Fahad Fazil on Pushpa 2 : సుకుమార్- అల్లు అర్జున్ కాంబినేషన్ లో తెరకెక్కుతోన్న 'పుష్ప 2(Pushpa 2)' మరోమారు బాక్సాఫీస్ ను బద్దలు కొట్టేందుకు సమాయత్తం అవుతోంది. ప్రేక్షకుల అంచనాలను తలదన్నేలా రిలీజై, భారీ కలెక్షన్లు కొల్లగొట్టిన 'పుష్ప పార్ట్ 1'ను అభిమానులు ఇప్పటికీ మర్చిపోలేదు. ఈ సినిమాలోని పాటలు, డైలాగులు ఎంత పాపులర్ అయ్యాయో ప్రత్యేకించి చెప్పాల్సిన అవసరం లేదు. ఇక 'పుష్ప 2' గురించి చెప్పాలంటే ఈ సినిమాకు సంబంధించి ఇంతకుమునుపే రిలీజైన బన్నీ ఫస్ట్ లుక్ పోస్టర్ కు ఊహించని స్థాయిలో రెస్పాన్స్ వచ్చింది. మెడలో నిమ్మకాల దండ, చీరకట్టులో కనిపించిన అల్లు అర్జున్ వేషధారణ ఇప్పటికీ ట్రెండింగ్ లో దూసుకుపోతోంది. 'పుష్ప: ది రైజ్’ భారీ విజయం సాధించడంతో ఇప్పుడు పార్ట్ 2 పైనా అంతకుమించిన అంచనాలు నెలకొన్నాయి. ఈ సినిమా నుంచి ఎప్పుడు, ఎలాంటి అప్ డేట్స్ వస్తాయా అని సినీ ప్రేక్షకులు, బన్నీ ఫ్యాన్స్ అత్యంత ఆసక్తిగా ఎదురుచూస్తున్నారు.
ఈ క్రమంలోనే 'పుష్ప 2' మూవీపై ఓ ఇంట్రస్టింగ్ వార్త వెలుగులోకి వచ్చింది. పార్ట్ 1లో ఎస్పీ భన్వర్ సింగ్ షెకావత్ గా కనిపించిన ఫహాద్ ఫాజిల్ (Fahad Fazil) కొన్ని ఆసక్తికర విషయాలను పంచుకున్నారు. 'పుష్ప 2'లో తన పాత్ర పార్ట్ 1 కంటే కాస్త ఎక్కువగానే ఉండనున్నట్టు ఫాజిల్ చెప్పుకొచ్చారు. ఈ మూవీలో హీరో బన్నీకి, తనకు చాలా యాక్షన్ సీన్స్ కూడా ఉండనున్నట్టు తెలియజేశారు. పార్ట్ 2లో చాలా వరకు ఫైట్ సీన్సే ఉండనున్నాయని ఫాజిల్ ఇచ్చిన హింట్స్ ఇప్పుడు సోషల్ మీడియాలో వైరల్ గా మారాయి. మొన్నటిదాకా ఈ సినిమా ఎలా ఉండనుంది, ఎలాంటి సీన్స్ ఉండనున్నాయన్న సందేహాలకు ఫాజిల్ సమాధానాలు బన్నీ ఫ్యాన్స్‌లో అంచనాలను మరింత పెంచేస్తున్నాయి.
ఇక 'పుష్ప 2' ప్రస్తుతం షూటింగ్ పనులు జరుపుకుంటుండగా.. ఈ సీక్వెల్ లో భన్వర్ సింగ్ షెకావత్ పాత్రకు సంబంధించి షూటింగ్ పూర్తయినట్టు సమాచారం. ఇదిలా ఉండగా ఈ సినిమాలో ప్రముఖ నటుడు జగపతిబాబు కూడా ఓ ప్రధాన పాత్రలో కనిపించనున్నారన్న సంగతి అందరికీ తెలిసిందే. బన్నీ సరసన నేషనల్ క్రష్ రష్మిక మందన్నా(Rashmika Mandanna) నటించనుండగా.. పాన్ ఇండియా(Pan India) లెవల్లో ఈ సినిమా వివిధ భాషల్లో రిలీజ్ కానుంది. ఎర్ర చందనం స్మగ్లింగ్ నేపథ్యంలో సాగనున్న ఈ చిత్రం ఆసక్తికరంగా, మరింత యాక్షన్ ప్యాక్ గా ఉండనుందని ప్రేక్షకులు భావిస్తున్నారు. కాగా ఈ మూవీని ఈ ఏడాది చివర్లో విడుదల చేసేందుకు మేకర్స్ ప్లాన్ చేస్తున్నారు. ఈ చిత్రంలో బాలీవుడ్ నటుడు రణవీర్ సింగ్(Ranvir Singh) అతిథి పాత్రలో నటించనున్నాడని సమాచారం. అయితే, ఈ విషయాన్ని ఇంకా అధికారికంగా కన్ఫర్మ్ చేయలేదు. బాలీవుడ్ ప్రేక్షకులను ఆకట్టుకోడానికే ఈ ప్లాన్ అని తెలుస్తోంది.
Read Also : Skanda Title Glimpse: రామ్, బోయపాటి పాన్ ఇండియా మూవీకి టైటిల్ ఫిక్స్ - గ్లింప్స్ వీడియో అదిరింది!
Join Us on Telegram: https://t.me/abpdesamofficial