Bigg Boss 8 Telugu News: బుల్లితెరపై ప్రసారమయ్యే రియాల్టీ షోలలో అన్నింటికంటే ఎక్కువగా పాపులర్ అయిన షో బిగ్ బాస్. తాజాగా తెలుగులో సీజన్ 8 నడుస్తుండగా, 14 మంది కంటెస్టెంట్స్ హౌస్ లోకి అడుగు పెట్టారు. ఎప్పటిలాగే నాగార్జున హోస్ట్ గా వ్యవహరించడంతో ఈ సరికొత్త సీజన్ ప్రారంభమైంది. అన్లిమిటెడ్ ఎంటర్టైన్మెంట్, అన్లిమిటెడ్ మనీ అంటూ మొదలైన బిగ్ బాస్ తెలుగు లో ప్రస్తుతం 12 మంది కంటెస్టెంట్స్ ఉన్నారు. ఇందులో ఇద్దరు ఇప్పటికే ఎలిమినేట్ అయిన సంగతి తెలిసిందే. అయితే బుల్లితెర ప్రేక్షకులు ఎప్పుడెప్పుడా అని ఎదురు చూస్తున్న బిగ్ బాస్ సీజన్ 8 వైల్డ్ కార్డ్ ఎంట్రీకి తాజాగా ముహూర్తం ఖరారు అయినట్టుగా తెలుస్తోంది. ఈసారి ఏకంగా నలుగురు కొత్త కంటెస్టెంట్స్ ను వైల్డ్ కార్డు పేరుతో హౌస్ లోకి పంపించబోతున్నారని టాక్ నడుస్తోంది. మరి హౌస్ లోకి అడుగు పెట్టబోతున్న ఆ నలుగురు వైల్డ్ కార్డు ఎంట్రీ కంటెస్టెంట్స్ ఎవరు? ఎప్పుడు ఎంట్రీ ఇవ్వబోతున్నారు? అనే విషయాలను తెలుసుకుందాం.
వైల్డ్ కార్డు ఎంట్రీకి ముహూర్తం ఫిక్స్...
గత సీజన్ తో పోల్చుకుంటే బిగ్ బాస్ సీజన్ 8 చాలా తక్కువ టిఆర్పి రేటింగ్ తో మొదలైంది. దీనికి కారణం హౌస్ లో అడుగు పెట్టిన కంటెస్టెంట్స్ అని చెప్పొచ్చు. వాళ్ళ ముఖాలు పెద్దగా తెలియకపోవడం పట్ల బుల్లితెర ప్రేక్షకులు అసంతృప్తిని వ్యక్తం చేసి, దాన్ని టీఆర్పి రేటింగ్ తో బయటపెట్టారు. కానీ ఆ తరువాత వారం రోజులకే టిఆర్పి రేటింగ్ టాప్ లోకి దూసుకెళ్లింది. అన్ని భాషల్లోని బిగ్ బాస్ తో పోల్చుకుంటే తెలుగు బిగ్ బాస్ ఈ సీజన్లో టీఆర్పీ రేటింగ్ పరంగా రికార్డులను తిరగరాసింది. కాగా ఎప్పుడెప్పుడా అని ఈగర్ గా ఎదురు చూస్తున్న వైల్డ్ కార్డు ఎంట్రీని బిగ్ బాస్ 8 తెలుగు 2.0 అనే మరొక గ్రాండ్ లాంచ్ ఈవెంట్ ద్వారా హౌస్ లోకి పంపబోతున్నారని తెలుస్తోంది. దసరా స్పెషల్ బోనంజా వీకెండ్ అక్టోబర్ 6న ఈ బిగ్ బాస్ తెలుగు 8 గ్రాండ్ లాంచ్ 2.0 జరగనుందని అంటున్నారు.
వైల్డ్ కార్డు ఎంట్రీ ఇవ్వబోతున్న కంటెస్టెంట్స్...
చాలా కాలంగా బిగ్ బాస్ 8 తెలుగులోకి అడుగు పెట్టబోతున్న కంటెస్టెంట్స్ లిస్ట్ లో జ్యోతి రాయ్ పేరు వైరల్ అవుతుంది. గుప్పెడంత మనసు సీరియల్ ద్వారా మంచి పాపులారిటీని సంపాదించుకున్న జ్యోతి రాయ్ ఆ తరువాత సోషల్ మీడియాలోని బోల్డ్ యాంగిల్ బయట పెట్టి అందరికీ షాక్ ఇచ్చింది. అలా బుల్లితెర, సోషల్ మీడియాలలో తన అందం, అభినయంతో మంచి ఫ్యాన్ ఫాలోయింగ్ ను సంపాదించుకున్న జ్యోతి రాయ్ తో పాటు రాకింగ్ రాజేష్, యాంకర్ శివ, హైపర్ ఆది కూడా బిగ్ బాస్ లోకి వైల్డ్ కార్డు ఎంట్రీ ఇవ్వబోతున్నారని టాక్ నడుస్తోంది. అంతేకాకుండా గత ఓటిటి సీజన్ తో సహా మునుపటి సీజన్లో నుంచి కొంత మంది మాజీ కంటెస్టెంట్స్ తో చర్చలు జరుపుతున్నట్టుగా ప్రచారం సాగుతోంది. మరి ఈ వార్తల్లో ఎంతవరకు నిజముందో తెలియాలంటే దసరా ఎపిసోడ్ వచ్చేదాకా ఆగాల్సిందే.