Aaliyah Kashyap Refused To Attend Anant Ambani-Radhika Merchant's Wedding: అనంత్ అంబానీ, రాధికా మర్చంట్ పెళ్లి వేడుకలు అత్యంత వైభవంగా జరుగుతున్నాయి. ప్రీ వెడ్డింగ్ బాష్, సంగీత్ వేడుకలు, హల్దీ సెరిమనీ అట్టహాసంగా జరిగింది. రేపు(జులై 12న) రాధిక మెడలో అనంత్ మూడు ముళ్లు వేయనున్నారు. ఈ పెళ్లికి దేశ విదేశాలకు చెందిన పలువురు ప్రముఖులు హాజరుకానున్నారు.


అనంత్ పెళ్లి వేడుకల్లో పాల్గొన్న పలువురు సినీ తారలు


ఇప్పటికే అనంత్, రాధికా పెళ్లి వేడుకలకు పలువురు బాలీవుడ్ తారలు హాజరయ్యారు. షారుఖ్ ఖాన్, సల్మాన్ ఖాన్, అమీర్ ఖాన్, దీపికా పదుకొణె, రణవీర్ సింగ్, రణబీర్ కపూర్, అలియా భట్, విక్కీ కౌశల్, కత్రినా కైఫ్, సారా అలీ ఖాన్, అనన్య పాండే, జాన్వీ కపూర్, అర్జున్ కపూర్, కరీనా కపూర్ ఖాన్, దిల్జిత్ దోసాంజ్, సిద్ధార్థ్ మల్హోత్రా, కియారా అద్వానీ సహా పలువురు ఈ వేడుకలో పాల్గొని సందడి చేశారు.


అంబానీ పెళ్లిపై ఆలియా షాకింగ్ కామెంట్స్


అటు అంబానీ పెళ్లి వేడుకలపై బాలీవుడ్ దర్శకుడు అనురాగ్ కశ్యప్ కూతురు ఆలియా కశ్యప్ షాకింగ్ కామెంట్స్ చేసింది. అది పెళ్లిలా కాదు, సర్కస్ లా ఉందంటూ విమర్శించింది. ఈ మేరకు సోషల్ మీడియాలో ఓ పోస్టు పెట్టింది. "అంబానీ ఇంట్లో జరిగేది పెళ్లిలా లేదు. ఓ సర్కస్‌లా ఉంది. అయినప్పటికీ, నేను ఆ సర్కస్ ను ఫాలో అవుతున్నాను. ఎంజాయ్ చేస్తున్నాను. ఈ పెళ్లికి నన్ను కూడా ఆహ్వానించారు. కానీ, డబ్బు కోసం పెళ్లికి వెళ్లాలి అనుకోలేదు. నన్ను నేను అమ్ముకోకూడదు అని భావించాను. వాళ్లు ఇచ్చే డబ్బు కంటే ఆత్మగౌరవం గొప్పదని నమ్ముతాను. అందుకే, అంబానీ పెళ్లికి వెళ్లేందుకు నో చెప్పాను” అని వెల్లడించింది. ప్రస్తుతం ఆమె కామెంట్స్ ఇండస్ట్రీలో హాట్ టాపిక్ గా మారాయి.   






మేలో బాయ్ ఫ్రెండ్ తో నిశ్చితార్థం


అటు ఆలియా త్వరలో మూడు ముళ్ల బంధంతో ఒక్కటి కాబోతోంది. మేలో తన ప్రియుడు షేన్ గ్రెగోయిర్ తో నిశ్చితార్థం జరుపుకుంది. ఇండోనేషియాలోని బాలి వేదికగా ఎంగేజ్మెంట్ వేడుక జరిగింది. ఆలియా తల్లి ప్రముఖ ఫిల్మ్ ఎడిటర్ ఆర్తీ బజాజ్. 1997లో ఆమె అనురాగ్ కశ్యప్ ను పెళ్లి చేసుకుంది. దశాబ్ద కాలం పాటు వీరి సంసారం జీవితం సాఫీగా కొనసాగింది. ఆ తర్వాత ఇద్దరి మధ్య మనస్పర్థలు వచ్చాయి. 2009లో వీరిద్దరు విడాకులు తీసుకున్నారు.


జులై 12న అట్టహాసంగా అంబానీ వెడ్డింగ్


జులై 12న ముంబైలోని జియో వరల్డ్ సెంటర్ లో అనంత్ అంబానీ, రాధికా మర్చంట్ పెళ్లి ఘనంగా జరగనుంది. మూడు రోజుల పాటు ఈ వేడుకలు జరగనున్నాయి. 12న పెళ్లి జరగనుండగా, 13 శుభ్ ఆశీర్వాద్ వేడుకలు జరుగుతాయి. 13న పెళ్లి రిసెప్షన్ జరగనుంది.  



Also Read: చెల్లి పెళ్లిలో అక్క సందడి - రాధిక సోదరి అంజలీ మర్చంట్‌ లెహంగాపై చర్చ, ధర తెలిస్తే షాకవుతారేమో!