Babby Deol Look From Hari Hara Veeramallu : ఏపీ డిప్యూటీ సీఎం, సినీ నటుడు పవన్‌ కళ్యాణ్‌ మోస్ట్‌ అవైయిటెడ్‌ చిత్రాల్లో 'హరి హర వీరమల్లు' ఒకటి. ప్రస్తుతం శరవేగంగా షూటింగ్‌ జరుపుకుంటున్న ఈ సినిమా నుంచి కొత్త అప్‌డేట్‌ ఇచ్చింది మూవీ టీం. బాబీ డియోల్‌ పుట్టిన రోజు సందర్భంగా బర్త్‌ డే విషెస్‌ తెలుపుతూ ఆయన లుక్‌ని విడుదల చేశారు. రాజుల కాలం నాటి దుస్తుల్లో కత్తి పట్టుకుని హుందాగా కనిపించారు. ఈ చిత్రంలో ఆయన విలన్‌గా నటిస్తున్న విషయం తెలిసిందే. ప్రస్తుతం బాబీ డియోల్‌ లుక్‌ సోషల్‌ మీడియాలో వైరల్‌ అవుతుంది. ఆయన లుక్స్​కి నెటిజన్స్‌ నుంచి మంచి స్పందన వస్తోంది.  


కాగా 'హరి హర వీరమల్లు' మార్చి 28న విడుదల కానుంది. ఈ నేపథ్యంలో మూవీ టీం షూటింగ్‌తో పాటు ప్రమోషన్స్‌ని షూరు చేసింది. ఒక్కొక్కటిగా ఈ సినిమా అప్‌డేట్స్ వదులుతోంది. ఇప్పటికే ఈ చిత్రం నుంచి వచ్చిన పోస్టర్స్‌, అప్‌డేట్స్‌కి మంచి రెస్పాన్స్‌ వచ్చింది. ఇటీవల పవన్‌ కళ్యాణ్‌ పాడిన "వినాలి.. వీరమల్లు మాట వినాలి" అనే పాటను విడుదల చేశారు. పీరియాడికల్‌ యాక్షన్‌ డ్రామాగా వస్తున్న ఈ సినిమాలో పలువురు బాలీవుడ్‌ స్టార్స్ నటిస్తున్న సంగతి తెలిసిందే. బాబీ డియోల్‌తో పాటు అనుపమ్‌ ఖేర్‌ కూడా కీలక పాత్రలో కనిపించనున్నారు.  


కాగా ఈ చిత్రాన్ని రెండు భాగాలుగా ప్రేక్షకుల ముందుకు తీసుకువస్తున్నారు. 'హరిహర వీరమల్లు పార్ట్‌: ది స్వార్డ్‌ వర్సెస్‌ స్పిరిట్‌' పేరుతో ఫస్ట్‌ పార్ట్‌ని తెరకెక్కిస్తున్నారు. ఈ చిత్రానికి క్రిష్ జాగర్లమూడి, జ్యోతికృష్ణ డైరెక్టర్స్‌గా వ్యవహరిస్తున్నారు. మొదట క్రిష్ జాగర్లమూడి ఈ సినిమాకు దర్శకుడిగా వ్యవహరించారు.. కొన్ని కారణాల వల్ల ఆయన తప్పుకోవడం జ్యోతికృష్ణ దర్శకత్వ బాధ్యతలు తీసుకున్నారు. మెగా సూర్య ప్రొడక్షన్స్‌ పతాకంపై ఈ సినిమాను నిర్మిస్తున్నారు. ఆస్కార్‌ అవార్డు గ్రహిత ఎంఎం కీరవాణి సంగీతం, బ్యాగ్రౌండ్‌ స్కోర్‌ అందిస్తున్నారు. ఇందులో నిధి అగర్వాల్‌ హీరోయిన్‌గా నటిస్తుండగా.. బాబీ డియోల్‌, అనుపమ్‌ ఖేర్‌, అర్జున్‌ రాంపాల్‌, నోరాహి ఫతేహి, విక్రమ్‌ జిత్‌, జిషుసేన్‌ గుప్త, నర్గీస్‌ ఫక్రీ ముఖ్యపాత్రలు పోషిస్తున్నారు. ఈ సినిమాలో పవన్‌ సామ్రజావ్యవాదలను వ్యతిరేకంగా స్వాతంత్ర్యం కోసం పోరాడే యోధుడిగా కనిపించనున్నారు. ప్రస్తుతం చివరి షూటింగ్‌ షెడ్యూల్‌ని జరుపుకుంటున్న ఈ చిత్రం మార్చి 28న ప్రపంచవ్యాప్తంగా విడుదల కాబోతోంది.   


 






2022లో యానిమల్‌ చిత్రంతో రీఎంట్రీ ఇచ్చిన బాబీడియోల్ దేశవ్యాప్తంగా మంచి ప్రేక్షకాదరణ పొందారు. ఇందులో విలన్‌ పాత్ర పోషించి తనదైన నటనతో విమర్శకుల ప్రశంసలు అందుకున్నారు.  పాన్‌ ఇండియా స్థాయిలో విడుదలైన ఈ చిత్రం బ్లాక్‌బస్టర్‌ హిట్‌ అందుకుంది. ఈ సినిమాకు పలు వర్గాల నుంచి వ్యతిరేకత వచ్చినప్పుటి బాక్సాఫీసు వద్ద రికార్డు స్థాయిలో కలెక్షన్స్‌ చేసింది. 900 కోట్లకు పైగా వసూళ్లు సాధించడంతో ఈ సినిమాలోని నటీనటులందరికి మంచి గుర్తింపు వచ్చింది. తన విలనీజంతో నార్త్‌, సౌత్‌ ఆడియన్స్‌ మెప్పిస్తున్నారు బాబీ డియోల్‌. రీసెంట్​గా బాలయ్య సినిమాలో కనిపించి మెప్పించారు. ఇప్పుడు పవన్ సినిమాతో ప్రేక్షకుల ముందుకు రాబోతున్నారు.