Hatya Movie: ‘బిచ్చగాడు’ సినిమాతో తెలుగులో కూడా మంచి గుర్తింపు తెచ్చుకున్నాడు తమిళ నటుడు విజయ్ ఆంటోనీ. ఆ సినిమా తర్వాత ఆయన నటించిన అన్ని సినిమాలు దాదాపు తెలుగులో కూడా విడుదల అవుతున్నాయి. రీసెంట్ గా తెలుగులో కూడా సూపర్ హిట్ అందుకున్న ‘బిచ్చగాడు’ మూవీకు సీక్వెల్ గా ‘బిచ్చగాడు 2’ సినిమాతో ప్రేక్షకుల ముందుకు వచ్చాడు విజయ్ ఆంటోనీ. ఈ  సినిమా టాలీవుడ్ లో పాజిటివ్ టాక్ ను సొంతం చేసుకుంది. దీంతో ఈ హీరో నుంచి తరువాత వచ్చే ప్రాజెక్టుపై తెలుగులోపూ ఆసక్తి నెలకొంది. ‘బిచ్చగాడు 2’ వచ్చి కొన్ని నెలలు కూడా గడవక ముందే మరో మూవీతో ప్రేక్షకుల ముందుకు వస్తున్నాడు. విజయ్ ఆంటోనీ నటించిన రీసెంట్ మూవీ ‘హత్య’కు సంబంధించిన కొత్త అప్డేట్ ను రివీల్ చేశారు మేకర్స్. 


మర్డర్ మిస్టరీ చుట్టూ ‘హత్య’ సినిమా..


విజయ్ ఆంటోనీ సినిమాలు అన్ని చాలా విభిన్నంగా ఉంటాయి. అందుకే ఆయన నుంచి కొత్త సినిమా వస్తుంది అంటే తెలుగులోనూ ఆసక్తి నెలకొంటుంది.  ఇప్పుడు రాబోయే సినిమా కూడా అలాగే ఉంటుందని సినిమా పోస్టర్ ను చూస్తే తెలుస్తోంది. సినిమా టైటిల్ బట్టే ఇది ఒక మర్డర్ మిస్టరీ సినిమా అని అర్థమవుతుంది. ఓ గదిలో జరిగిన మర్డర్ చుట్టూ సినిమా ఉంటుందని అంటున్నారు. అయితే ఎవరి కోసం ఎవర్ని చంపారు అనేది సినిమాలో చూడాల్సిందే. సినిమా పోస్టర్ లో విజయ్ కొత్త లుక్ లో కనిపిస్తున్నాడు. ఈ మూవీను జూలై 21 న విడుదల చేయనున్నట్లు అధికారికంగా ప్రకటించారు మేకర్స్. ప్రస్తుతం ఈ పోస్టర్ నెట్టింట వైరల్ అవుతోంది. ఈ సినిమాలో విజయ్ ఆంటోనీ తోపాటు రితికా సింగ్, మీనాక్షి చౌదరి, రాధిక శరత్ కుమార్, మురళీ శర్మ, జాన్ విజయ్ కీలక పాత్రలు పోషించారు. ఇన్ఫినిటీ ఫిల్మ్ వెంచర్స్, లోటస్ పిక్చర్స్ సంయుక్తంగా ఈ సినిమాను నిర్మించాయి. గిరీష్ సంగీతం అందించాడు. 






‘విక్రమ్ రాథోడ్’ గా విజయ్ ఆంటోని..


విజయ్ ఆంటోని వరుస సినిమాలతో దూసుకెళ్తున్నాడు. ఇటీవలే ‘బిచ్చగాడు 2’ ను తెలుగులో విడుదల చేసిన విజయ్ ‘హత్య’ తో పాటు మరో మూవీను రిలీజ్ కు రెడీగా పెట్టాడు. అదే విజయ్ ఆంటోనీ రీసెంట్ గా నటించిన ‘తమిళరాసన్’. ఈ సినిమాను తెలుగులో ‘విక్రమ్ రాథోడ్’ గా టైటిల్ పెట్టి విడుదల చేయడానికి సన్నాహాలు జరుగుతున్నాయి. ఇప్పటికే ఈ సినిమాకు సబంధిచిన ఫస్ట్ లుక్ ను రిలీజ్ చేశారు. ఈ పోస్టర్ లో విజయ్ సీరియస్ లుక్ లో కనిపించాడు. ఈ మూవీ కూడా త్వరలోనే తెలుగు ప్రేక్షకుల ముందుకు రానుంది. ఈ సినిమా కూడా థ్రిల్లర్ నేపథ్యంలోనే తెరకెక్కింది. ఈ మూవీలో విజయ్ ఆంటోనీ పోలీస్ పాత్రలో కనిపించారు. తమిళంలో ఈ సినిమా మిక్స్డ్ టాక్ ను సొంతం చేసుకుంది. బాబు యోగిశ్వరన్ దర్శకత్వం వహించాడు. ఈ సినిమాలో సోనూసూద్‌, సురేష్ గోపి ప్ర‌ధాన పాత్ర‌ల్లో న‌టించారు. ఇళ‌య‌రాజా సంగీతాన్ని అందించారు.


Also Read: ఆ ఓటీటీలోకే శ్రీవిష్ణు ‘సామజవరగమన’ మూవీ!