హాలీవుడ్ క్రియేట్ చేసిన సినిమాటిక్ యూనివర్స్ అనే ఐడియాను ముందుగా ఇండియన్ సినిమాల్లోకి తీసుకొచ్చింది బాలీవుడ్. స్పై యూనివర్స్ అనేది ప్రారంభించి ఖాన్స్‌తో బ్యాక్ టు బ్యాక్ యాక్షన్ సినిమాలు తెరకెక్కిస్తూ.. యశ్ రాజ్ ఫిల్మ్స్ సంస్థ బాక్సాఫీస్ దగ్గర కోట్లలో కలెక్షన్స్‌ను కొల్లగొడుతోంది. ఇప్పటికే షారుఖ్ ఖాన్, సల్మాన్ ఖాన్.. ఈ స్పై యూనివర్స్‌లో భాగం కాగా.. త్వరలోనే మరో ఖాన్ కూడా ఇందులో జాయిన్ అవ్వనున్నాడని తాజాగా పాల్గొన్న ఇంటర్వ్యూలో బయటపెట్టాడు సల్మాన్. ‘వీరు’గా సల్మాన్ ఖాన్, ‘జై’గా షారుఖ్ ఖాన్.. స్పై యూనివర్స్‌లో పాపులారిటీని సంపాదించుకోగా.. దీని గురించి మరొక ఇంట్రెస్టింగ్ అప్డేట్‌ను బయటపెట్టాడు సల్మాన్ ఖాన్.
2023 మొదట్లో విడుదలయిన షారుఖ్ ఖాన్ ‘పఠాన్’ కూడా స్పై యూనివర్స్‌లో ఒక భాగంగానే తెరకెక్కింది. ఈ మూవీతో వందల కోట్ల కలెక్షన్స్‌ను కొల్లగొట్టాడు బాలీవుడ్ బాద్‌షా. అయితే ‘పఠాన్’ కోసం సల్మాన్ ఖాన్ ఒక స్పెషల్ గెస్ట్ రోల్‌లో కనిపించాడు. దీంతో సల్మాన్ ఇటీవల నటించిన ‘టైగర్ 3’లో గెస్ట్ రోల్ చేసి సల్మాన్ చేసిన సాయాన్ని తనకే తిరిగి ఇచ్చేశాడు షారుఖ్. అయితే టైగర్‌గా సల్మాన్, పఠాన్‌గా షారుఖ్.. ఇప్పటికే ప్రేక్షకులను మెప్పించారు. కానీ ఇద్దరూ కలిసి త్వరలోనే ‘టైగర్ వర్సెస్ పఠాన్’ అనే చిత్రం రానుందని యశ్ రాజ్ ఫిల్మ్స్ ఇప్పటికే ప్రకటించింది. అయితే ఈ స్పై యూనివర్స్‌కు మరింత హైప్ క్రియేట్ చేయడానికి మరో ఖాన్ కూడా జాయిన్ అయితే బాగుంటుందని సల్మాన్ ఖాన్ తన మనసులోని మాటను బయటపెట్టాడు.
ఆ ఖాన్ కూడా జాయిన్ అయితే బాగుంటుంది..
అమర్ ఖాన్ కూడా స్పై యూనివర్స్‌లో జాయిన్ అయితే బాగుంటుందని తన కోరికను ఒక ఇంటర్వ్యూలో బయటపెట్టాడు సల్మాన్. షారుఖ్ ఖాన్, సల్మాన్ ఖాన్.. ఎప్పుడూ ఒకరి సినిమాలకు మరొకరు సపోర్ట్ చేస్తూ.. ఒకరి మూవీలో మరొకరు గెస్ట్ రోల్స్ చేస్తూ ఉంటారు. కానీ అమీర్ అలా కాదు.. ఎప్పుడూ తన సినిమాలతో తానే బిజీగా ఉంటాడు. ఇతరుల సినిమాల విషయంలో ఎక్కువగా జోక్యం చేసుకోడు. అలాంటి అమీర్ కూడా తమతో పాటు స్పై యూనివర్స్‌లో కలిస్తే.. ముగ్గురు ఖాన్స్ కలిసి బాక్సాఫీస్‌ను షేక్ చేయవచ్చని సల్మాన్.. తన అభిప్రాయాన్ని వ్యక్తం చేశాడు. అమీర్ లాంటి హీరో.. ఎప్పుడూ వైవిధ్యభరితమైన కథలలో నటించడానికే ఇష్టపడతాడు. తన సినిమా అందరికీ నచ్చేలా ఉండాలని అనుకుంటాడు. కేవలం యాక్షన్ లవర్స్‌కు మాత్రమే కాకుండా ఫ్యామిలీ ఆడియన్స్‌కు కూడా తన చిత్రాలు నచ్చాలని అనుకుంటాడు. మరి ఆ హీరో ఇలాంటి స్పై యూనివర్స్‌లో చేరడానికి ఒప్పుకుంటాడా లేదా అనేది చూడాలి.
యంగ్ జెనరేషన్ హీరోలపై సల్మాన్ వ్యాఖ్యలు..
90ల్లోని హీరోలు కలిసి సినిమాలు చేయడానికి, స్క్రీన్ షేర్ చేసుకోవడానికి ఎప్పుడూ సిద్ధంగా ఉంటారని, కానీ యంగ్ జెనరేషన్ మాత్రం అలా కాదని సల్మాన్ ఖాన్ భారీ స్టేట్‌మెంట్ ఇచ్చాడు. ఏవేవో కారణాలు చెప్పి మల్టీ స్టారర్లు చేయకుండా తప్పించుకుంటారని యంగ్ జెనరేషన్ హీరోలపై వ్యాఖ్యలు చేశాడు. ఒకప్పుడు తన సినిమాలు పెద్దగా ప్రేక్షకులను ఇంప్రెస్ చేయడం లేదు అనే సమయంలో సన్నీ డియోల్, సంజయ్ దత్, షారుఖ్ ఖాన్, అనిల్ కపూర్‌లాంటి హీరోలతో మల్టీ స్టారర్లు చేసి హిట్ కొట్టానని తన సక్సెస్ ఫార్ములాను బయటపెట్టాడు సల్మాన్. ఇక తాజాగా తను విడుదల చేసిన ‘టైగర్ 3’ చిత్రం కేవలం 11 రోజుల్లోనే రూ.250 కోట్ల కలెక్షన్స్ సాధించి అందరినీ ఆశ్చర్యపరిచింది.
Also Read: రణబీర్, ప్రభాస్‌లతో సందీప్ వంగా సినిమాటిక్ యూనివర్స్!
ఎలక్షన్ ఫాంటసీ గేమ్ ను ఆడండి. 10వేల రూపాయల విలువైన గాడ్జెట్లు పొందండి. 🏆 *T&C Apply