Vikram Thangalaan Trailer Out: 'చియాన్' విక్రమ్ లీడ్‌ రోల్లో పీరియాడిక్ యాక్షన్ డ్రామా వస్తున్న చిత్రం 'తంగలాన్'. పా రంజిత్ ఈ సినిమాకు దర్శకత్వం వహిస్తున్నాడు. స్టూడియో గ్రీన్ పతాకంపై కేఈ జ్ఞానవేల్ రాజా నిర్మిస్తున్న ఈ సినిమా ట్రైలర్ తాజాగా విడుదలైంది. జూలై 10న ట్రైలర్ రిలీజ్‌ చేస్తున్న మూవీ టీం ముందుగానే ప్రకటించిన సంగతి తెలిసిందే. చెప్పినట్టుగానే నేడు తంగలాన్ ట్రైలర్ రిలీజ్‌ చేసింది మూవీ టీం. ఓ ఆటవి తేగ, యుద్దం సన్నివేశాలతో ట్రైలర్ మొదలైంది. అసలేం తిరుగుతాంది నీ తలలో అనే మహిళా బ్యాగ్రౌండ్ వాయిస్ వస్తుండగా.. విక్రమ్ లుక్‌ రివీల్‌ అయ్యింది.
ఇందులో తెగకు చెందిన వ్యక్తిగా విక్రమ్ చాలా వైవిధ్యమైన లుక్‌లో కనిపించాడు. చూస్తుంటే ఈసారి మరో డిఫరెంట్‌ లుక్‌తో విక్రమ్‌లో అలరించబోతున్నాడని తెలిసిపోతుంది. మీ ఉపకారం కోరి క్లమెంట్‌ దొర మీ గ్రామణాకి విచ్చేసారు అనే బ్యాగ్రౌండ్ వాయిస్ వస్తుండగా.. బ్రిటిష్‌కి చెందిన వ్యక్తి కనిపించాడు. చూస్తుంటే తంగలాన్ స్వాతంత్య్రానికి ముందు ఓ తెగలో జరిగిన సంఘటన నేపథ్యంలో ఈ తంగలాన్‌ను పా రంజిత్ తెరకెక్కించినట్టు తెలుస్తోంది. ఆ తెగకు సమీపంలో గోల్డ్‌ మైన్‌ ఉంటుంది.. దాని చూట్టునే ఈ సినిమా కథ సాగనుందని అర్థమైపోతుంది.
ఈ గోల్డ్‌ మైన్‌ తవ్వి బంగారం తీయాలంటే ప్రాణాలతో చెలగాటమే అని ట్రైలర్‌లో ఓ సీన్‌ హెచ్చరించారు. కానీ విక్రమ్ తన తెగ ప్రజలు బ్రిటిష్‌ రాజుతో కలిసి ఈ బంగారం కొండను తవ్వేందుకు ప్రయత్నిస్తుంటారు. ఈ క్రమంలో బంగారు కొండ తవ్వుతుండగా.. ఆ తెగ ప్రజలకు ఎదురయ్యే సంఘటలను ట్రైలర్‌లో చూపించిన ఆసక్తి పెంచారు. వారు ఈ కొండను తవ్వకుండ రహస్యంగా ఉండి ఓ వ్యక్తి వారి మీదకు మాయ ప్రయోగాలను చేస్తుంటారు. ఇదే విషయాన్ని ట్రైలర్‌లో ప్రస్తావించగా.. విక్రమ్ "దిని వెనక ఉంది మాంత్రికుడు కాదు రాజా.. ఓ మాంత్రికులురాలు.. అరతి" అనే చెప్పే డైలాగ్‌ ఉత్కంఠ పెంచుతుంది.అప్పుడే తెగ మహిళగా వైవిధ్యమైన లుక్‌ మళవిక మోహన్ పాత్ర పరిచయం అవుతుంది.
ఈ సందర్భంగా వచ్చిన యాక్షన్ సీన్స్‌ ఆకట్టుకుంటున్నాయి. ఆ తర్వాత ట్రైలర్ మొత్తం ఫుల్‌ యాక్షన్ సీక్వెన్స్‌తోనే సాగింది. ఇందులో విక్రమ్ ఇంటెన్సీవ్‌ లుక్‌లో కనిపంచాడు. మొత్తానికి వైవిధ్యంగా సాగిన ట్రైలర్ ఆద్యాంతం ఆసక్తిగా సాగింది. జీవి ప్రకాష్ ఇచ్చిన బ్యాగ్రౌండ్ స్కోర్‌ అదిరిపోయింది. బంగారం కోసం అన్వేషిస్తుండ‌గా ఓ మాంత్రికురాలు అడ్డుప‌డ‌గా.. విక్రమ్ ఆ మాంత్రికురాలిని ఎదుర్కొంటున్నట్టుగా ట్రైలర్ చూస్తే అర్థమైపోతుంది. మొత్తంగా ట్రైలర్ సినిమా పై అంచ‌నాల‌ను పెంచేస్తోంది. కాగా తంగలాన్ మూవీలో తంగలాన్‌లో ఫీమేల్‌ లీడ్‌గా నటిస్తుంది. అలాగే పార్వతి తిరువోతు, పశుపతి, హరికృష్ణన్, అన్భు దురై తదితరులు ప్రధాన పాత్రలు పోషించారు. ఈ చిత్రానికి గీతం: జీవీ ప్రకాష్ కుమార్ సంగీతం అందిస్తున్నారు.
Also Read: ఎట్టకేలకు హీరో రాజ్‌ తరుణ్‌పై కేసు నమోదు - పోలీసులకు కీలక ఆధారాలు సమర్పించిన ప్రియురాలు