Committee Kurrollu Movie Release Date In Telugu: నిహారిక కొణిదెల... మెగా డాటర్ అని తెలుగు ప్రేక్షకులు అందరికీ తెలుసు. నాగబాబు కుమార్తె మాత్రమే కాదు... ఆవిడ నటి, నిర్మాత కూడా! పింక్ ఎలిఫెంట్ పిక్చర్స్ పతాకంపై మీద మంచి మంచి కథలను ప్రేక్షకుల ముందుకు తీసుకు వచ్చారు. నిహారిక సమర్పణలో రూపొందిన తాజా సినిమా 'కమిటీ కుర్రోళ్ళు'. ఆగస్టులో ఈ సినిమా ప్రేక్షకుల ముందుకు రానుంది. లేటెస్టుగా విడుదల తేదీ వెల్లడించారు. ఆ వివరాల్లోకి వెళితే... 


ఆగస్టు 9న 'కమిటీ కుర్రోళ్ళు' విడుదల!
నిహారిక కొణిదెల సమర్పణలో పింక్ ఎలిఫెంట్ పిక్చర్స్, శ్రీ రాధా దామోదర్ స్టూడియోస్ సంస్థలపై తెరకెక్కిన సినిమా 'కమిటీ కుర్రోళ్ళు'. దీనికి య‌దు వంశీ ద‌ర్శ‌కత్వం వహించారు. నిహారిక తల్లి పద్మజా కొణిదెల, జయలక్ష్మి అడపాక ప్రొడ్యూస్ చేశారు. గ్రామీణ నేపథ్యంలో స్నేహం, ప్రేమ, అంశాలను మేళవించి భావోద్వేగ భరిత సినిమాగా రూపొందించారు. ఆగస్టు 4న ఫ్రెండ్షిప్ డే. ఆ సందర్భాన్ని పురస్కరించుకుని ఆ తర్వాత వచ్చే శుక్రవారం... ఆగస్టు 9న 'కమిటీ కుర్రోళ్ళు' సినిమా విడుదల చేస్తున్నట్లు వెల్లడించారు.


Also Read: బహిష్కరణ రివ్యూ: Zee5 OTTలో లేటెస్ట్ బోల్డ్ క్రైమ్ థ్రిల్లర్ - అంజలి వెబ్ సిరీస్ ఎలా ఉందంటే?


'కమిటీ కుర్రోళ్ళు' విడుదల తేదీ వెల్లడించిన సందర్భంగా నిహారిక కొణిదెల  (Niharika Konidela) మాట్లాడుతూ... ''మా పింక్ ఎలిఫెంట్ పిక్చర్స్ సంస్థలో మేం నిర్మించిన తొలి సినిమా 'కమిటీ కుర్రోళ్ళు'. శ్రీ రాధా దామోదర్ స్టూడియోస్ జ‌య‌ల‌క్ష్మి గారితో కలిసి నిర్మించడం ఎంతో సంతోషంగా ఉంది. కొత్తవాళ్లను ప్రోత్సహించాలనే ఆలోచ‌న‌తో హీరో హీరోయిన్లుగా నూతన తారలకు అవకాశం ఇచ్చాం. మా దర్శకుడు య‌దు వంశీ గారు పక్కా ప్రణాళికతో అనుకున్న స‌మ‌యంలో చిత్రీకరణ, సినిమా పూర్తి చేశారు. యువతతో పాటు కుటుంబ ప్రేక్షకులు అందరికీ నచ్చే చిత్రమిది'' అని చెప్పారు.


Also Read: రాజ్ తరుణ్ 'పురుషోత్తముడు' - వివాదాల నడుము విడుదలకు సిద్ధమైన సినిమా స్టిల్స్



దర్శకుడు యదు వంశీ మాట్లాడుతూ... ''ఈ సినిమా ద్వారా పదకొండు మంది హీరోలు, నలుగురు హీరోయిన్లను పరిచయం చేస్తున్నాం. వాళ్ళందరి మ‌ధ్య స్నేహం, భావోద్వేగాలు, ప్రేమ‌తో పాటు ప‌ల్లెటూరి రాజ‌కీయాలు, యువ‌త సంఘ‌ర్ష‌ణ... అన్నింటినీ చూపిస్తున్నాం. స్నేహితులతో కలిసి చూస్తూ ఎంజాయ్ చేసే సినిమా అవుతుంది'' అని చెప్పారు. శ్రీ రాధా దామోదర్ స్టూడియోస్ అధినేతలు ఫణి, జయలక్ష్మి మాట్లాడుతూ... ''ఇది మంచి కంటెంట్ ఉన్న సినిమా. మేం కంటెంట్ రిచ్ సినిమాలు ప్రొడ్యూస్ చేయాలని ఇండస్ట్రీలోకి వచ్చాం. ఈ ప్రయాణంలో నిహారిక‌ గారితో క‌లిసి 'క‌మిటీ కుర్రోళ్ళు' చేయ‌టం ఎప్పటికీ మార్చుపోలేని మంచి అనుభూతి'' అని చెప్పారు.



Committee Kurrollu Movie Cast And Crew: సందీప్ సరోజ్, యశ్వంత్ పెండ్యాల, ఈశ్వర్ రాచిరాజు, త్రినాథ్ వర్మ, ప్రసాద్ బెహరా, మణికంఠ పరసు, లోకేష్ కుమార్ పరిమి, శ్యామ్ కళ్యాణ్, రఘువరన్, శివకుమార్ మట్ట, అక్షయ్ శ్రీనివాస్, రాధ్య, తేజస్వి రావు, టీనా శ్రావ్య, విషిక ప్రధాన పాత్రల్లోనూ... సాయి కుమార్, గోపరాజు రమణ, 'బలగం' జయరాం, శ్రీ లక్ష్మి, 'కంచరపాలెం' కిశోర్, కిట్టయ్య, రమణ భార్గవ్, 'జబర్దస్త్' సత్తిపండు ఇతర కీలక పాత్రల్లో నటించిన ఈ చిత్రానికి ఛాయాగ్రహణం: రాజు ఎడురోలు, సంగీతం: అనుదీప్ దేవ్, కూర్పు: అన్వర్ అలీ, సంభాషణలు: వెంకట సుభాష్ చీర్ల - కొండల రావు అడ్డగళ్ల, ఎగ్జిక్యూటివ్ నిర్మాత: మన్యం రమేష్, సమర్పణ: నిహారిక కొణిదెల, నిర్మాణ సంస్థలు: పింక్ ఎలిఫెంట్ పిక్చర్స్ - శ్రీ రాధా దామోదర్ స్టూడియోస్, నిర్మాతలు: పద్మజా కొణిదెల - జయలక్ష్మి అడపాక, రచన - దర్శకత్వం: యదు వంశీ.