Godzilla x Kong The New Empire OTT streaming Details: యాక్షన్‌ జానర్లు ఇష్టపడే మూవీ లవర్స్‌కి అదిరిపోయే అప్‌డేట్‌ ఇది. ముఖ్యంగా హాలీవుడ్‌ ఫిక్షనల్‌ మూవీ లవర్స్‌కి గుడ్‌న్యూస్‌. రీసెంట్‌గా విడుదలై ప్రపంచవ్యాప్తంగా బాక్సాఫీసు షేక్‌ చేసిన ఈ చిత్రం ఇప్పుడు సైలెంట్‌గా ఓటీటీకి వచ్చింది. ఇప్పటికీ థియేటర్లో రన్‌ అవుతున్న ఈ సినిమా ఏలాంటి ప్రకటన లేకుండా డిజిటల్‌ వేదికకు వచ్చేసింది. దీంతో మూవీ లవర్స్‌ అంతా ఎగ్జయిట్‌ అవుతున్నారు. అదే 'గాడ్జిల్లా x కాంగ్: ద న్యూ ఎంపైర్'(Godzilla x Kong-The New Empire) చిత్రం.


ఇప్పటికీ థియేటర్లో ఆడుతున్నా..


గాడ్జిల్లా-కాంగ్ ఫ్రాంచైజీలో వచ్చిన ఈ సినిమా ప్రపంచవ్యాప్తంగా భారీ రెస్పాన్స్‌ అందుకుంది. రెండు నెలల క్రితం మార్చి 29న ఇండియాలో థియేటర్లోకి వచ్చిన ఈ చిత్రానికి ఆడియన్స్‌ బ్రహ్మరథం పట్టారు. ఇప్పటికీ దేశవ్యాప్తంగా చాలా థియేటర్లో 'గాడ్జిల్లా x కాంగ్: ద న్యూ ఎంపైర్' మూవీ ఆడుతూనే ఉంది. కానీ అప్పుడే ఈ మూవీ బుక్‌మై షో ఓటీటీలో దర్శనం ఇచ్చింది. సడెన్‌గా గాడ్జిల్లా x కాంగ్ ఓటీటీలో చూసి డిజిటల్‌ ప్రియులంతా సర్‌ప్రైజ్‌ అవుతున్నారు. ఇండియన్స్‌ ఆడియన్స్‌ కోసం బుక్‌మై షో ఈ చిత్రాన్ని తీసుకువచ్చింది.


కానీ అంతలోనే ఈ ట్విస్ట్‌ ఇచ్చింది. ఈ సినిమాను ఓటీటీలో చూడాలంటే భారీగా చెల్లించాల్సి ఉందట. అదే రెంటల్‌ విధానంలో గాడ్జిల్లా x కాంగ్‌ను ఓటీటీకి తీసుకువచ్చింది బుక్‌మై షో. డిజిటల్‌ వేదికపై 4k క్వాలిటీలో ఈ సినిమాను చూడాలంఏట రూ.549 చెల్లించాల్సిందే. పూర్తిగా కొని చూడాలంటే మాత్రం రూ.799 చెల్లించాలని బుక్‌మై షో క్లారిటీ ఇచ్చింది. ఇక ఈ ఫిక్షనల్‌ మూవీని ఇంగ్లీష్‌తో పాటు తెలుగు, తమిళం, హిందీ భాషల్లో అందుబాటులోకి తీసుకువచ్చింది. ఇక బుక్‌మై షోతో పాటు అమెజాన్‌, యూట్యూబ్‌లోనూ ఈ సినిమా అందుబాటులోకి వచ్చేస్తోందట. సోమవారం నుంచి బుక్‌ మై షోలో అందుబాటులోకి వచ్చిన ఈ సినిమా మంగళవారం నుంచి అమెజాన్ ప్రైమ్, యూట్యూబ్‌లో రెంట్ విధానంలో  అందుబాటులోకి రానుందట. 


Also Read: అప్పుల వల్ల ఆత్మహత్యకు యత్నించా, 'గెటప్‌' శ్రీనుకి చెబితే చచ్చిపో అన్నాడు! - అప్పుడు పూరీ గారికి ఫోన్ చేస్తే ఇలా అన్నారు


తొలి రోజు భారీ ఒపెనింగ్స్‌


మార్చి 29న తెలుగు బ్లాక్‌బస్టర్‌ మూవీ 'టిల్లు స్వ్కేర్‌' బాలీవుడ్ మూవీ ‘క్రూ’, కు పోటీగా ఇండియన్ బాక్సాఫీస్ ముందుకు వచ్చింది ‘గాడ్జిల్లా x కాంగ్: ది న్యూ ఎంపైర్’. ఎలాంటి అంచనాలు లేకుండ వచ్చిన ఈ చిత్రం ఊహించని రెస్పాన్స్‌ అందుకుంది. గతంలో ఏ హాలీవుడ్‌ మూవీకి లేని భారీ ఒపెనింగ్స్ దక్కించుకుంది. తొలి రోజే వరల్డ్‌ వైడ్‌గా రూ.37.60 కోట్ల వసూళ్లతో భారీ ఒపెనింగ్స్‌ ఇచ్చింది. ఈ సినిమా ఇప్పటి వరకు పెట్టిన బడ్జెట్‌ కంటే మూడు రేట్ల ప్రాఫిట్‌ ఇచ్చినట్టు తెలుస్తోంది. రూ.15 కోట్ల డాలర్ల బడ్జెట్ తో రూపొందించిన 'గాడ్జిల్లా x కాంగ్: ద న్యూ ఎంపైర్' మూవీకి ఇప్పటి వరకు రూ.52.4 కోట్ల డాలర్ల వసూళ్లు చేసిందట. ఇప్పటికీ థియేటర్‌లో రన్‌ అవుతున్న ఈ సినిమా వసూళ్లు కూడా బాగానే చేస్తున్నట్టు టాక్‌.