్పింది. ఇలా నవ్య నవేలి కొత్త పోడ్కాస్ట్‌లో బచ్చన్ ఫ్యామిలీ లేడీస్‌తో పాటు అగస్త్య కూడా మోడర్న్ కల్చర్‌పై తమ తమ అభిప్రాయాలను చెప్పుకొచ్చారు. ఇక ‘వాట్ ది హెల్ నవ్య’ పోడ్కాస్ట్ విషయానికొస్తే.. 2002లో ముందుగా తన యూట్యూబ్ ఛానెల్‌లో దీనిని ప్రారంభించింది నవ్య నవేలి. మెల్లగా దీనికి సోషల్ మీడియాలో పాపులారిటీ లభించింది.
Also Read: కల్కీ మూవీ మళ్లీ వాయిదా? - ఒక్క పోస్ట్‌తో క్లారిటీ ఇచ్చిన టీం