టాలీవుడ్ రెబల్ స్టార్, దివంగత కృష్ణం రాజు నటించిన సూపర్ హిట్ మూవీ ‘భక్త కన్నప్ప’. కృష్ణం రాజు కెరీర్ లోనే ఈ సినిమా బిగ్గెస్ట్ హిట్ గా నిలిచింది. ఈ సినిమాతో కృష్ణం రాజు సినీ కెరీర్ గ్రాఫ్ అమాంతం పెరిగింది. ఈ మూవీ తర్వాత ఇండస్ట్రీలో ఆయనకంటూ ఓ ప్రత్యేక గుర్తింపు లభించింది. కృష్ణం రాజు నటించిన ఈ సినిమా రీమేక్ గురించి టాలీవుడ్ లో చాలా సార్లు చర్చ జరిగింది. అయితే, మంచు ఫ్యామిలీ ఈ సినిమా రీమేక్ విషయంలో కీలక ముందడుగు వేసింది. గతంలో ఈ సినిమా రీమేక్ చేస్తున్నట్లు ప్రకటించినా, ఆ తర్వాత ఎలాంటి కదలిక లేదు. రీసెంట్ గా మంచు విష్ణు ఈ సినిమా రీమేక్ కు సంబంధించి ఆసక్తికర విషయాలు చెప్పారు.
సెప్టెంబర్ నుంచి ‘భక్త కన్నప్ప’ షూటింగ్- మంచు విష్ణు
రీసెంట్ గా ఓ ఇంటర్వ్యూలో పాల్గొన్న మంచు విష్ణు ‘భక్త కన్నప్ప’ రీమేక్ పనుల్లో పురోగతి గురించి మాట్లాడారు. “ఈ సినిమా భారీ బడ్జెట్ తో రూపొందుతోంది. నా మార్కెట్ కంటే చాలా ఎక్కువ బడ్జెట్ అనేది నేనూ ఒప్పుకుంటాను. రిస్క్ తీసుకుంటున్నాను కూడా. ఈ సినిమాను మేమే ప్రొడ్యూస్ చేస్తున్నాం. ఎవరితో టైయ్యప్ అవుతున్నాం అనేది త్వరలో అనౌన్స్ చేయబోతున్నాం. ఇప్పుడు నేను అఫీషయల్ గా చెప్తున్నాను ‘భక్తకన్నప్ప’ను రీమేక్ చేస్తున్నాం. ఈ సెప్టెంబర్ నుంచి షూటింగ్ మొదలవుతుంది. గత 8 నెలలుగా ఈ సినిమా పైనే ఫోకస్ పెట్టాను. చాలా భాషల్లో ఈ సినిమా తెరకెక్కబోతుంది. ఈ సినిమాలో సౌత్ ఇండస్ట్రీకి చెందిన పలువురు కీలక నటీనటులు భాగం కాబోబుతున్నారు. ఈ మూవీలో నటీనటులు అందరినీ సర్ ప్రైజ్ చేస్తారు” అని చెప్పుకొచ్చారు.
రూ. 150 కోట్లతో ‘భక్త కన్నప్ప’ రీమేక్
కొద్ది నెలల క్రితం ‘భక్త కన్నప్ప’ చిత్రాన్ని రీమేక్ చేయనున్నట్లు మంచు ఫ్యామిలీ ప్రకటించింది. ఈ సినిమాను హాలీవుడ్ లెవల్లో రూపొందించనున్నట్లు తెలిపారు. ఇందుకోసం ఏకంగా రూ. 150 కోట్లు బడ్జెట్ వెచ్చించనున్నట్లు చెప్పారు. అప్పట్లో ఈ అనౌన్స్ మెంట్ సినిమా పరిశ్రమలో హాట్ టాపిక్ అయ్యింది. ఆ తర్వాత మూవీకి సంబంధించి ఎలాంటి అప్ డేట్ రాలేదు. కానీ, ఇప్పుడు మంచు విష్ణు ఈ సినిమా గురించి కీలక విషయాలు వెల్లడించడంతో ఇండస్ట్రీలో మళ్లీ ఈ మూవీపై చర్చ జరుగుతోంది. వాస్తవానికి కృష్ణం రాజుతో మంచు మోహన్ బాబుకు మంచి అనుబంధం ఉండేది. ఈ కారణంగానే ఆయన సినిమాను రీమేక్ చేయనున్నట్లు మోహన్ బాబు ప్రకటించారు. త్వరలోనే ఈ సినిమాకు సంబంధించిన కీలక విషయాలు బయటకు వచ్చే అవకాశం ఉంది.
Read Also: 2024లో ఏపీ సీఎం ఆయనే - పవన్ కల్యాణ్ పొలిటికల్ జర్నీపై మంచు విష్ణు ఆసక్తికర వ్యాఖ్యలు
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial