Nani-Srikanth Odela Dasara Sequel:'దసరా' తర్వాత నేచురల్‌ స్టార్‌ నాని (Hero Nani) బ్యాక్‌ టూ బ్యాక్‌ చిత్రాలతో దూసుకుపోతున్నాడు. గతేడాది మార్చిలో రిలీజ్‌ అయిన ఈ మూవీ బ్లాక్‌బస్టర్‌ హిట్‌ అందుకుంది. నాని కెరీర్‌లోనే దసరా ఓ మైల్‌స్టోన్‌గా నిలిచింది. అప్పటి హోమ్లీ హీరోగా ఉన్న నాని 'దసరా'(Dasara Movie)తో మాస్‌ హీరో అయ్యాడు. ఈ చిత్రం బాక్సాఫీసు వద్ద బిగ్గేస్ట్‌ హిట్‌ కొట్టడమే కాదు రూ. 100 కోట్ల క్లబ్‌లో చేరి సర్‌ప్రైజ్‌ చేసింది. ఎందుకంటే ఇది నానికి కొత్త జానర్, అంతేకాదు డైరెక్టర్‌ కూడా కొత్తవాడే. ఈ సినిమాతోనే శ్రీకాంత్ ఓదెల (Srikanth Odela) డైరెక్టర్‌గా పరిచయం అయ్యాడు.
డెబ్యూ చిత్రమే అయినా అనుభవం దర్శకుడిలా ఓదెలను తెరకెక్కించి తొలి ప్రయత్నంలోనే బ్లాక్‌బస్టర్‌ హిట్‌ కొట్టాడు. ఈ మూవీ వచ్చి ఏడాది అవుతున్న ఇంతవరకు శ్రీకాంత్ ఓదెల తన నెక్ట్స్‌ మూవీని ప్రకటించలేదు. దీంతో అతడి తదుపరి ప్రాజెక్ట్స్‌పై అందరిలో అంచనాలు నెలకొన్నాయి. అతడు నెక్ట్స్‌ ఏ జానర్‌తో వస్తాడా? హీరో ఎవరా? అని అంతా ఆసక్తిగా ఎదురుచూస్తున్న క్రమంలో తాను మళ్లీ నానితోనే సినిమా చేస్తానంటూ ప్రకటించాడు. దీంతో అంతా ఇది 'దసరా'కీ సీక్వెల్ (Dasara Sequel) అని ఫిక్స్‌ అయ్యారు. కానీ 'దసరా' ఫస్ట్‌ పార్ట్‌లో అంతా కన్‌క్లూడ్‌ చేసేశాడు దర్శకుడు. విలన్‌ చనిపోవడం, హీరోహీరోయిన్లు కూడా కలిసిపోయినట్టే చూపించాడు.
నానితో శ్రీకాంత్ ఓదెల రెండో సినిమా
దసరాకు సీక్వెల్?
Clarity On Dasara Sequel: మరి ఇంకా సీక్వెల్‌లో ఏం చూపిస్తారంటూ అందరిలో సందేహాలు మొదలయ్యాయి. దీంతో కొత్త నటీనటులు, లేదా అదే నటీనటులతో రెండో భాగం ఉంటుందని, పూర్తి కొత్త కథతో ఉంటుందని కొద్ది రోజులుగా ప్రచారం జరుగుతుంది. కానీ దీనిపై క్లారిటీ లేకపోవడంతో అంతా డైలామాలో ఉన్నారు. ఈ క్రమంలో 'దసరా 2'పై తాజాగా క్లారిటీ వచ్చింది. శ్రీకాంత్ ఓదెల నెక్ట్స్‌ నానితోనే చేస్తున్న మాట నిజమే. కానీ, ఇది పూర్తిగా కొత్త కథ అట. ఇది 'దసరా'కు సీక్వెల్ కాదని సమాచారం. అసలు ముందు నుంచి దసరాకు సీక్వెల్ చేసే ఆలోచన లేదట శ్రీకాంత్ ఓదెలకు. అందుకే సినిమాలోనే మొత్తం కన్‌క్లూజన్‌ ఇచ్చేశాడట. నెక్ట్స్‌ నానితో చేస్తున్న రెండో సినిమా దసరాకు పూర్తి ఢిపరేంట్‌ అని సమాచారం. ప్రస్తుతం నాని కోసం కొత్త స్క్రిప్ట్‌ రెడీ చేస్తున్నాడట శ్రీకాంత్ ఓదెల. కాగా ప్రస్తుతం నాని యాక్షన్‌ థ్రీల్లర్‌ 'సరిపోదా శనివారం' మూవీతో బిజీగా ఉన్నాడు. ప్రస్తుతం శరవేగంగా షూటింగ్‌ జరపుకుంటున్న ఈ మూవీ ఆగష్ట్‌ రిలీజ్‌కు రెడీ అవుతుంది. ఆ తర్వాత నాని 'బలగం' డైరెక్టర్‌ వేణుతో మరో మూవీ కమిట్‌ అయ్యాడు. ఈ సినిమాకు 'ఎల్లమ్మా' ఫిక్స్‌ చేసినట్టు తెలిసిందే.