iBOMMA Website Is Back Again In Online : iBOMMA... ఈ పేరు వింటేనే సినీ ఇండస్ట్రీకి బిగ్ షాక్. థియేటర్లలో రిలీజైన సినిమాలు వచ్చినవి వచ్చినట్లుగా HD క్వాలిటీ ప్రింట్తో ఇందులో ప్రత్యక్షమవుతాయి. ఎలాంటి మనీ చెల్లించకుండానే కొత్త మూవీస్ చూసెయ్యొచ్చు. ఈ పైరసీ వెబ్ సైట్ నిర్వాహకుడు ఇమ్మడి రవిని పోలీసులు అరెస్ట్ చేయడంతో సినిమా పైరసీలకు చెక్ పడిందనే చెప్పాలి. ఇండస్ట్రీ మొత్తం ఒక్కసారి ఊపిరి పీల్చుకుంది.
iBOMMA మళ్లీ వచ్చిందా?
ఇమ్మడి రవి అరెస్టుతో 'iBOMMA' క్లోజ్ అయ్యిందనే అంతా భావించారు. అయితే, ఈ పైరసీ వెబ్ సైట్ మళ్లీ ఆన్లైన్లో ప్రత్యక్షమైందంటూ సోషల్ మీడియాలో తాజాగా వార్తలు వస్తున్నాయి. 'ibeppam tv'గా ఆన్ లైన్లో పైరసీ వెబ్ సైట్ అందుబాటులో ఉందని... ఇందులో కొత్త సినిమాలు వస్తున్నాయని ప్రచారం సాగుతోంది. కొత్త మూవీస్ డౌన్ లోడ్ కూడా అవుతున్నాయంటూ కొందరు కామెంట్స్ చేస్తున్నారు. మరికొందరు 'iBOMMA back again' అంటూ సంబరాలు చేసుకుంటున్నారు.
ఇదే నిజమైతే ఇండస్ట్రీకి మళ్లీ బిగ్ షాక్ అనే చెప్పాలి. నిజానికి 'iBOMMA' క్లోజ్ అయిన తర్వాత 'iBOMMA One' అనే మరో వెబ్ సైట్ ప్రత్యక్షమైంది. అందులో కేవలం సినిమా రివ్యూస్ మాత్రమే అందుబాటులో ఉన్నాయి. దీనిపై పోలీసులు క్లారిటీ ఇచ్చారు. కానీ, ఇప్పుడు మళ్లీ కొత్త పేరుతో 'iBOMMA' వెబ్ సైట్ ఆన్లైన్లో ఉందంటూ సాగుతున్న ప్రచారం ఇండస్ట్రీ పెద్దలకు ఆందోళన కలిగిస్తోంది. మరి దీనిపై పోలీసులు ఎలా రియాక్ట్ అవుతారో చూడాల్సి ఉంది. iBOMMA నిర్వాహకుడు రవి పోలీస్ విచారణ తర్వాత బెయిల్పై విడుదలయ్యారు.
Also Read : ఓటీటీలోకి విజువల్ వండర్ అవతార్ 3 - పండోరా గ్రహాన్ని ఎలా రక్షించారు... తెలియాలంటే ఇప్పుడే చూసెయ్యండి!