'దే కాల్ హిమ్ ఓజీ' సినిమాలో ఫస్ట్ సాంగ్ విడుదలైంది. 'ఫైర్ స్ట్రోమ్'లో విజువల్స్, మరీ ముఖ్యంగా పవర్ స్టార్ పవన్ కళ్యాణ్ లుక్స్ చూసి ఫ్యాన్స్ ఫుల్ హ్యాపీ. తమ అభిమాన కథానాయకుడిని ఎలా చూడాలని అనుకుంటున్నామో... ఫ్యాన్ బాయ్ - దర్శకుడు సుజీత్ అలా చూపించారని సంతోషపడుతున్నారు. వాళ్ళ రియాక్షన్స్ పక్కన పెడితే పవన్ కళ్యాణ్ క్యారెక్టర్ ఓజాస్ గంభీర (ఓజీ) గురించి ఈ పాటలో సుజీత్ హింట్స్ ఇచ్చారు. వాటిని గమనించారా?
'బుషిడో' అంటే... ఆ మ్యాగజైన్ చూశారా!?'ఫైర్ స్ట్రోమ్' పాటలో ఒక టేబుల్ మీద మ్యాగజైన్ కనబడుతుంది. గమనించారా? కవర్ పేజీ మీద 'బుషిడో : ద సమురాయ్ కోడ్ ఆఫ్ జపాన్' (Bushido: The Samurai Code of Japan) అని రాసి ఉంది. బుషిడో అంటే 'ద వే ఆఫ్ వారియర్' అని అర్థం. స్పష్టంగా చెప్పాలంటే... యోధుడు / వీరుడు అనుసరించే మార్గం. జపాన్లోని సమురాయ్ వారియర్స్ ఫాలో అయ్యే ఫిలాసఫీని 'బుషిడో' అంటారు. అందులో మొత్తం ఏడు సూత్రాలు ఉంటాయి.
నిజాయతీ, ధైర్యం, దయ, అతిథి మర్యాద, చిత్తశుద్ధి, గౌరవం, విధేయత... 'బుషిడో' ప్రకారం వీరుడు ఈ ఏడు సూత్రాలను అనుసరించాలి. టేబుల్ మీద ఆ మ్యాగజైన్ చూపించడం ద్వారా ఓజాస్ గంభీరలో ఆ సూత్రాలను అనుసరిస్తాడని సుజీత్ హింట్ ఇచ్చారా? సినిమాలో పవన్ కళ్యాణ్ సమురాయ్ క్యారెక్టర్ చేస్తున్నారని టాక్. 'బుషిడో' బుక్ మీద ఇనాజో నీటోబే రాసినట్టు ఉంది. ఆయన జపనీస్ విద్యావేత్త.
జూలై 31తో గన్ లైసెన్స్ గడువు ముగుస్తుందా?జపనీస్ సమురాయ్, మాఫియా & గ్యాంగ్స్టర్ కల్చర్ మీద ఎమోషనల్ యాక్షన్ డ్రామాగా 'ఓజీ'ని తెరకెక్కిస్తున్నారు సుజీత్. పాటలో ఒక విజువల్లో గన్ లైసెన్స్ గురించి పేపర్ ఉంటుంది. జూలై 31తో ఈ లైసెన్స్ ఎక్స్పైర్ అవుతుందని ఉంటుంది. అది ఎవరి గన్? ఓజాస్ గంభీరాదా? అది తెలియాలంటే లెట్స్ వెయిట్ ఫర్ సినిమా రిలీజ్!
ఇప్పటి వరకు విడుదలైన 'ఓజీ' ప్రచార చిత్రాలు చూస్తే... సినిమాలో గన్స్ ఎక్కువ ఉంటాయని అర్థం అవుతోంది. ఆ గన్స్ అన్నిటినీ సుజీత్ ప్రత్యేకంగా డిజైన్ చేయించారని తెలిసింది. మార్కెట్టులో లభించే గన్స్ కాకుండా కస్టమైజ్డ్ గన్స్ వాడారని తెలిసింది.
Also Read: కొడుకుతో కలిసి ఒకే ఒక్క సినిమా చేసిన కోట శ్రీనివాస రావు... అది ఏమిటో తెలుసా?
లాస్ట్ బట్ నాట్ లీస్ట్... పవన్ కళ్యాణ్ సినిమాల్లో ఆయన క్యారెక్టర్ పేర్లు ఈ పాటలో కనిపించాయి. జానీ నుంచి మొదలు పెడితే బాలు, గబ్బర్ సింగ్ - ఇలా చాలా ఉన్నాయ్. ఆ పేర్లతో కూడిన ఫోటోను డీవీవీ ఎంటర్టైన్మెంట్స్ కూడా ట్వీట్ చేసింది.