ఒకప్పటి టాలీవుడ్ హీరో జె.డి చక్రవర్తి గురించి అందరికీ తెలిసిందే. తెలుగు సినీ పరిశ్రమలో హీరోగా అప్పట్లో భారీ గుర్తింపు తెచ్చుకున్నాడు. ఈ మధ్యకాలంలోనే మళ్లీ నటుడిగా తన సెకండ్ ఇన్నింగ్స్ మొదలు పెట్టారు. తాజాగా 'దయ' అనే వెబ్ సిరీస్ తో ఆడియన్స్ ముందుకు రాబోతున్నారు. డిస్నీ ప్లస్ హాట్ స్టార్ నిర్మిస్తున్న ఈ వెబ్ సిరీస్ ట్రైలర్ ఇటీవల రిలీజై మంచి రెస్పాన్స్ అందుకుంది. ఇదిలా ఉంటే గతంలో ఓ ఇంటర్వ్యూలో మాట్లాడిన జెడి చక్రవర్తి.. కమెడియన్ బ్రహ్మానందం తనకు టార్చర్ చూపించారంటూ సంచలన విషయాలను బయటపెట్టారు. దీనికి సంబంధించిన జెడి చక్రవర్తి ఓల్డ్ ఇంటర్వ్యూ ఒకటి ఇప్పుడు సోషల్ మీడియాలో వైరల్ అవుతోంది.
జెడి చక్రవర్తి కెరియర్లో వచ్చిన 'మనీ' సినిమా ఎంత పెద్ద సక్సెస్ అయిందో తెలిసిందే. ముఖ్యంగా ఈ సినిమాలో బ్రహ్మానందం పోషించిన 'ఖాన్ దాదా' పాత్ర సినిమాకి ప్రధాన ఆకర్షణగా నిలిచింది. జెడి చక్రవర్తి, బ్రహ్మానందం మధ్య వచ్చే సన్నివేశాలు కూడా ఆకట్టుకుంటాయి. మళ్లీ చాలా సంవత్సరాల తర్వాత ఈ సినిమాకి సీక్వెల్ గా 'మనీ మనీ మోర్ మనీ' అనే సినిమాను స్వయంగా జెడి చక్రవర్తి తెరకెక్కించారు. ఈ సినిమా షూటింగ్లో బ్రహ్మానందం తనకు టార్చర్ చూపించారంటూ జె.డి చక్రవర్తి ఇంటర్వ్యూలో పేర్కొన్నారు.
ఈ మేరకు చక్రవర్తి మాట్లాడుతూ.."మనీ మనీ మోర్ మనీ.. సినిమా చేసేటప్పుడు చాలామంది నన్ను బ్రహ్మానందాన్ని ఈ సినిమా కోసం తీసుకోవద్దని అన్నారు. కానీ నేనే పట్టుబట్టి మరీ బ్రహ్మానందంను సినిమాకి కోసం కావాలని అన్నాను. ఆ సమయంలో నాతో బ్రహ్మానందం గురించి చాలా చెప్పారు. బ్రహ్మానందం టైంకి షూటింగ్ కి రాడు. వ్యానిటీ వ్యాన్లు అడుగుతాడు. హోటల్ నుంచి రకరకాల ఆర్డర్లు తనకే కాదు తన పక్కవాళ్లకు కూడా చెప్తాడు. తొమ్మిదిన్నర, పదింటికి వస్తాడు. 12 గంటలకు బ్రేక్ తీసుకొని వెళ్ళిపోతాడు. బ్రేక్ మనం ఇవ్వం. తను తీసుకుంటాడు. ఒంటిగంట నుంచి రెండు గంటల వరకు లంచ్ బ్రేక్. మళ్లీ 3 గంటలకు వస్తాడు. 4 గంటలకు వెళ్ళిపోతాడు. ఫస్ట్ ఫ్లోర్ ఎక్కడు. డైలాగ్ లేకపోతే ట్రాలీలు, స్టడీక్యామ్ షాట్లు ఉంటే చేయడు" అంటూ ఒక పెద్ద లిస్ట్ ఇచ్చారంటూ తెలిపారు.
‘‘ఆ తర్వాత ఫస్ట్ డే షూటింగ్ 9 గంటలకని బ్రహ్మానందానికి చెబితే సరైన సమయానికి వచ్చారు. ఇంకా ఆయన రాగానే నేను ఇది మీ కాస్ట్యూమ్. ఇది వేసుకోవాలి అంటే, ఆయన స్వయంగా కొన్ని కాస్టమ్స్ తెచ్చుకుని ఇందులో నచ్చింది వేసుకుందాం అని నాతో అన్నారు. నేను సరే అన్నాను. మొదటిరోజు షూటింగ్ ఎలాగోలా పూర్తయింది. కానీ ఆ తర్వాత ఆయన ఎలాగో షూటింగ్ కి లేట్ వస్తారని తెలిసి అంతకంటే ముందే మేము కొన్ని సీన్స్ షూట్ చేయాలని ప్లాన్ చేసుకుంటే ఆయన తొందరగా వచ్చేసేవారు. అలా నా ప్లానింగ్ అంతా తారుమారు అవుతుండేది. అలా డైలీ నేను ఆయన వల్ల టార్చర్ అనుభవించానంటూ చెప్పుకొచ్చారు జే.డి చక్రవర్తి. ఇక ఆ తర్వాత కొన్ని రోజులకు ఆయనలో మార్పు వచ్చిందని షూటింగ్ సమయంలో నాకు ఎంతో సపోర్ట్ చేశారంటూ బ్రహ్మానందం పై పొగడ్తలు సైతం కురిపించారు. దీంతో ప్రస్తుతం జేడీ చక్రవర్తి ఓల్డ్ ఇంటర్వ్యూ సోషల్ మీడియా అంతటా వైరల్ గా మారుతోంది.
Also Read : 'జైలర్' స్టోరీ లీక్ - రజినీకాంత్‌కు ఈసారి హిట్ పక్కా!