Allu Arjun: ‘పుష్ప 2’ మేకర్స్‌పై అల్లు అర్జున్ సీరియస్ - కారణం అదేనా?

Pushpa 2: ప్రస్తుతం ‘పుష్ప 2’ ఫ్యాన్స్ కోసం బన్నీ ఫ్యాన్స్ అంతా ఆసక్తిగా ఎదురుచూస్తున్నారు. కానీ మేకర్స్‌కు సంబంధించిన ఎన్నో విషయాలు హీరోకి నచ్చకపోవడంతో వారిపై తరచుగా సీరియస్ అవుతున్నట్టు సమాచారం.

Allu Arjun Serious on Pushpa 2 Makers: ఈరోజుల్లో పాన్ ఇండియా సినిమాల కోసం ప్రేక్షకులను విపరీతంగా వెయిట్ చేస్తున్నారు మేకర్స్. విడుదల తేదీ విషయంలో వాయిదాల మీద వాయిదాలు వేయడం, షూటింగ్ విషయంలో లేట్ చేయడం.. ఇలాంటివి కామన్‌గా జరుగుతున్నాయి. ఇక అల్లు అర్జున్, సుకుమార్ కాంబినేషన్‌లో తెరకెక్కుతున్న ‘పుష్ప 2’ విషయంలో కూడా అదే జరుగుతోంది. అయితే ఇలా జరగడం అల్లు అర్జున్‌కు నచ్చలేదట. అందుకే ‘పుష్ప 2’ మేకర్స్‌పై బన్నీ కోపంగా ఉన్నాడంటూ గతంలో వార్తలు వచ్చాయి. మరోసారి మేకర్స్‌ను అల్లు అర్జున్ మందలించినట్టుగా వార్తలు వైరల్ అవుతున్నాయి.

వైరల్ అయిన ఫోటో..

2024లో భారీ ఎత్తున విడుదలకు సిద్ధమవుతున్న సినిమాల్లో ‘పుష్ప 2’ కూడా ఒకటి. ఇది 2021లో విడుదలయిన ‘పుష్ప’కు సీక్వెల్. ఇందులో అల్లు అర్జున్, రష్మిక మందనా హీరోహీరోయిన్లుగా నటిస్తున్నారు. సుకుమార్ దర్శకత్వంలో తెరకెక్కుతున్న ఈ సీక్వెల్ విషయంలో ప్రస్తుతం మరిన్ని జాగ్రత్తలు తీసుకుంటున్నారు మేకర్స్. అందుకే షూటింగ్ మరింత ఆలస్యంగా సాగుతోంది. చాలాకాలం ‘పుష్ప 2’ షూటింగ్‌కు బ్రేక్ పడింది. ఇక రెగ్యులర్ షూటింగ్ ప్రారంభం అయిన తర్వాత కూడా దీని గురించి ఎలాంటి అప్డేట్ లేదు. తాజాగా ఈ మూవీ సెట్ నుంచి రష్మిక ఫోటో ఒకటి లీక్ అయ్యి.. సోషల్ మీడియాలో వైరల్ అయ్యింది.

స్పందించని రష్మిక..

‘పుష్ప 2’ నుంచి లీక్ అయిన రష్మిక ఫోటోలో ఈ భామ.. ఎర్ర చీర కట్టుకొని, తల నిండా పువ్వులు పెట్టుకొని కనిపిస్తోంది. దీంతో ఒక్కసారిగా ఈ లీక్ అయిన ఫోటో సోషల్ మీడియాలో హల్‌చల్ చేసింది. ఫ్యాన్స్ అంతా ఈ ఫోటోను చూసి ఎగ్జైట్మెంట్ ఫీల్ అయినా కూడా అల్లు అర్జున్ మాత్రం ఈ విషయంలో కాస్త నిరాశ చెందారని సమాచారం. ‘పుష్ప 2’ సెట్స్‌ నుంచి ఫోటో లీక్ అవ్వడంపై మేకర్స్‌ను మందలించారట కూడా. ఫిల్మ్ సెట్‌లో సరైన సెక్యూరిటీ లేదని వారిపై కోప్పడ్డారట. మళ్లీ ఇలా జరగకుండా చూసుకోమని చెప్తూ వారిపై సీరియస్ అయ్యారట. కానీ రష్మిక మాత్రం ‘పుష్ప 2’ నుంచి లీక్ అయిన ఫోటో గురించి ఏ విధంగానూ స్పందించలేదు. 

రిలీజ్ పక్కా..

ఇప్పటికే 2024 ఆగస్ట్ 15న ‘పుష్ప 2’ రిలీజ్‌ను అనౌన్స్ చేశారు మేకర్స్. అయితే ఇంకా ఈ సినిమా నుంచి ఎలాంటి అప్డేట్ బయటికి రాకపోవడంతో ఎన్నో ఇతర పాన్ ఇండియా చిత్రాలలాగానే ఈ మూవీ కూడా పోస్ట్‌పోన్ అవుతుందేమోనని ఫ్యాన్స్ కంగారుపడ్డారు. కానీ ‘పుష్ప 2’ రిలీజ్‌కు ఇంకా 100 రోజులే ఉందంటూ మేకర్స్ అప్డేట్ ఇచ్చారు. దీంతో ఫ్యాన్స్ కాస్త ఊపిరి పీల్చుకున్నారు. ‘పుష్ప 2’ నుంచి చాలాకాలం క్రితం ఒక గ్లింప్స్ విడుదలయ్యింది. ఆ తర్వాత రెండు పోస్టర్లు ప్రేక్షకుల ముందుకు వచ్చాయి. అంతకు మించి దీనిపై అప్డేట్స్ ఇవ్వడం మేకర్స్ ఎక్కువగా ఆసక్తి చూపించడం లేదు. దీంతో బన్నీ ఫ్యాన్స్ ‘పుష్ప 2’ విషయంలో సహనం కోల్పోతున్నారు.