Bharateeyudu 2 Day 3 Collections: ‘భారతీయుడు 2’ - యావరేజ్ టాక్‌తోనే అంత కలెక్ట్ చేసిందా?

Bharateeyudu 2 Collections: శంకర్, కమల్ హాసన్ కాంబినేషన్‌లో తెరకెక్కిన ‘భారతీయుడు 2’ యావరేజ్ టాక్‌తో మొదలయినా కూడా కలెక్షన్స్ విషయంలో అందరినీ ఆశ్చర్యపరుస్తోంది.

Bharateeyudu 2 Box Office Collections: కమల్ హాసన్, శంకర్ కాంబినేషన్‌లో తెరకెక్కిన ‘భారతీయుడు 2’.. చాలా తక్కువ హైప్‌తో థియేటర్లలో విడుదలయ్యింది. పైగా ఈ సినిమాపై భారీ అంచనాలతో థియేటర్లకు వెళ్లిన ఆడియన్స్ కూడా కాస్త డిసప్పాయింట్ అయ్యారు. దీంతో అసలు ‘భారతీయుడు 2’ కలెక్షన్స్‌ విషయంలో వెనకబడుతుందేమో అనుకున్నారు. మామూలుగా ఒక ప్యాన్ ఇండియా మూవీ విడుదలవ్వగానే మొదటి వారంలోనే ఎన్నో రికార్డులను బ్రేక్ చేస్తుంది. కానీ ‘భారతీయుడు 2’ మాత్రం తన కలెక్షన్స్‌ను కాస్త స్లోగా స్టార్ట్ చేసినా మొదటి వీకెండ్ పూర్తయ్యే సమయానికి పర్వాలేదనిపించే కలెక్షన్స్‌ను సాధించడం విశేషం.

ఆశ్చర్యపరుస్తున్న కలెక్షన్స్..

మొదటి వీకెండ్ పూర్తయ్యేసరికి ‘భారతీయుడు 2’ ప్రపంచవ్యాప్తంగా రూ.100 కోట్ల మార్క్‌ను టచ్ చేసిందని సోషల్ మీడియాలో వార్తలు వైరల్ అవుతున్నాయి. విడుదలయిన మొదటి ఆదివారం ఈ మూవీ.. రూ.15.1 కోట్ల కలెక్షన్స్‌ను సాధించింది. దీంతో ఈ సినిమా నెట్ కలెక్షన్స్ రూ.58.9 కోట్లకు చేరుకున్నాయని తెలుస్తోంది. ఇక ఇండస్ట్రీలో వినిపిస్తున్న కథనాల ప్రకారం ‘భారతీయుడు 2’.. రూ.109.15 కోట్ల గ్రాస్ కలెక్షన్స్ సాధించాయని సమాచారం. దీంతో ఈ కలెక్షన్స్ వివరాలు చూస్తున్న ప్రేక్షకులు ఆశ్చర్యపోతున్నారు. అతి తక్కువ హైప్‌తో విడుదలయిన మూవీ ఈ రేంజ్‌లో కలెక్షన్స్ సాధించడం మామూలు విషయం కాదని అభిప్రాయం వ్యక్తం చేస్తున్నారు.

యావరేజ్ టాక్..

ఓపెనింగ్ రోజు ‘భారతీయుడు 2’ రూ.25.6 కోట్ల కలెక్షన్స్ సాధించింది. కానీ వీకెండ్ ప్రారంభమయ్యే సమయానికి ఈ కలెక్షన్స్ కాస్త తగ్గాయి. రెండోరోజు కేవలం రూ.18.2 కోట్ల కలెక్షన్స్ మాత్రమే దక్కించుకుంది ఈ సినిమా. ఇక మూడో రోజు రూ.15.35 కలెక్షన్స్‌ను అందుకుంది. అలా ‘భారతీయుడు 2’కు ఇప్పటివరకు రూ.58.9 కోట్ల నెట్ కలెక్షన్స్ దక్కాయి. అంతే కాకుండా ప్రపంచవ్యాప్తంగా ఇప్పటికే రూ.109.15 కోట్లను సాధించి అందరినీ ఆశ్చర్యపరిచింది ఈ మూవీ. యావరేజ్ టాక్‌తో అయినా మంచి కలెక్షన్స్ సాధించిన సినిమాలో ఎన్నో ఉన్నాయి. ఇప్పుడు అందులో ‘భారతీయుడు 2’ కూడా యాడ్ అయ్యింది.

హిందీలో తక్కువే..

శంకర్, కమల్ హాసన్ కాంబినేషన్‌లో తెరకెక్కిన ‘భారతీయుడు 2’.. తమిళ, తెలుగు, హిందీ భాషల్లో భారీ ఎత్తున విడుదలయ్యింది. ఈ మూడు భాషల్లో సినిమాను ప్రేక్షకులకు రీచ్ అయ్యేలా చేయడం కోసం మేకర్స్ బ్యాక్ టు బ్యాక్ ప్రమోషన్స్ కూడా చేశారు. అందుకే హిందీలో ఈ మూవీ కలెక్షన్స్ కాస్త తగ్గినా తెలుగు, తమిళంలో మాత్రం పోటాపోటీగా ఓపెనింగ్స్ వచ్చాయి. ఇప్పటివరకు తమిళంలో ‘భారతీయుడు 2’కు రూ.41.2 కోట్ల కలెక్షన్స్ రాగా తెలుగులో మాత్రం రూ.13.9 కోట్ల కలెక్షన్స్ దక్కాయి. హిందీలో మాత్రం ఇప్పటివరకు ఈ సినిమా కేవలం రూ.3.8 కోట్ల కలెక్షన్స్ మాత్రమే సాధించింది. కానీ అక్షయ్ కుమార్ నటించిన ‘సర్ఫిరా’కు పోటీగా ‘ఇండియన్ 2’ హిందీ బాక్సాఫీస్‌ వద్ద స్ట్రాంగ్‌గా నిలబడింది.